== Fundur nr. 14 == Kjörtímabilið 2022—2026 Kjörtímabilið 2022—2026 Félagsheimilinu Miklagarði kl. 10:00 Þórhildur Sigurðardóttir ritaði fundargerð AÖS Axel Örn SveinbjörnssonNefndarmaður DB Dorota BurbaNefndarmaður JHH Jenný Heiða HallgrímsdóttirNefndarmaður AI Arnar IngólfssonNefndarmaður BA Bjartur AðalbjörnssonNefndarmaður ÓÁ Ólafur ÁsbjörnssonNefndarmaður ÞH Þráinn HjálmarssonNefndarmaður ÞS Þórhildur SigurðardóttirStarfsmaður SK Sandra KonráðsdóttirÁheyrnarfulltrúi Fundur var haldinn í fjölskylduráði þriðjudaginn 10. október kl. 08:15 í félagsheimilinu Miklagarði Félag leikskólakennara og Samband íslenskra sveitarfélaga þrýsta á sveitarfélögin að fara í fulla vinnustyttingu árið 2024. Þessi tillaga tekur gildi 1. janúar 2024 og verður endurskoðuð eftir ár. Lagt er til að skóladagatal verði eins og árið 2023, þ.e. lokað þrjá daga í dymbilviku og einn á milli jóla og nýárs. Ekki verði farið í frekari lokanir en lagt er til að eftirfarandi dagar verði gjaldfrjálsir, vilji foreldrar nýta sér það, til þess að rýmka fyrir um orlofstöku starfsmanna: - 26. og 27. október 2023 (vetrarfrí í grunnskóla) - 21. og 22. desember 2023 - Á milli jóla og nýárs 2023 (eins og hefur verið áður) - 15. og 16. febrúar 2024 (vetrarfrí í grunnskóla) - Vetrarfrísdagar grunnskóla á haustönn 2024 - Á milli jóla og nýárs 2024 Foreldrar eru beðnir um sækja um gjaldfrjálst leyfi með a.m.k. 2ja vikna fyrirvara og er það bindandi. **Samþykkt samhljóða.** Tillaga um gjaldfrjálst frí einu sinni á ári og endurskoðun á niðurfellingu fæðisgjalds. Rætt um tillögu leikskólastjóra um að foreldrar geti sótt um gjaldfrjálst frí einu sinni á skólaárinu (1. ágúst - 1. ágúst). Eins og reglurnar eru núna er hægt að sækja um niðurfellingu á fæðisgjaldi ef börn eru fjarverandi í 10 daga og svo aftur eftir 20 daga. Leggur leikskólastjóri til að hægt verði að sækja um niðurfellingu leikskólagjalda óháð dögum, einu sinni á ári. Þessir dagar verða fyrir utan gjaldfrjálsa daga sem boðið er upp á fyrir alla. Sækja þarf um slíkt frí með tveggja vikna fyrirvara í tölvupósti hjá leikskólastjóra og skráning er bindandi. Auk þess er lagt til að fæðisgjald megi fella niður ef börn eru fjarverandi í 7 daga eða meira, í staðinn fyrir 10 daga. Einnig þarf að sækja um slíka niðurfellingu með tveggja vikna fyrirvara í tölvupósti hjá leikskólastjóra og er skráning bindandi. Leikskólastjóra falið að breyta reglunum. Sent til sveitastjórnar til samþykktar. Eftirfarandi tillaga liggur fyrir fundinum: **Fjölskylduráð vísar eftirfarandi erindi til sveitarstjórnar Vopnafjarðarhrepps og Vegagerðarinnar. ** Fjölskylduráð Vopnafjarðarhrepps hefur rætt um á fundum sínum mikilvægi öryggis í umferðinni í sveitarfélaginu. Það er okkur afar mikilvægt að skólabörn komist örugg leiðar sinnar og að unnið sé gegn hraðakstri til að eitthvað sé nefnt. Þetta er sérstaklega mikilvægt til þess að fyrirbyggja óhöpp í umferðinni. Fjölskylduráð hefur m.a. kallað áður eftir fjölgun gangbrauta í sveitarfélaginu. Eftir samtöl við Vegagerðina kom í ljós að framkvæmdir á Hafnarbyggð og Kolbeinsgötu þurfa samþykki Vegagerðarinnar. Fjölskylduráð kallar eftir því að sveitarstjórn beiti sér fyrir því að auka umferðaröryggi í sveitarfélaginu. Fjölskylduráð vill koma eftirfarandi tillögum á framfæri við sveitarstjórn og Vegagerðina sem stuðla að auknu umferðaröryggi. Afar aðkallandi er að leggja hraðahindranir á Hafnarbyggð að utanverðri og alla leið inn að Skuldarhalla. Á þessu svæði eru engar hraðahindranir og er hraðakstur mikill á þessum kafla. Meðfylgjandi er úttekt sem lögreglumennirnir Arnar Ingólfsson og Hjörtur Davíðsson gerðu fyrir fjölskylduráð þar sem tillögur eru að úrbótum. ___________________________________________________________________________ *Vopnafjörður 5. október 2023* **Úttekt á umferðartengdum málum í Vopnafirði**