=== Hreppsnefnd Skorradalshrepps === Fundur nr. 164 === miðvikudaginn 9. febrúar 2022 kl.16:00, hélt hreppsnefnd Skorradalshrepps fund á Hvanneyri. Þessir sátu fundinn: Pétur Davíðsson, Jón E. Einarsson, Árni Hjörleifsson, Sigrún Guttormsdóttir Þormar og Ástríður Guðmundsdóttir. === Fundargerð ritaði: Pétur Davíðsson, hreppsnefndarmaður. **Þetta gerðist:** **Almenn mál** **1. Sorphirðumál í Skorradal – Mál nr. 2202001** Lagt fram bréf frá Helga Kristjánssyni formanni sumarhúsafélagsins í Dagverðarnesi um sorphirðumál í Skorradal. Sorphirðumál eru skoðun í kjölfar nýrra reglna í tengslum við evrópureglur. **2. Götulýsing Birkimóa – Mál nr. 2202002** Skorradalshreppur hefur yfirtekið viðhald götulýsingar í Birkimóa eftir að RARIK sagði sig frá því. Samþykkt að skoða hvernig viðhaldi verði háttað í framtíðinni. **3. Farsæld barna – Mál nr. 2202003** Erindi frá Félagsmálaráðuneytinu. Óskað eftir að Skorradalshreppur skipi fulltrúa í Farsæld barna. Ástríður Guðmundsdóttir skipuð fulltrúi Skorradalshrepps. **4. Erindi frá Húsnæðis- og mannvirkjastofnun. – Mál nr. 2202004** Óskað er eftir skipun tengiliðs vegna stafrænar húsnæðisáætlunar. Samþykkt að Pétur Davíðsson sé fulltrúi Skorradalshrepps. **5. Loftlagsstefna – Mál nr. 2202005** Erindi frá SSV. Á haustþingi SSV var samþykkt að SSV myndi standa fyrir vinnu við gerð loftlagsstefnu fyrir sveitarfélögin á Vesturlandi. Hreppsnefnd er jákvæð að taka þátt í gerð þessara stefnu. **6. Launamál – Mál nr. 2202006** Oddviti leggur fram bókun um launamál. Samþykkt að fresta málinu. JEE og SGÞ falið að skoða málið. **7. Sameiginleg svæðisáætlun um meðhöndlun úrgangs 2022-2033 til staðfestingar sveitarstjórnar – Mál nr. 2202007** Mannvit óskar eftir staðfestingu sveitarstjórnar á sameiginlegri svæðisáætlun. Sveitarstjórn staðfestir svæðisáætlunina. **8. Ráðningarsamningur – Mál nr. 2202008** Oddviti legur fram ráðningasamning við Jón E. Einarsson. Tímabundinn samningur vegna skönnun skjala, teikninga og fleira á byggingarsviði. Samningur samþykktur. **9. Erindi frá Borgarbyggð – Mál nr. 1811003** Oddviti fór yfir stöðu viðræðna vegna þjónustusamninga. **Fundargerðir til staðfestingar** **10. Skipulags- og byggingarnefnd – 155 – Mál nr. 2201001F** Lögð fram fundargerð frá 18. janúar s.l. Samþykkt í öllum 11 liðum. 10.1 2103005 – Rafræn undirskrift erinda frá embætti skipulags- og byggingarfulltrúa 10.2 2201010 – Neðri Hreppur, friðlýsing? 10.3 2103010 – Fitjahlíð 41, umsókn um byggingarleyfi viðbygging 10.4 2201004 – Fitjahlíð 39 og 41 lóðablað raunst 10.5 2008010 – Efri-Hreppur vegsvæði 10.6 2008009 – Neðri-Hreppur vegsvæði 10.7 2102015 – Neðri-Hreppur 1 vegsvæði 10.8 2011008 – Erindi frá Landsnet hf. Hrútafjarðarlína. 10.9 2201008 – Refsholt 33, breyting deiliskipulags 10.10 2201009 – Refsholt 32, breyting deiliskipulags 10.11 2201006 – Umsögn um umhverfismat framkvæmda og áætlana nr. 1112021 **Skipulagsmál** **11. Refsholt 32, breyting deiliskipulags – Mál nr. 2201009** Óskað er eftir breytingu deiliskipulags við Refsholt 32 í landi Hálsa. Breytingin varðar þakform og hæð langveggja. Óskað er eftir að þak verði einhalla í stað mænisþaks. Hæð lægri langveggja verði ekki hærri en 280cm og hærri langveggja ekki hærri en 400 cm. Leyfileg vegghæð langveggja er 250 cm og mænishæð 480 cm í gildandi deiliskipulagsáætlun. Skipulags- og byggingarnefnd leggur til við hreppsnefnd að að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 að teknu tilliti til athugsemda skipulagsfulltrúa og hún grenndarkynnt sbr. 44. gr. sömu laga fyrir lóðarhöfum Refsholts 30, 33, 34, 35, 36, 49, 51 og landeigendum. Hreppsnefnd samþykkir að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 að teknu tilliti til athugsemda skipulagsfulltrúa og hún grenndarkynnt sbr. 44. gr. sömu laga fyrir lóðarhöfum Refsholts 30, 33, 34, 35, 36, 49, 51 og landeigendum. Skipulagsfulltrúa falið að vinna málið áfram. **12. Refsholt 33, breyting deiliskipulags – Mál nr. 2201008** Óskað er eftir breytingu deiliskipulags við Refsholt 33 í landi Hálsa. Breytingin varðar þakform og hæð langveggja. Óskað er eftir að þak verði einhalla í stað mænisþaks. Hæð lægri langveggja verði ekki hærri en 280cm og hærri langveggja ekki hærri en 400 cm. Leyfileg vegghæð langveggja er 250 cm og mænishæð 480 cm í gildandi deiliskipulagsáætlun. Skipulags- og byggingarnefnd leggur til við hreppsnefnd að að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 og hún grenndarkynnt sbr. 44. gr. sömu laga fyrir lóðarhöfum Refsholts 19, 22, 27, 30, 31, 32, 35, 49 og landeigendum. Hreppsnefnd samþykkir að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 að teknu tilliti til athugasemda skipulagsfulltrúa og hún grenndarkynnt sbr. 44. gr. sömu laga fyrir lóðarhöfum Refsholts 19, 22, 27, 30, 31, 32, 35, 49 og landeigendum. Skipulagsfulltrúa falið að vinna málið áfram. **Byggingarleyfismál** **13. Fitjahlíð 41, umsókn um byggingarleyfi viðbygging – Mál nr. 2103010** Byggingarleyfisumsókn var grenndarkynnt sbr. 2. mgr. 43. gr. skipulagslaga nr. 123/2010 m.s.br. þann 15. nóvember til 15. desember 2021 þar sem ekkert deiliskipulag er í gildi af umræddri lóð. Grenndarkynningargögn bárust ekki til eins aðila og var grenndarkynning því framlengd til 15. jan 2022. Engin athugasemd barst á grenndarkynningartíma.Skipulags- og byggingarnefnd leggur til við hreppsnefnd að byggingarfulltrúa verði falið að veita byggingarleyfi í samræmi við grenndarkynnt gögn byggingarleyfisumsóknar. Hreppsnefnd samþykkir að byggingarfulltrúa verði falið að veita byggingarleyfi í samræmi við grenndarkynnt gögn byggingarleyfisumsóknar. Byggingarfulltrúa falið að vinna málið áfram. Fleira ekki gert. Fundi slitið kl. 19:00.