= Umhverfis- og framkvæmdanefnd = Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir [aðrar fundargerðir](https://www.isafjordur.is/is/stjornsysla/stjornsyslan/fundargerdir/eldri-fundargerdir) Dagskrá === 1.Gjaldskrár 2024 - 2023040034 === Lagðar fram tillögur að gjaldskrám næsta árs. Um er að ræða gjaldskrá vatnsveitu, fráveitu, sorphirðu, þjónustumiðstöðvar, tjaldsvæða, Skrúðs og vegna dýrahalds. Bryndís Ósk Jónsdóttir, bæjarritari og Edda María Hagalín, fjármálastjóri, mættu til fundar undir þessum lið. === 2.Sorpförgun og hirðing - Útboð 2023 - 2022120020 === Lagt fram minnisblað Smára Karlssonar, verkefnastjóra á umhverfis- og eignasviði, dags. 18.9. 2023, um framlengingu á verksamningi vegna sorphirðu og -förgun. Afgreiðslu frestað til næsta fundar. === 3.Framkvæmdaáætlun 2024 til 2034 - 2023040035 === Lögð fram drög að fjárfestingaráætlun vatns- og fráveitu 2024-2034 ásamt minnisblaði garðyrkjustjóra um framkvæmdir næsta árs. Afgreiðslu frestað til næsta fundar. Nefndin óskar eftir ítarlegri gögnum um framkvæmdaáætlun næstu 10 ára. === 4.Kvörtun vegna umgengni í framkvæmdum við Núpsskóla - 2023090118 === Lagður fram tölvupóstur Margrétar Rakelar Hauksdóttur, dagsettur 25. september 2023, ásamt afriti af bréfi til Heilbrigðiseftirlits Vestfjarða, þar sem kvartað er undan framkvæmdaleysi heilbrigðiseftirlitsins gagnvart ítrekuðum kvörtunum Margrétar undan umgengni í tengslum við framkvæmdir á Núpsskóla. Heimilissorp, múrbrot og húsmunir liggja úti við á jörðinni. Jafnframt fylgir erindinu fjöldi ljósmynda af aðstæðum á svæðinu auk afrits af kvörtun Margrétar síðan í apríl 2023. Lagt fram til kynningar. Umhverfis- og framkvæmandanefnd felur starfsamanni að ræða málið við Heilbrigðiseftirlit Vestfjarða. Fundi slitið - kl. 12:00. Er hægt að bæta efnið á síðunni? Gjaldskrá dýrahalds: Lagt til við bæjarstjórn að gjaldskrá dýrahalds verði óbreytt. Gjaldskrá Skrúðs: Lagt til við bæjarstjórn að aðgangseyrir Skrúðs árið 2024 verði 300 kr. Tjaldsvæðið á Þingeyri: Lagt til að gjaldskrá hækki um 6%, í samræmi við vísitölu neysluverðs. Sorphirða: Lagt til að hækka gjaldskrá um 15% vegna hækkunar á vísitölu og vegna uppfærðar magnskrár verksamnings. Vatnsveita: Lagt til við bæjarstjórn að breyta álagningarforsendum vatnsveitu og miða við fast gjald á fasteign annars vegar og krónugjald á fermetra fasteignar hins vegar. Með því verður horfið frá að innheimta miðað við fasteignamat hverrar fasteignar.Lagt er til að fast gjald á íbúðarhúsnæði verði 1.500 kr. og fermetragjald verði 18,3. kr. Lagt er til að fast gjald atvinnuhúsnæði verði 20.447 kr. og fermetragjald verði 128,3 kr. Lagt er til að aðrir liðir gjaldskrár hækki um 6%. Fráveita: Lagt til við bæjarstjórn að breyta álagningarforsendum fráveitu og miða við fast gjald á fasteign annars vegar og krónugjald á fermetra fasteignar hins vegar. Með því verður horfið frá að innheimta miðað við fasteignamat hverrar fasteignar. Lagt er til að fast gjald á fasteign verði 8.000 kr. og fermetragjald verði 185 kr. Lagt er til að aðrir liðir gjaldskrár hækki um 6%.