Norðurþing
25.04.2023 - Fjölskylduráð 150. fundur
= Fjölskylduráð =
Dagskrá
=== 1.Samningur við FEBHN um leigu á húsnæði og samstarf um félagsstarf. ===
201905125
Félag eldriborgara á Húsavík og nágrenni kemur og kynnir ársreikning og árskýrslu starfsársins 2022
Fjölskylduráð þakkar forsvarsmönnum Félags eldri borgara á Húsavík og nágrenni fyrir komuna á fundinn.
Ársreikningur og ársskýrsla lögð fram til kynningar.
Ársreikningur og ársskýrsla lögð fram til kynningar.
=== 2.Borgarhólsskóli - Skóladagatal 2022-2023 ===
202204122
Fjölskylduráð hefur til umfjöllunar ósk um breytingu á starfsdagatali Frístundar vegna sumarstarfsemi Frístundar í Borgarhólsskóla.
Óskað er eftir því að lokað verði í Frístund 2. júní til að undirbúa sumarstarf Frístundar í Borgarhólsskóla.
Óskað er eftir því að lokað verði í Frístund 2. júní til að undirbúa sumarstarf Frístundar í Borgarhólsskóla.
Fjölskylduráð samþykkir breytingu á starfsdagatali frístundar sem felur í sér lokun frístundar föstudaginn 2. júní vegna flutnings á aðstöðu frístundar í húsnæði Borgarhólsskóla þar sem sumarfrístund mun hafa aðsetur á komandi sumri. Sumarfrístund hefst mánudaginn 5. júní samkvæmt auglýstri dagskrá.
=== 3.Ferðaþjónusta aldraðra ===
202304029
Reglur um akstursþjónustu fyrir aldraða og fólk með sértækar stuðningsþarfir hafa verið í einu lagi hjá sveitarfélaginu. Lagt er til að aðskilja þessar reglur um akstursþjónustu og liggur því fyrir fjölskylduráði tillaga að reglum um akstursþjónustu fyrir aldraða.
Fjölskylduráð samþykkir reglurnar og vísar til sveitarstjórnar til staðfestingar.
=== 4.Akstursþjónusta fyrir fatlað fólk ===
202211078
Reglur um akstursþjónustu fyrir aldraða og fólk með sértækar stuðningsþarfir hafa verið í einu lagi hjá sveitarfélaginu. Lagt er til að aðskilja þessar reglur um akstursþjónustu og liggur því fyrir fjölskylduráði tillaga að reglum um akstursþjónustu fyrir fólk með sértækar stuðningsþarfir.
Fjölskylduráð samþykkir reglurnar og vísar til sveitarstjórnar til staðfestingar.
=== 5.Viðauki við samning sveitarfélaganna um sértæka almenna félagsþjónustu vegna farsældar ===
202211019
Fyrir fjölskylduráði liggur fyrir samningur til kynningar um kostnaðarþátttöku sveitarfélaganna sem sameinast um félagsþjónustu. Samningurinn varðar þjónustu vegna farsældarlaganna þ.e þjónustu við börn.
Lagt fram til kynningar.
=== 6.Félagsþjónusta stöðugildi innan stjórnsýslu ===
202304037
Fyrir fjölskylduráði eru til kynningar upplýsingar um stöðugildi innan félagsþjónustunnar.
Lagt fram til kynningar.
=== 7.Erindisbréf fastaráða Norðurþings ===
202101137
Fram fer síðari umræða um erindisbréf fjölskylduráðs.
Fjölskylduráð samþykkir erindisbréf ráðsins með áorðnum breytingum og vísar erindisbréfinu til staðfestingar í sveitarstjórn.
=== 8.Listamaður Norðurþings 2023 ===
202304052
Fyrir fjölskylduráði liggja reglur um listamann Norðurþings.
Fjölskylduráð gerir engar breytingar á núgildandi reglum og felur íþrótta- og tómstundafulltrúa að auglýsa eftir umsóknum um listamann Norðurþings.
Fundi slitið - kl. 11:40.
Jón Höskuldsson, fræðslufulltrúi, sat fundinn undir liðum 2 og 7.
Hróðný Lund, félagsmálastjóri, sat fundinn undir liðum 1 og 3-7.
Kjartan Páll Þórarinsson, íþrótta- og tómstundafulltrúi, og Nele Marie, fjölmenningarfulltrúi, sátu fundinn undir liðum 7 og 8.
Ingibjörg Hanna Sigurðardóttir vék af fundi kl. 11:22.