Borgarbyggð
Byggðarráð Borgarbyggðar - 635. fundur
= Byggðarráð Borgarbyggðar =
Dagskrá
=== 1.Stefna og horfur í starfsemi Landbúnaðarháskóla Íslands ===
2305243
Ragnheiður Inga Þórarinsdóttir rektor Landbúnaðarháskóla Íslands kemur á fund byggðarráðs.
Byggðarráð þakkar rektor fyrir áhugaverða yfirferð. Skólinn kom vel út úr gæðaúttekt sem fór fram í fyrra, verið að bæta við námsbrautum og skráningar í nám við skólann næsta ár líta vel út. Fyrirhuguð er stækkun á nemendagörðum en þeir hafa verið alveg fullsetnir. Ljóst að það er margt spennandi framundan hjá skólanum og mikið um að vera.
=== 2.Viðauki við fjárhagsáætlun 2023 ===
2304017
Lögð fram tillaga að viðauka II við fjárhagsáætlun ársins 2023
Lögð fram tillaga að viðauka II við fjárhagsáætlun ársins. Í viðaukanum er gert ráð fyrir 5,1 millj kr hækkun á rekstrarkostnaði sem er til að mæta kostnaði vegna dómsmáls, 360 þús kr hækkun vegna öryggisvaktar á körfuboltaleikjum og 2,9 millj kr hækkun á kostnaði við vinnuskóla, sumarfjör og frístund.
Þá er einnig gerð tillaga að hækkun á liðum á framkvæmdaáætlun sem eru 4 millj vegna strengja í götuljós við Borgarbraut, 4 millj vegna kaupa á körfum á leikvelli og 27 millj kr vegna framkvæmda við lóð Grunnskólans í Borgarnesi.
Í tillögunni er gert ráð fyrir að kostnaði verði mætt með lækkun á handbæru fé.
Samþykkt samhljóða
Þá er einnig gerð tillaga að hækkun á liðum á framkvæmdaáætlun sem eru 4 millj vegna strengja í götuljós við Borgarbraut, 4 millj vegna kaupa á körfum á leikvelli og 27 millj kr vegna framkvæmda við lóð Grunnskólans í Borgarnesi.
Í tillögunni er gert ráð fyrir að kostnaði verði mætt með lækkun á handbæru fé.
Samþykkt samhljóða
=== 3.Samanburður við fjárhagsáætlun 2023 ===
2305269
Lagður fram samanburður við rekstrar og framkvæmdakostnaðar við fjárhagsáætlun fyrir tímabilið janúar til apríl 2023.
Lagður fram samanburður á rekstri sveitarfélagsins við fjárhagsáætlun fyrir fyrstu fjóra mánuði ársins. Útstvarstekjur eru heldur meiri en áætlun gerði ráð fyrir. Launakostnaður er kominn 2% fram úr áætlun en rekstrarkostnaðurinn í heild á áætlun. Kanna þarf betur rekstur í nokkrum deildum og athuga hvort þörf sé á að gera viðauka við fjárhagsáætlun þeirra.
=== 4.Fyrirkomulag ræstinga hjá stofnunum Borgarbyggðar ===
2210306
Farið yfir stöðuna á vinnu vegna útboðs á ræstingum.
Birgir Örn Birgisson frá Consensa fór yfir drög að útboðsgögnum og stöðu á útboði vegna ræstinga. Sveitarstjóra falið að vinna málið áfram og að útboð fari fram í júní.
Samþykkt samhljóða
Samþykkt samhljóða
=== 5.Listamanneskja Borgarbyggðar 2023 ===
2304247
Í byrjun maí óskaði Borgarbyggð eftir tilnefningum frá almenningi til Listamanneskju Borgarbyggðar fyrir árið 2023.
Umræður um innsendar tilnefningar og vali á listamanneskju.
Umræður um innsendar tilnefningar og vali á listamanneskju.
Byggðarráð fór yfir innsendar tilnefningar og þakkar íbúum fyrir góðar undirtektir. Tekin ákvörðun um hver hlýtur heiðursnafnbótina að þessu sinni. Heiðrunin fer fram á Þjóðhátíðardeginum 17. júní nk. og verður því nafn listamanneskjunar ekki gert opinbert fyrr en þann dag.
Samþykkt samhljóða
Samþykkt samhljóða
=== 6.Vinnudeilur og verkfallsboðun BSRB vorið 2023 ===
2304250
Farið yfir stöðuna og áhrif á stofnanir sveitarfélagsins vegna vinnustöðvunar.
Sviðsstjóri greinir frá því hvaða afleiðingar yfirvofandi verkfallsaðgerðir muni hafa á starfssemi og stofnanir sveitarfélagins. Byggðarráð lýsir yfir þungum áhyggjum af stöðunni og vonast til þess að deilur leysist með farsælum hætti sem fyrst.
=== 7.Skorradalshreppur - samningar ===
2012111
Farið yfir stöðuna vegna vinnu við samninga við Skorradalshrepp.
Farið yfir ný samningsdrög vegna samstarfs milli Skorradalshrepps og Borgabyggðar. Sveitarstjóra falið að klára samninginn í samstarfi við fulltrúa Skorradalshrepps og leggja að nýju fyrir byggðarráð.
=== 8.Strandstígur við Borgarnes ===
2110092
Lögð fram verðfyrirspurnargögn vegna strandstígs við Borgarnes.
Verðfyrirspurnargögn lögð fram til kynningar. Sveitarstjóra falið að klára verðfyrirspurnarferli vegna Strandstígsins á grundvelli fyrirliggjandi gagna. Lagt upp með að verkinu verði lokið fyrir 1. nóvember 2023.
=== 9.Leikskólinn Hraunborg - Viðhald á húsnæði ===
2305229
Framlagt minnisblað frá fyrirsvarsmönnum leikskólans Hraunborgar.
Minnisblað vegna viðhaldsþarfar á húsnæði leikskólans Hraunborgar á Bifröst lagt fram. Ljóst er að leggjast þarf í miklar framkvæmdir til að mæta viðhaldsþörf húsnæðisins. Ákveðið að kalla fyrirsvarsmenn Hraunborgar á fund og eiga samtal um þá stöðu sem er komin upp í húsnæðismálum skólans.
=== 10.Áskorun frá starfsfólki Borgarbyggðar í verkfalli ===
2305292
Framlagt bréf frá starfsfólki leikskóla Borgarbyggðar í verkfalli
Lögð fram áskorun frá starfsmönnum leikskóla Borgarbyggðar. Byggðarráð væntir þess að kjaradeilan leysist á farsælan hátt fyrir alla aðila.
Fundi slitið - kl. 11:49.