Norðurþing
17.08.2023 - Byggðarráð Norðurþings 438. fundur
= Byggðarráð Norðurþings =
Dagskrá
Undir lið nr. 2, sat fundinn Aðalsteinn Árni Baldursson.
=== 1.Umræða um tillögu vegna SR lóðar ===
202106051
Fyrir byggðarráði liggur að taka umræðu um næstu skref í málefnum SR- lóðar á Raufarhöfn, eins og kunnugt er gekk ekki eftir að selja eignirnar eins og áformað var.
Byggðarráð felur sveitarstjóra að fá uppfærðar kostnaðartölur í að lágmarka þá foktjónshættu sem eignirnar skapa.
=== 2.Staðan í atvinnumálum í sumar og horfur á næstu mánuðum ===
202308022
Á fund byggðarráðs mætir Aðalsteinn Árni Baldursson formaður Framsýnar og fer yfir stöðu og horfur í atvinnumálum í sveitarfélaginu.
Byggðarráð þakkar Aðalsteini fyrir komuna á fundinn og góðar upplýsingar um þær margþættu áskoranir sem eru í atvinnumálum um þessar mundir.
=== 3.Staða á framkvæmdum ===
202306014
Fyrir byggðarráði liggur staða á framkvæmdum sem áformaðar voru í sumar og haust.
Fjármálastjóri fór yfir þær framkvæmdir sem eru í gangi víðsvegar í sveitarfélaginu um þessar mundir.
=== 4.Vigtarskúr á hafnasvæði ===
202308003
Fyrir byggðarráði liggur að fjalla um framtíð vigtarskúrsins á hafnarsvæðinu.
Fyrir liggur að hafnarstjórn hefur tekið ákvörðun um að selja eignina og þá með því skilyrði að hún verði flutt af svæðinu.
=== 5.Grænbók um skipulagsmál til kynningar í samráðsgátt stjórnvalda ===
202308006
Innviðaráðuneytið vekur athygli á að grænbók um skipulagsmál er nú í kynningu í samráðsgátt stjórnvalda, frestur til að skila umsögn eða ábendingum er til og með 24. ágúst nk.
Lagt fram til kynningar.
Fundi slitið - kl. 10:40.