= Bæjarráð #970 = Fundur haldinn í fjarfundi, 10. október 2023 og hófst hann kl. 12:00 ====== Nefndarmenn ====== - Anna Vilborg Rúnarsdóttir (AVR) aðalmaður - Jón Árnason (JÁ) aðalmaður - Þórkatla Soffía Ólafsdóttir (ÞSÓ) formaður ====== Starfsmenn ====== - Gerður Björk Sveinsdóttir (GBS) sviðsstjóri fjármála- og stjórnsýslusviðs - Þórdís Sif Sigurðardóttir (ÞSS) bæjarstjóri ====== Fundargerð ritaði ====== - Gerður Björk Sveinsdóttir sviðsstjóri fjármála- og stjórnsýslusviðs == Almenn erindi == === 1. Framkvæmdastjóri Vestfjarðastofu === Sigríður Kristjánsdóttir mætti til fundarins og fór yfir helstu verkefni sem unnin eru í samstarfi sveitarfélaga á Vestfjörðum í gegnum Vestfjarðastofu. === 2. Fjárhagsáætlun 2024 - 2027 === Sviðsstjóri fjármála- og stjórnsýslusviðs fór yfir vinnu við fjárhagsáætlun 2024-2027. Lögð fram til kynningar drög að útkomuspá 2023 fyrir rekstur samstæðunnar. Bæjarráð samþykkir að vinna við fjárhagsáætlun 2024 - 2027 muni að hluta til fara fram á vinnufundum þar sem allir bæjarfulltrúar verða boðaðir. Greitt verður fyrir fundina með sama hætti og nefndarfundi. === 3. Fjárhagsáætlun 2023 - viðaukar === Lagður fyrir til afgreiðslu, viðauki 4 við fjárhagsáætlun 2023. Viðaukinn er lagður fyrir vegna breytinga á fjárfestingum ársins 2023, bæði þar sem vantar auknar heimildir og eins vegna verkefna sem áætlað var að fara í á árinu en mun ekki nást og verður að mestu gert ráð fyrir þeim í fjárhagsáætlun 2024. Fjárfestingar í eignasjóði eru hækkaðar um 39,2 m.kr., fjárfestingar í vatnsveitu eru lækkaðar um 18 m.kr., fjárfestingar í fráveitu eru lækkaðar um 6,5 m.kr. og fjárfestingar í Fasteignum Vesturbyggðar eru lækkaðar um 1,4 milljónir króna. Handbært fé er lækkað um 13,3 m.kr. Viðauki 4 hefur ekki áhrif á rekstrarniðurstöðu í A, né A og B hluta en handbært fé í A hluta lækkar um 39,2 m.kr og verður 9,8 m.kr. Handbært fé í A og B hluta lækkar um 13,9 m.kr. og verður 54 m.kr. Bæjarráð samþykkir viðaukann og vísar honum áfram til bæjarstjórnar til staðfestingar. === 4. Þjónustustefna í byggðum og byggðalögun sveitarfélaga === Lagður fram tölvupóstur frá Innviðaráðuneytinu dags. 29. september sl. sem sendur var á öll sveitarfélög varðandi þjónustustefnu í byggðum og byggðarlögum sveitarfélaga. Erindinu vísað áfram til vinnu við fjárhagsáætlun 2024 - 2027. === 5. Til samráðs - Uppbygging og umgjörð lagareldis -Stefna til ársins 2040 === Lagður fram tölvupóstur frá Matvælaráðuneytinu dags. 4. október sl. með ósk um umsögn á Uppbyggingu á umgjörð lagareldis - Stefna til ársins 2040 Bæjarráð Vesturbyggðar fagnar framkomnum drögum að nýrri stefnumótun lagareldis. Markmið stefnumótunarinnar eru í takt við vilja sveitarstjórnarfulltrúa á Vestfjörðum sem hafa kallað eftir aðgerðum af hálfu stjórnvalda um árabil. Bæjarráð Vesturbyggðar fagnar því að fjölga eigi störfum til rannsókna á áhrifum fiskeldis á lífríkið og til miðlunar fræðslu um umhverfisleg, efnahagsleg og samfélagsleg áhrif sjókvíaeldis á Íslandi og leggur áherslu á að opinber störf er tengjast þjónustu og eftirliti með sjókvíaeldi skuli vera þar sem starfsemin fer fram. Bæjarráð felur bæjarstjóra að skila inn umsögn vegna frumvarpsins. == Til kynningar == === 6. Bréf til sveitarfélaga um innviði fyrir orkuskipti === Lagður fram tölvupóstur frá Umhverfis-, orku- og loftlagsráðuneytinu dags. 26. september síðastliðinn með bréfi til sveitarfélaga um innviði fyrir orkuskipti. === 7. Til samráðs - Áform um frumvarp til laga um breytingu á ýmsum lögum um skatta og gjöld === Lagður fram tölvupóstur frá Fjármála- og efnahagsráðuneyti dagsettur 25.september sl. þar sem óskað er umsagnar um áform um frumvarp til laga um breytingu á ýmsum lögum um skatta og gjöld. === 8. Til samráðs - Breytingar á lögum um skipulag haf- og strandsvæða nr. 88-2018 === Lagður fram til kynningar tölvupóstur frá Innviðaráðuneytinu dags. 3. október sl. þar sem óskað er umsagnar um breytingu á lögum um skipulag haf- og strandsvæða nr. 88-2018 === 9. Til samráðs - Frumvarp til laga um breytingu á barnaverndarlögum nr. 80-2002 og lögum um félagsþjónustu sveitarfélaga nr. 40-1991 (reglugerðarheimildir). === Lagður fram tölvupóstur frá mennta- og barnamálaráðuneyti dagsettur 2.október sl. þar sem óskað er umsagnar um frumvarp til laga um breytingu á barnaverndarlögum nr. 80/2002 og lögum um félagsþjónustu sveitarfélaga nr. 40/1991 (reglugerðarheimildir). === 10. Til samráðs - Drög að reglum um ráðgefandi nefndir er meta hæfi umsækjenda um störf forstöðumanna === Lagður fram tölvupóstur frá Fjármála- og efnahagsráðuneytinu dags. 2. október sl. með ósk um umsögn um drög að reglum um ráðgefandi nefndir er meta hæfni umsækjenda um störf forstöðumanna. === 11. Formlegar sameiningarviðræður milli Tálknafjarðarhrepps og Vesturbyggðar === Lagðar fram til kynningar fundargerðir 10., 11. og 12. fundar samstarfsnefndar vegna sameiningaviðræna Tálknafjarðarhrepps og Vesturbyggðar. === 12. Fundargerðir Breiðafjarðarnefndar 2023 === Lögð fram til kynningar 217. fundargerð Breiðafjarðarnefndar sem haldinn var 28. og 29 ágúst sl. === 13. Fundargerðir stjórnar Vestfjarðastofu 2023 === Lagðar fyrir til kynningar fundargerðir 52, 53 og 54 stjórnarfundar stjórnar Vestfjarðastofu ásamt fundargerð ársfundar Vestfjarðastofu. === 14. Fundargerðir stjórnar Sambands íslenskra sveitarfélaga 2023 === Lögð fram til kynnningar 934. fundargerð stjórnar Sambands íslenskra sveitarfélaga. === 15. Auglýst eftir umsóknum um styrki úr Aski === Lagður fram tölvupóstur fá Húsnæðis- og mannvirkjastofnun dags. 3.október sl. þar sem auglýst er eftir umsóknum um styrki úr Aski. Umsóknarfrestur er til og með 31. október. === 16. Mál nr. 182 um tillögu til þingsályktunar um stefnumótandi áætlun í málefnum sveitarfélaga fyrir árið 2024-2038 og aðgerðaráætlun fyrir árin 2024-2028 === Lagður fram til kynningar tölvupóstur Umhverfis- og samgöngunefndar Alþingis dags. 29. september sl. með beiðni um umsögn um tillögu til þingsályktunar um stefnumótandi áætlun í málefnum sveitarfélaga fyrir árin 2024-2038 og aðgerðaáætlun fyrir árin 2024-2028. === 17. Mál nr. 171 um frumvarp til laga um breytingu á lögum um fasteignalán til neytenda nr 118-2016 ( lántökuskilyrði vegna íbúðafjárfestinga). === Langur fram til kynningar tölvupóstur Efnahags-og viðskiptanefndar Alþingis dags. 29. september sl. með beiðni um umsögn um frumvarp til laga um breytingu á lögum um fasteignalán til neytenda, nr. 118/2016 (lántökuskilyrði vegna íbúðafjárfestinga). **Fleira ekki gert. Fundi slitið kl. 13:45**