Norðurþing
03.10.2023 - Fjölskylduráð 163. fundur
= Fjölskylduráð =
Dagskrá
=== 1.Umsókn í lista- og menningarsjóð 2023 ===
202309054
Marta Florczyk sækir um styrk að upphæð 100.000 kr. í lista- og menningarsjóðs vegna sýninguna "In the shadows" í Safnahúsi Húsavík.
Fjölskylduráð samþykkir að styrkja Mörtu um 50.000,- með fyrirvara um samþykki fjárhagsáætlunar árið 2024, þar sem viðburðurinn á að fara fram á næsta ári.
=== 2.Umsókn í lista- og menningarsjóð 2023 ===
202309137
Paola Cardenas sækir um styrk að upphæð 100.000 kr. í lista- og menningarsjóðs til að halda erindi fyrir Norðurþingsbúa (börn og fullorðna) um aðlögun barna af erlendum uppruna og hvernig styðja megi við fjölbreytileika í samfélagi okkar.
Fjölskylduráð samþykkir að styrkja Paola um 75.000,-. Ráðið setur þann fyrirvara að ef viðburðurinn fer fram á næsta ári er styrkveitingin háð samþykki fjárhagsáætlunar árið 2024.
=== 3.Reglur um sérstakan húsnæðisstuðning ===
202309129
Fyrir fjölskylduráði liggur til samþykktar tillaga um hækkun á sérstökum húsnæðisbótum. Félags- og vinnumarkaðsráðuneytið hefur uppfært tekju og eignamörk sem og leiðbeiningar til sveitarfélaga um sérstakar húsnæðisbætur.
Fjölskylduráð samþykkir fyrirliggjandi reglur um sérstakan húsnæðisstuðning. Gerðar eru breytingar á tekju- og eignarmörkum frá gildandi reglum. Ráðið vísar reglunum til staðfestingar í sveitarstjórn.
=== 4.Farsæld - fyrirspurn frá skólastjórnendum í Norðurþingi ===
202309025
Skólastjórar Borgarhólsskóla og Öxarfjarðarskóla ásamt leikskólastjóra Grænuvalla óska eftir upplýsingum um hversu mikið Norðurþing hefur fengið úthlutað frá Jöfnunarsjóði vegna samþættingar á þjónustu í þágu farsældar barna og hvernig þeim fjármunum hefur verið varið í Norðurþingi.
Fjölskylduráð felur fræðslufulltrúa að svara fyrirspurninni.
=== 5.Ósk um leigulaus afnot af íþróttahöllinni á Húsavík 16.og 17.desember vegna tónleika ===
202309067
Tónasmiðjan óskar eftir gjaldfrjálsum afnotum af Íþróttahöllinni á Húsavík dagana 16. og 17. desember.
Fjölskylduráð samþykkir erindi Tónasmiðjunnar og felur fræðslufulltrúa að gera viðeigandi ráðstafanir.
=== 6.Öxarfjarðarskóli - Skýrsla um innra mat 2022-2023 ===
202309110
Skýrsla um innra mat í Öxarfjarðarskóla 2023-2024 er lögð fram til kynningar.
Lagt fram til kynningar.
=== 7.Öxarfjarðarskóli - Starfsáætlun 2023-2024 ===
202309111
Starfsáætlun Öxarfjarðarskóla er lögð fram til kynningar.
Lagt fram til kynningar.
=== 8.Skólaþjónusta - Samningur um skólaþjónustu ===
201801114
Á 33. fundi sveitarstjórnar Þingeyjarsveitar var fært til bókar undir 9. lið.
"Í ljósi samræmingar þjónustu í skólum sveitarfélagsins felur sveitarstjórn sveitarstjóra að segja upp samningi um samvinnu sveitarfélaga á sviði skóla- og sérfræðiþjónustu leik- og grunnskóla við Norðurþing."
"Í ljósi samræmingar þjónustu í skólum sveitarfélagsins felur sveitarstjórn sveitarstjóra að segja upp samningi um samvinnu sveitarfélaga á sviði skóla- og sérfræðiþjónustu leik- og grunnskóla við Norðurþing."
Lagt fram til kynningar.
=== 9.Grunnskóli Raufarhafnar - Starfsemi 2023-2024 ===
202305073
Erindi frá skólastjórn Grunnskóla Raufarhafnar þar sem óskað er eftir hækkun á stöðuhlutfalli í ljósi fjölgunar nemenda.
Fjölskylduráð samþykkir erindið og felur fræðslufulltrúa að útbúa viðauka vegna málsins og leggja fyrir ráðið að nýju.
Fundi slitið - kl. 11:10.
Hróðný Lund félagsmálastjóri sat fundinn undir liðum 3-4.
Bylgja Steingrímsdóttir vék af fundi kl. 9:40 og kom aftur á fund kl. 9:52.
Hrund Ásgeirsdóttir skólastjóri Öxarfjarðarskóla og Christoph Wöll kennari sátu fundinn undir liðum 6. og 7.
Kristrún Birgisdóttir frá Ásgarði og Birna Björnsdóttir fulltrúi foreldra sátu fundinn undir lið 9.