Ísafjarðarbær
Íþrótta- og tómstundanefnd 242. fundur
= Íþrótta- og tómstundanefnd =
Dagskrá
Dagný Finnbjörnsdóttir, framkvæmdastjóri HSV, sat fundinn sem áheyrnarfulltrúi.
=== 1.Endurskoðun samstarfssamnings HSV og Ísafjarðarbæjar - 2023 - 2023060026 ===
Lagður fram til endurskoðunar gildandi samstarfssamningur Ísafjarðarbæjar og Héraðssambands Vestfirðinga en hann rennur út 31. desember 2023.
Lagt fram til kynningar.
Hrafnhildur Hrönn Óðinsdóttir vék af fundi undir þessum lið.
=== 2.Frisbígolfvöllur - 2022080054 ===
Lagt fram erindi Hákons Guðjónssonar f.h. Frisbígolffélagsins Nökkva dags. 20. maí 2023 þar sem óskað er eftir afnotum af svæði fyrir ofan íþróttahúsið á Torfnesi fyrir frisbígolfvöll.Jafnframt biður félagið um svæði inn í Dagverðardal fyrir frisbígolfvöll og til vara er óskað eftir að setja upp 6 körfu völl á æfingarsvæði Golfklúbbs Ísafjarðar.
Íþrótta- og tómstundanefnd fagnar frumkvæði Frisbígolffélagsins Nökkva. Starfsmanni nefndarinnar falið að vinna málið áfram.
=== 3.Knattspyrnusvæði á Torfnesi - 2023 - 2023060095 ===
Axel Överby, sviðsstjóri umhverfis- og eignasviðs, og Jóhann Birkir Helgason, útibússtjóri Verkís á Ísafirði, koma fyrir fundinn til að ræða framkvæmdir vegna nýs gervigrass á Torfnesi.
Með hliðsjón af öryggiskröfum KSÍ þarf annað hvort hlaupabrautin að víkja eða göngustígurinn að hliðrast, sem þýðir að fórna yrði bílastæðunum við knattspyrnuvöllinn. Íþrótta- og tómstundanefnd telur heppilegra að hlaupabrautin á Torfnesi víki frekar og óskar eftir afstöðu bæjarráðs.
=== 4.Íþróttahús Torfnesi 2022 - 2022020074 ===
Lagt fram minnisblað Hafdísar Gunnarsdóttur, sviðsstjóra skóla- og tómstundasviðs, dags. 18. júní 2023 varðandi stöðuna á íþróttahúsinu á Torfnesi.
Íþrótta- og tómstundnefnd telur brýnt að komið verði fyrir setustofu í íþróttahúsinu og felur starfsmanni nefndarinnar að koma því í farveg. Jafnframt telur nefndin mikilvægt að settur verði upp raka- og loftgæðamælir í húsið.
=== 5.Framtíðarskipulag Torfnes - Starfshópur - 2020090001 ===
Kjartan Árnason, arkitekt, mætir fyrir fundinn til að kynna fyrstu drög að framtíðarskipulagi íþróttamannvirkja á Torfnessvæðinu. Lögð fram þarfagreining sem starfshópur um framtíðarskipulag íþróttamannvirkja á Torfnessvæði vann árið 2021-2022.
Verkefni starfshóps um framtíðarskipulag íþróttamannvirkja á Torfnesi var að útbúa þarfagreiningu út frá hugmyndum íþróttahreyfingarinnar sem og annarra bæjarbúa. Í framhaldi var Kjartan Árnason, arkitekt, fenginn til að gera tillögu að rýmisgreiningu af svæðinu út frá þarfagreiningunni, sem lagðar voru fram í dag. Með hliðsjón af framangreindum tillögum telur íþrótta- og tómstundanefnd að vinnu starfshópsins sé lokið og þarf nú að finna framkvæmdum stað með deiliskipulagsbreytingum.
Leggur nefndin til við bæjarráð að finna þessu stað í deiliskipulagi.
Leggur nefndin til við bæjarráð að finna þessu stað í deiliskipulagi.
Gestir
- Kjartan Árnason - mæting: 09:00
- Axel Överby, sviðsstjóri umhverfis- og eignasviðs - mæting: 09:00
=== 6.Endurskoðun á umgengnisreglum í íþróttamannvirkjum Ísafjarðabæjar - 2023010106 ===
Lagt fram minnisblað Hafdísar Gunnarsdóttur, sviðsstjóra skóla- og tómstundasviðs, dags. 18. júní 2023 varðandi reglur um öryggi í íþrótthúsum.
Nefndin felur starfsmanni að koma með lokadrög að reglum fyrir næsta fund.
Fundi slitið - kl. 10:10.
Er hægt að bæta efnið á síðunni?