= Byggðarráð Norðurþings = Dagskrá === 1.Rekstur Norðurþings 2023 === 202212086 Útsvarstekjur og rekstur fyrstu fimm mánuði ársins. Fjármálastjóri fór yfir útsvarstekjur maímánaðar og lykiltölur í rekstri fyrstu fimm mánuði ársins. === 2.Viðauki vegna frístundahúsnæðis, breyting á fjárfestingu 2023-2026 === 202306076 Á 161 fundi skipulags- og framkvæmdaráðs var lagður til viðauki vegna breytingar á fjárfestingu á árinu 2023, heildarfjárfesting er áætluð 44,2 m.kr vegna færanlegra skólastofa sem teknar verða í notkun á næstu mánuðum. Áætlað var að ráðstafa 100 m.kr til byggingar frístundar á árinu 2023. Áætlað var að ráðstafa 100 m.kr til byggingar frístundar á árinu 2023. Byggðarráð í umboði sveitarstjórnar samþykkir fyrirliggjandi viðauka að upphæð 44.259.819 kr. === 3.Norðursíldarhús Höfðabraut, Raufarhöfn === 202203021 Fyrir byggðarráði liggja tilboð í fasteignina Höfðabraut 14 á Raufarhöfn. Byggðarráð samþykkir að taka hæsta tilboði í eignina. === 4.Samningar vegna hugbúnaðarþjónustu === 202306015 Fyrir byggðarráði liggja drög af samningum við Advania um net og fjarskiptaþjónustu, rekstur og hýsingu, selda þjónustu. Byggðarráð samþykkir fyrirliggjandi samningsdrög og felur sveitarstjóra að ganga frá samningum við Advania. === 5.Viljayfirlýsing - líforkuver - þróunarfélag === 202306044 Fyrir byggðarráði liggja drög að viljayfirlýsingu um stofnun þróunarfélags sem er nauðsynlegt næsta skref að uppbyggingu líforkuvers á Dysnesi í Eyjafirði. Lagt fram til kynningar og ráðið frestar afgreiðslu til næsta fundar. === 6.Styrktarsjóður EBÍ 2022 === 202203129 Borist hefur svar frá Styrktarsjóði EBÍ vegna umsóknar sveitarfélagsins 2023. Sótt var um styrk til styrkingar innviða við Heimskautsgerðið sem snýr að móttöku gesta og upplýsingaflæði til þeirra. Verkefnið hlýtur 600.000 kr styrk úr sjóðnum 2023. Byggðarráð fagnar því að sjóðurinn veiti styrk til innviða uppbyggingar Heimskautagerðis á Raufarhöfn. === 7.Samgönguáætlun fyrir árin 2024-2038 === 202306078 Drög að samgönguáætlun 2024-2038 ásamt fimm ára aðgerðaáætlun fyrir árin 2024-2028 er nú kynnt í samráðsgátt stjórnvalda til umsagnar og verður opið fyrir athugasemdir og ábendingar til og með mánudeginum 31. júlí 2023. Byggðarráð felur sveitarstjóra að gera tillögu til byggðarráðs um athugasemdir og ábendingar í samræmi við umræður á fundinum og leggja fyir ráðið að nýju. === 8.Fundargerðir svæðisráðs norðursvæðis Vatnajökulsþjóðgarðs === 202211036 Fyrir byggðarráði liggja til kynningar fundargerðir svæðisráðs norðursvæðis Vatnajökulsþjóðgarðs 2023 frá: 99. fundi 12. apríl, 100. fundi 8. maí og 101. fundi 5. júní 2023. Lagt fram til kynningar. === 9.Fundargerðir stjórnar Sambands íslenskra sveitarfélaga 2023 === 202301065 Fyrir byggðarráði liggja fundargerðir 928., 929. og 930. fundar stjórnar Sambands íslenskra sveitarfélaga. Lagt fram til kynningar. === 10.Ósk um tækifærisleyfi vegna Miðnæturgolfmóts Golfklúbbs Húsavíkur === 202306079 Fyrir byggðarráði liggur að veita umsögn vegna tækifærisleyfis: Staðsetning skemmtanahalds: Röff bistro,Katlavöllur, 640 Húsavík. Tilefni skemmtanahalds: Miðnæturmót Gólfklúbbs Húsavíkur. Áætlaður gestafjöldi: 40. Áætluð aldursdreifing gesta: frá 20.ára aldri Tímasetning viðburðar: 24. júní 2023 frá kl. 17:00 til kl. 02:00 aðfararnótt 25. júní 2023. Helstu dagskráratriði: Miðnæturgolfmót Staðsetning skemmtanahalds: Röff bistro,Katlavöllur, 640 Húsavík. Tilefni skemmtanahalds: Miðnæturmót Gólfklúbbs Húsavíkur. Áætlaður gestafjöldi: 40. Áætluð aldursdreifing gesta: frá 20.ára aldri Tímasetning viðburðar: 24. júní 2023 frá kl. 17:00 til kl. 02:00 aðfararnótt 25. júní 2023. Helstu dagskráratriði: Miðnæturgolfmót Byggðarráð veitir jákvæða umsögn. Fundi slitið - kl. 09:58.