== Fundur nr. 16 == Kjörtímabilið 2022—2026 Kjörtímabilið 2022—2026 Skrifstofa Vopnafjarðarhrepps kl. 08:30 Sara Elísabet Svansdóttir ritaði fundargerð Fundur haldinn í hreppsráði Vopnafjarðarhrepps þann 7. september 2023 á skrifstofu Vopnafjarðarhrepps kl. 08:30. Fundarmenn hófu fund á því að minnast Violetu Mitul, leikmann Einherja sem lést af slysförum aðfaranótt 4.september sl. og vottuðu fjölskyldu hennar og ungmennafélaginu Einherja samúð sína. Framlagt fundarboð á ársfund SSKS sem haldinn verður 22.september næstkomandi kl. 12.30 á Hilton Nordica. Eftirfarandi tillaga liggur fyrir fundinum: **Sveitarstjóri er fulltrúi Vopnafjarðarhrepps á fundinum.** Samþykkt samhljóða. Lögð fram styrktarbeiðni frá Stígamótum fyrir árið 2023. Eftirfarandi tillaga liggur fyrir fundinum: **Hreppsráð samþykkir að styrkja Stígamót um 70.000 kr árið 2023.** Samþykkt samhljóða. Lögð fram beiðni um viðauka við fjárhagsáætlun 2023 vegna uppgerðar á íbúðum aldraðra í Sundabúð. Eftirfarandi tillaga liggur fyrir fundinum: **Hreppsráð samþykkir að gerður verði viðauki við fjárhagsáætlun 2023 vegna uppgerðar á íbúðum aldraðra í Sundabúð.** Samþykkt samhljóða. Minnisblað vegna tillögu að breytingu á vetraropnun í sundlaug, dagsett 4.september 2023 lagt fram. Eftirfarandi tillaga liggur fyrir fundinum: **Hreppsráð samþykkir breyttan opnunartíma í Selárlaug í september 2023 og verður opið sem hér segir: mán-fös er opið frá 12:00 – 19:00 og lau-sun er opið frá 12:00 – 18:00.** Samþykkt samhljóða. Lagt fram til kynningar minnisblað frá Sambandi íslenskra sveitarfélaga vegna forsenda fjárhagsáætlana sveitarfélaga 2024 – 2027. Lagt fram til kynningar Eftirfarandi tillaga liggur fyrir fundinum: **Hreppsráð samþykkir að næsti fundur hreppsráðs verði haldinn 12.október 2023 í stað 5.október 2023.** Samþykkt samhljóða. Fleira var ekki tekið fyrir og fundi slitið kl. 09:24.