= Menningar- og markaðsnefnd = Dagskrá Elín Ósk Gunnarsdóttir boðaði forföll. === 1.Beiðni um menningarstyrk frá Listfélagi Akraness. === 2308019 Erindi frá Listfélagi Akraness. Menningar- og markaðsnefnd þakkar fyrir innsent erindi. Nefndin tekur jákvætt í erindið en er því hafnað þar sem að úthlutun úr Menningarsjóð Hvalfjarðarsveitar er lokið fyrir árið 2023. Úthlutað er úr sjóðnum einu sinni á ári. Umsóknarfrestur er til 1. apríl ár hvert og hvetjum við ykkur til að sækja um fyrir þann tíma. === 2.Hvalfjarðardagar 2023 === 2210005 Farið yfir framkvæmd og hvernig til tókst á Hvalfjarðardögum 2023. Farið var yfir hvernig til tókst með Hvalfjarðardaga 2023. Menningar- og markaðsnefnd er mjög ánægð með hátíðarhöldin og þakkar öllum þeim sem lögðu hönd á plóginn fyrir þeirra framlag og ánægjulegt samstarf. Stjörnugrís veitir veglega gjafakörfu í vinning fyrir ljósmyndasamkeppnina og þau verðlaun hlaut Eyrún Jóna Reynisdóttir. Grand Hótel gaf gistingu með morgunmat í verðlaun í skreytingasamkeppninni og þau verðlaun hlutu Kristján Valur Sigurgeirsson og Arney Þyrí Guðjónsdóttir á Lækjarmel 1. Menningar- og markaðsnefnd óskar vinningshöfum til hamingju. Nefndin þakkar dómnefnd í skreytingasamkeppni fyrir þátttökuna. Einnig þakkar nefndin fyrir innsendar myndir í ljósmyndasamkeppninni. Formaður Menningar- og markaðsnefndar sat hjá við val á mynd í ljósmyndasamkeppninni. Stjörnugrís veitir veglega gjafakörfu í vinning fyrir ljósmyndasamkeppnina og þau verðlaun hlaut Eyrún Jóna Reynisdóttir. Grand Hótel gaf gistingu með morgunmat í verðlaun í skreytingasamkeppninni og þau verðlaun hlutu Kristján Valur Sigurgeirsson og Arney Þyrí Guðjónsdóttir á Lækjarmel 1. Menningar- og markaðsnefnd óskar vinningshöfum til hamingju. Nefndin þakkar dómnefnd í skreytingasamkeppni fyrir þátttökuna. Einnig þakkar nefndin fyrir innsendar myndir í ljósmyndasamkeppninni. Formaður Menningar- og markaðsnefndar sat hjá við val á mynd í ljósmyndasamkeppninni. === 3.Merking sögu og merkisstaða === 1911013 Fara yfir stöðuna. Menningar- og markaðsnefnd vinnur að skilti fimm og gengur sú vinna ágætlega. Hugmyndavinna komin af stað við næsta skilti og búið er að ákveða staðsetningu á því. === 4.17. júní 2023 - þjóðhátíðardagurinn === 2210093 Skipulag og framkvæmd á 17. júní. Menningar- og markaðsnefnd lýsir yfir ánægju sinni með hátíðarhöldin á 17. júní sem fram fóru í Heiðarskóla. Nefndin þakkar Valdísi Valgarðsdóttur og Ingibjörgu Elfu Sigurðardóttur sem sáu um skipulagningu á hátíðarhöldum fyrir hönd Tónlistarfélags Hvalfjarðarsveitar, kærlega fyrir þeirra framlag og afar vel heppnaða dagskrá. === 5.Viðburðir í Hvalfjarðarsveit === 2210006 Viðburðir 2023. Áframhaldandi umræða um þær hugmyndir sem fram hafa komið um viðburði á seinni hluta þessa árs og fyrir árið 2024. Gera þarf ráð fyrir ákveðnu fjármagni fyrir þá viðburði sem nefndin vil framkvæma. === 6.Markaðs- og kynningarátak í Hvalfjarðarsveit === 1905042 Fara yfir kynningarmál Hvalfjarðarsveitar. Farið yfir framtíðarsýn í kynningarmálum Hvalfjarðarsveitar. === 7.Stefna Hvalfjarðarsveitar gegn einelti, kynbundnu og kynferðislegri áreitni og ofbeldi === 2308002 Stefna Hvalfjarðarsveitar gegn einelti, kynbundnu og kynferðislegri áreitni og ofbeldi lögð fram til Kynningar. Lagt fram til kynningar. Fundi slitið - kl. 18:15.