= Bæjarráð #966 = Fundur haldinn í fjarfundi, 8. ágúst 2023 og hófst hann kl. 12:00 ====== Nefndarmenn ====== - Anna Vilborg Rúnarsdóttir (AVR) aðalmaður - Jón Árnason (JÁ) aðalmaður - Þórkatla Soffía Ólafsdóttir (ÞSÓ) formaður ====== Starfsmenn ====== - Gerður Björk Sveinsdóttir (GBS) sviðsstjóri fjármála- og stjórnsýslusviðs - Þórdís Sif Sigurðardóttir (ÞSS) bæjarstjóri ====== Fundargerð ritaði ====== - Gerður Björk Sveinsdóttir sviðsstjóri fjármála- og stjórnsýslusviðs == Almenn erindi == === 1. Olíudreifing Patrekshöfn - umsókn um stækkun lóðar. === Erindi frá Olíudreifingu dags. 26.04.2023. Í erindinu er óskað eftir stækkun lóðar sem félagið hefur við Patrekshöfn, L140240. Umbeðin stækkun nemur 731 m2, á stækkunarsvæðinu áformar félagið að koma fyrir tveimur heygðum geymum, hvorum um sig 100-250m3 ásamt nýjum áfyllingarpalli. Geymarnir eiga að anna framtíðareftirspurn eftir sjálfbæru eldsneyti, eins og t.d. metanóli. Erindinu fylgir afstöðu- og grunnmynd. Hafna- og atvinnumálaráð frestaði afgreiðslu málsins á 49. fundi sínum þann 9.maí 2023. Á 41. fundi hafna- og atvinnumálaráðs voru samþykkt áform Skeljungs um að koma upp eldsneytisafgreiðslu við norður-horn lóðar Olíudreifingar við Patrekshöfn, stöðin er ætluð fyrir stærri ökutæki. Umbeðin lóðarstækkun Olíudreifingar skerðir aðkomu að stöðinni. Hafna- og atvinnumálaráð lagði til að fleygur verði á norður-horni lóðar Olíudreifingar. Hafna- og atvinnumálaráð lagði til við bæjarstjórn að stækkun lóðarinar verði samþykkt m.v. ofangreint. Ráðið vakti athygli umsækjenda á því að rafstrengir liggja um hluta svæðisins og þá er fráveita á vegum sveitarfélagsins einnig á hluta svæðisins. Breytingar á þessum kerfum verða á kostnað umsækjenda, þá þarf Olíudreifing einnig að standa straum af kostnaði við færslu á hluta bátauppsáturssvæðis sem þarf að flytja við stækkun lóðarinnar. Hafna- og atvinnumálaráð samþykkti ekki að svo stöddu keyrsluleið frá áfyllingarplani inn á syðsta hluta hafnarkants. Staðsetning heygðra tanka er háð breytingu á deiliskipulagi. Bæjarráð í umboði bæjarstjórnar samþykkir stækkun lóðarinnar. === 2. Umsagnarbeiðini - Tækifærisleyfi-Tímabundið áfengisleyfi - Blus milli fjalls og fjöru. === Lögð fram beiðni Sýslumannsins á Vestfjörðum dags. 19. júlí 2023 þar sem óskað er eftir umsögn um umsókn um tímabundið áfengisleyfi í tilefni af Tónlistarhátíðinni Blús milli fjalls og fjöru í Félagsheimili Patreksfjarðar 25.ágúst nk. Bæjarráð gerir ekki athugasemd við veitingu leyfisins. === 3. Bráðabirgða húsnæði Bíldudalsskóli kennarar === Bæjarstjóri fór yfir tímabundar lausnir vegna skólaársins 2023 - 2024 vegna aðstöðu fyrir kennara Bíldudalsskóla. Fyrir liggur tilboð í færanlegar kennarastofu sem komið verður fyrir og mun nýtast sem vinnuaðstaða fyrir kennara. Heildarkostnaður við verkefnið er áætlaður 8,5-9,5 m.kr., ekki þarf að gera viðauka vegna verkefnisins. == Til kynningar == === 4. Nr 136-2023 Breyting á lögum um sjúkratryggingu, ósk um umsögn === Lagður fram til kynningar tölvupóstur frá heilbrigðisráðuneytinu dags. 