= Byggðarráð Norðurþings = Dagskrá === 1.Ársreikningur Norðurþings 2022 === 202212080 Fyrir byggðarráði liggur ársreikningur Norðurþings fyrir árið 2022 ásamt skýrslu endurskoðanda. Á fund byggðarráðs kemur Níels Guðmundsson endurskoðandi frá Enor. Á fund byggðarráðs kemur Níels Guðmundsson endurskoðandi frá Enor. Byggðarráð þakkar Níelsi Guðmundssyni fyrir góða og ítarlega yfirferð á ársreikningi 2022 og vísar honum til seinni umræðu og staðfestingar í sveitarstjórn. === 2.Kostnaðaráætlun nýs hjúkrunarheimilis á Húsavík === 202104106 Fyrir byggðarráði liggja uppfærðar kostnaðartölur vegna nýs hjúkrunarheimilis á Húsavík ásamt álitsgerð sem unnin er af KPMG um áhrif þeirrar fjárfestingar á fjárhag Norðurþings skv. 66.gr. sveitarstjórnarlaga. Byggðarráð felur sveitarstjóra að undirrita viðaukasamning og uppfæra álitsgerð KPMG miðað við uppfærðan kostnað verkefnisins. Umsjónaraðili er Framkvæmdasýsla-Ríkiseigna, samkvæmt viðaukasamningi er Heilbrigðisráðuneytið verkkaupi 1 og Norðurþing verkkaupi 2. Byggðarráð vísar viðaukasamningi til staðfestingar í sveitarstjórn. Byggðarráð vísar viðaukasamningi til staðfestingar í sveitarstjórn. === 3.Ósk um heimild til rannsókna á vindauðlindinni í landi Norðurþings === 202212024 Fyrir byggðarráði liggja drög að rannsóknarsamningi milli Norðurþings og Landsvirkjunar vegna vindauðlindar austan við Húsavíkurfjall í landi Norðurþings, ásamt fylgiskjali með uppdrætti af umræddu landssvæði. Byggðarráð felur sveitarstjóra í samráði við lögfræðing sveitarfélagsins að uppfæra drögin í samræmi við framkomnar ábendingar og leggja fyrir ráðið að nýju. === 4.Framlag til orlofsnefnda húsmæðra 2023 === 202304069 Fyrir byggðarráði liggur samkvæmt upplýsingum frá Félags- og vinnumarkaðsráðuneytinu að framlag sveitarfélaga til orlofsnefnda á hverju svæði skuli vera minnst kr. 141,01 fyrir hvern íbúa sveitarfélagsins. Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5. gr. laga nr. 53/1972. Framlag Norðurþings til orlofsnefndar húsmæðra er 445 þ.kr vegna ársins 2023 sem er í samræmi við fyrirliggjandi upplýsingar frá félags- og vinnumarkaðsráðuneytinu. === 5.Aðalfundur Markaðsstofu Norðurlands 2023 === 202304074 Fyrir byggðarráði liggur aðalfundarboð Markaðsstofu Norðurlands sem haldinn verður þriðjudaginn 16. maí 2023 kl. 13:00. Fundurinn verður haldinn á Hótel Laugarbakka. Byggðarráð tilnefnir Katrínu Sigurjónsdóttur til setu á fundinum og til vara Hjálmar Boga Hafliðason. === 6.Fundargerðir 2022-2026 === 202210054 Vorfundur fulltrúaráðs Héraðsnefndar Þingeyinga verður haldinn þann 5. maí nk. Sólvangi kl. 13:00. Lagt fram til kynningar. === 7.Stjórnskipunar- og eftirlitsnefnd til umsagnar stefnur, lög og fumvörp === 202304073 Fyrir byggðarráði liggur til umsagnar frá Stjórnskipunar- og eftirlitsnefnd Alþingis frumvarp til laga um kosningalög o.fl. (ýmsar breytingar), 945. mál. Lagt fram til kynningar. === 8.Allsherjar- og menntamálanefnd Til umsagnar stefnur, lög og fumvörp 2023 === 202303049 Fyrir byggðarráði liggja tvö umsagnar mál frá Allsherjar- og menntamálanefnd; Allsherjar- og menntamálanefnd Alþingis sendir yður til umsagnar frumvarp til laga um breytingu á ýmsum lögum í þágu barna (samþætting þjónustu o.fl.), 922. mál. Allsherjar- og menntamálanefnd Alþingis sendir yður til umsagnar frumvarp til laga um Mennta- og skólaþjónustustofu, 956. mál. Allsherjar- og menntamálanefnd Alþingis sendir yður til umsagnar frumvarp til laga um breytingu á ýmsum lögum í þágu barna (samþætting þjónustu o.fl.), 922. mál. Allsherjar- og menntamálanefnd Alþingis sendir yður til umsagnar frumvarp til laga um Mennta- og skólaþjónustustofu, 956. mál. Lagt fram til kynningar. Fundi slitið - kl. 10:00. Áki Hauksson vék af fundi kl 09:30.