= Umhverfisnefnd = Dagskrá === 1.Umhverfisverðlaun 2023 === 2303092 Þann 20. apríl næstkomandi verða Umhverfisverðlaun Hveragerðisbæjar veitt að vanda í Garðyrkjuskólanum að Reykjum. === 2.Alþjóðlegi plokkdagurinn === 2303093 Alþjóðlegi plokkdagurinn verður haldin sunnudaginn 30. apríl þetta árið. Umhverfisnefnd leggur til að bærinn taki þátt að vanda í þessu góða framtaki. Nefndin hvetur alla starfsmenn, kjörna fulltrúa og nefndarmenn til að taka virkan þátt með bæjarbúum í þessu verkefni. Nefndin leggur einnig til að Umhverfisfulltrúi finni hentugar dagsetningar til að halda garðahreinsunarviku þar sem frítt væri á gámasvæðið. === 3.Varmá === 2303094 Mælingar hafa sínt að vatnsgæði í neðri hluta Varmár eru ekki nógu góð. Áin Varmá er vissulega andlit bæjarins og einn megin þáttur þegar kemur að fegurð og ímynd bæjarins. Mikilvægt er því að tryggja að áin sé hrein svo hægt sé að njóta útvistar í nágrenni við hana og tryggja gott lífríki árinnar. Nú hefur veiði verið bönnuð í Varmá og Þorleifslæk þar sem vatnsgæði eru komin undir viðmiðunarmörk. Ljóst er að skólphreinsistöð Hveragerðisbæjar er komin langt yfir þolmörk og greinilegt að svo hefur verið í langan tíma og nú komið er að skuldardögum. Mælingar frá Heilbrigðiseftirlitinu vitna til um það. Umhverfisnefnd leggur mikla áherslu á að leita verði allra leiða til að opna ánna aftur eins fljótt og kostur er. Einnig að allt kapp verði lagt á að tryggja lífríki árinnar. Nefndin leggur áherslu á gott upplýsingaflæði til allra hagsmunaðila svo sem eigendur árinnar, Veiðifélagið Varmá, íbúa og Stangveiðifélag Reykjavíkur. Mikilvægt er að gengið verði hratt til verka. Nú hefur veiði verið bönnuð í Varmá og Þorleifslæk þar sem vatnsgæði eru komin undir viðmiðunarmörk. Ljóst er að skólphreinsistöð Hveragerðisbæjar er komin langt yfir þolmörk og greinilegt að svo hefur verið í langan tíma og nú komið er að skuldardögum. Mælingar frá Heilbrigðiseftirlitinu vitna til um það. Umhverfisnefnd leggur mikla áherslu á að leita verði allra leiða til að opna ánna aftur eins fljótt og kostur er. Einnig að allt kapp verði lagt á að tryggja lífríki árinnar. Nefndin leggur áherslu á gott upplýsingaflæði til allra hagsmunaðila svo sem eigendur árinnar, Veiðifélagið Varmá, íbúa og Stangveiðifélag Reykjavíkur. Mikilvægt er að gengið verði hratt til verka. === 4.Gatnalýsing === 2303095 Á síðasta ári var gengið til samninga við verktaka um uppsetningum á nýjum LED lömpum fyrir götulýsingu í Hveragerði. Í byrjun nóvember kom upp sú staða að uppsettir lampar væru ekki samkvæmt pöntun og því þyrfti að skipta þeim út. Ítrekar nefndin að útskipti lampanna verði hraðað sem kostur er þar sem bæði hita- og birtustig hamlar ekki vinnu lengur. Allt miðar þetta að því að tryggja að fjármunir bæjarins glatist ekki. === 5.Sorphirða === 2303096 Ný lög um flokkun sorps hafa tekið gildi þar sem hugmyndafræðin er að sá sem valdi úrganginum greiði fyrir förgun hans eða með öðrum orðum "Borga Þegar hent er". Umhverfisnefnd ítrekar að Hveragerðisbær standi við og fari eftir tímaáætlun Samtaka íslenskra sveitarfélaga í þeirri vinnu við að innleiða nýtt sorphirðukerfi. Stutt er í vorið og mikilvægt er að sú vinna sem samtökin bíður upp á sé nýtt til fulls. Minnir nefndin á mikilvægi þess að góð kynning verði á hinu nýja kerfi fyrir innleiðingu þess. === 6.Grenndargámar === 2303097 Með nýjum lögum um sorpmál eða "Borgað þegar hent er" skulu sveitarfélög setja upp grendarstöðvar þar sem tekið er við þeim sorpflokkum sem ekki er hægt að losa við heimahús. Uppsetning þessara stöðva er þegar hafin í bænum. Umhverfisnefnd ítrekar að gengið verði frá uppsetningu á seinni grenndargámi bæjarins við Dynskóga í Hveragerði sem fyrst. Fundi slitið - kl. 19:00. Getum við bætt efni síðunnar? Byggir nefndin valið sitt á þeirri hugsjón sem fjölskyldan fylgir eftir í vinnu og sínu eigin lífi, en það er að nota Hveragerði og nánasta umhverfi sem hluta af sínu starfi og lífstíl. Iceland Activities er fjölskyldurekið fyrirtæki í eigu Andrésar Úlfarssonar, Steinunnar Margrétar Sigurðardóttur, Sólveigar Drafnar Andrésdóttur og Úlfars Jóns Andréssonar. Megin áhugamál þessarar fjölskyldu hefur alla tíð verið útivist og þá sérstaklega í umhverfinu í kringum Hveragerði. Ástæðan fyrir því að þau stofnuðu þetta fyrirtæki var að með því gafst þeim tækifæri til að sameina vinnu og áhugamál. Segja má að þau séu í daglegri markaðssetningu á með því að bjóða upp á einstakar ferðir í náttúru Hveragerðis þar sem öll fjölskyldan eru þátttakendur. Aldur fjölskyldumeðlima skiptir heldur engu máli. Það eru allir í þessu saman. Þau eru því svo einstaklega góð fyrirmynd þegar kemur að samveru fjölskyldna í umhverfi Hveragerðis. Árstíðin skiptir engu, þær eru allar nýttar á sinn einstakan hátt. Fjölskyldan ferðast á bílum, hjólum og gangandi. Þau baða sig í heitum og köldum laugum eða lækjum. Þau sofa undir berum himni, tjaldi eða bíl og elda matinn jafnvel í heitu hverunum. Soðið lambakjöt, soðin egg og heitt kakó er dæmi um matseld þeirra. Tómstundirnar eru teknar þarna líka, eins og t.a.m. á veturna þá búa þau sér til sitt eigið skautasvell og stunda þar skauta og íshokkí. Þessi fjölskylda leggur svo sannarlega sitt af mörkum í að markaðsetja bæjarfélagið okkar í Hveragerði og eru virkilega góð fyrirmynd í heilbrigðu líferni. Þau njóta góðs af heilbrigðri útvist í jaðri bæjarins og teljum við þau því vel að þessu verðlaunum komin. Nefndin telur ámælisvert að ekki séu til nein viðmið við val á handhöfum þessarar viðurkenningar sem bærinn veitir, ekki frekar en varðandi fegurstu garða og götur. Telur nefndi að vinna við gerð viðmiða þurfi að fara í gang og felur umhverfisfulltrúa að vinna að gerð þeirra. Einnig vill nefndin árétta nauðsyn þess að upplýsingar um fyrri móttakendur viðurkenninga sem bærinn veitir séu aðgengilegar á heimasíðu bæjarins.