17. júlí sl. með beiðni um umsögn um frumvarp til laga um Breyting á lögum um sjúklingatryggingu nr. 111/2000 === 5. Nr. 135-2023 - þingsályktun um stefn um alþjóðlega þrunarvinnu Íslands 2024-2028 - ósk um umsögn === Lagður fram tölvupóstur frá utanríkisráðuneyti dags. 14.júlí sl. þar sem óskað er samráðs um tillögu til þingályktunar um stefnu um alþjóðlega þróunarsamvinnu Íslands 2024-2028. === 6. Nr. 134-2023 - Breyting á gjaldskrá sýslumannsembættanna - ósk um umsögn === Lagður fram tölvupósstur dagsetur 14.júlí sl. frá dómsmálaráðuneytinu þar sem óskað er samráðs breytingar á gjaldskrá sýslumannsembættanna. === 7. Nr. 133-2023 - Frumvarp til laga um beytingu á húsaleigulögum - ósk um umsögn === Lagður fram kynningar tölvupóstur frá innviðaráðuneyti dags. 13.júlí sl. um ósk um samráð um árfom um frumvarp til laga um breytingu á húsaleigulögum, nr. 36-1994, með síðari breytingum (leiguskrá, forgangsréttur og fyrirsjáanleiki leiguverðs). === 8. Mál nr. 1422023 - Áform um breytingar á persónuverndarlögum === Lagður fram tölvupóstur frá dómsmálaráðuneyti dags. 18.júlí sl. þar sem óskað er samráðs um áform um breytingar á persónuverndarlögum. === 9. Nr. 141-2023 - Breytingu á lögum um svæðisbundna flutningsjöfnun - ósl um umsögn === Lagður fram tölvuóstur frá innviðaráðuneytinu dags. 18.júlí sl. þar sem óskað er samráðs um áform um breytingu á lögum um svæðisbundna flutningsjöfnun. Bæjarráð felur bæjarstjóra og hafnarstjóra að fara yfir málið og meta hvort að tilefni sé til þess að senda inn umsögn. === 10. Nr. 138-2023 breytingar um skráð trúfélög og llífskoðunarfélgög - ósk um umsögn === Lagður fram tölvupóstur frá dómsmálaráðuneyti dags. 17.júlí sl. þar sem óskað er samráðs um áform um breytingar á lögum um skráð trúfélög og lífsskoðunarfélög og lögum um sjóði og stofnanir sem starfa samkvæmt staðfestri skipulagsskrá (aðgerðir gegn peningaþvætti og fjármögnun hryðjuverka). === 11. Nr. 137-2023 - Breytingar á lögum um söfnunarkassa og lögum um Happdrætti Háskóla Íslands- ósk um umsögn === Lagður fram tölvupóstur frá dómsmálaráðuneyti dags. 17.júlí sl. þar sem óskað er samráðs um áform um breytingar á lögum um söfnunarkassa og lögum um Happdrætti Háskóla Íslands (aðgerðir gegn peningaþvætti og fjármögnun hryðjuverka). === 12. Fundargerð aðalfundur FsVfj === Lögð fram til kynningar fundargerð aðalfundar Félags skógarbænda á Vestfjörðum dags. 30.06.2023. === 13. Grænbók um skipulagsmál, beiðni um umsögn === Lagður fram til kynningar tölvupóstur frá innviðaráðuneytinu dags. 27.júlí sl. þar sem óskað er eftir umsögn um grænbók um skipulagsmál. Bæjarráð felur bæjarstjóra og byggingafulltrúa að fara yfir málið og meta hvort að tilefni sé til þess að senda inn umsögn. === 14. Áform um frumvarp til laga um högun í upplýsingatækni í rekstri ríkisins, beiðni um umsögn === Lagður fram til kynningar tölvupóstur frá fjármála- og efnahagsráðuneytinu dags. 2.ágúst sl. þar sem óskað er eftir umsögn um frumvarp til laga um högun í upplýsingatækni í rekstri ríkisins. **Fleira ekki gert. Fundi slitið kl. 12:40**