**1. 2310019 - Fjárhagsstaða bænda 2023** |Til máls tóku: Skúli, Garðar, Þuríður, Björn Bjarki, Ingibjörg.| Sveitarstjórn Dalabyggðar tekur undir ályktun Samtaka ungra bænda sem lögð var fram á baráttufundi þeirra í Salnum í Kópavogi 26.10.2023, sem bæði atvinnumálanefnd og byggðarráð Dalabyggðar hafa þegar tekið undir. Samþykkt samhljóða. [Matvælaframleiðsla er orðin sjálfboðastarf.pdf]( displaydocument.aspx? itemid=F9kxdUm2kqHZ_b1IWWFg&meetingid=yrzrlyYLVE62jpIOekRiPQ1) [Staða landbúnaðar - Dalabyggð, 03.11.2023.pdf]( displaydocument.aspx? itemid=l819ImyHkG8WTJauCx1lA&meetingid=yrzrlyYLVE62jpIOekRiPQ1) [SUB bækl. 181023.pdf]( displaydocument.aspx? itemid=wf4pJjFLEavsTqorDMzLQ&meetingid=yrzrlyYLVE62jpIOekRiPQ1) **2. 2310016 - Fjárhagsáætlun 2023-Viðauki V** |Til máls tók: Björn Bjarki.| **3. 2307001 - Fjárhagsáætlun 2024-2027** |Samkvæmt tillögunni er gert ráð fyrir að heildar skatttekjur A og B hluta á ársinu 2024 verði 556,9 millj.kr., framlög jöfnunarsjóðs 400,2 millj.kr. og aðrar tekjur 366,7 millj.kr.| Gjalda megin er gert ráð fyrir að í laun og launatengd gjöld verði varið 530 millj.kr., annar rekstrarkostnaður verði 402,6 millj.kr., fjármagnskostnaður verði 35,8 millj.kr. og afskriftir nemi 54,6 millj.kr. Rekstrarniðurstaðan verði samkvæmt því 290,2 millj.kr. í rekstrarafgang. Heildarfjárfesting ársins 2024 er áætluð 813,5 millj.kr. og vigta þar lang þyngst fyrirhugaðar framkvæmdir við íþróttamannvirki sem eru 700 millj.kr. á árinu 2024. Fyrirhugað er að halda opna fundi um fjárhagsáætlun í Nýsköpunarsetri til að ræða áætlunina þann og verður tímasetning kynnt á heimasíðu og facebook síðu Dalabyggðar á næstu dögum. Til máls tóku: Björn Bjarki, Þuríður, Skúli, Ingibjörg. Lagt til að vísa fjárhagsáætlun til 2. umræðu. Samþykkt samhljóða. [Fjárhagsáætlun 2024-2027 fyrri umræða, 9.11.2023.pdf]( displaydocument.aspx? itemid=QaVRu3vUQky4LgavMXd1g&meetingid=yrzrlyYLVE62jpIOekRiPQ1) **4. 2301013 - Silfurtún, undirbúningur á slitum B-hluta félags og eignarhald fasteignar** |Til máls tók: Björn Bjarki.| Lagt til að hefja tilfærslu fasteigna sem eru í eigu B-hluta félagsins í aðalsjóð Dalabyggðar og huga að uppgjöri á skuld B-hluta félagsins við aðalsjóð samhliða. Samþykkt samhljóða. **5. 2302006 - Félagslegar íbúðir** |Til máls tóku: Björn Bjarki, Skúli, Ingibjörg.| Lagt til að fela sveitarstjóra að ganga frá málinu í samstarfi við Leigufélagið Bríet í samræmi við tilboð í eignir sveitarfélagsins við Stekkjarhvamm og Gunnarsbraut gegn yfirtöku á eignum og skuldum Dalabyggðar og eignarhlut í Leigufélaginu Bríeti. Samþykkt samhljóða. **6. 2210026 - Uppbygging innviða** |Til máls tóku: Skúli, Garðar, Björn Bjarki, Ingibjörg.| Viljayfirlýsing lögð fram til afgreiðslu og sveitarstjóra falið að skrifa undir hana. Samþykkt samhljóða. [Viljayfirlýsing Dalabyggð.pdf]( displaydocument.aspx? itemid=OHWNftNYo0ONZAACW5C3Q&meetingid=yrzrlyYLVE62jpIOekRiPQ1) |Skúli víkur af fundi undir afgreiðslu samnings um rekstur í Félagsheimilinu Árblik.| **7. 2302010 - Rekstrarsamningar 2023** |Til máls tók: Björn Bjarki.| Samningur um rekstur í Félagsheimilinu Árblik lagður fram til afgreiðslu. Samþykkt með öllum greiddum atkvæðum. Samningur um rekstur á Vínlandssetri í Búðardal lagður fram til afgreiðslu. Samþykktur samhljóða. [samningar_endurskodun_arblik_svstj_09112023..pdf]( displaydocument.aspx? itemid=qpogx6x2EukODQucNdDVQ&meetingid=yrzrlyYLVE62jpIOekRiPQ1) [Vínlandssetur_leigusamningur_svstj_09112023..pdf]( displaydocument.aspx? itemid=eHK5zoyB50GtLRKVOlAuQw&meetingid=yrzrlyYLVE62jpIOekRiPQ1) **8. 2305015 - Hitaveita Rarik í Dölum - fyrispurn um viðhald og endurnýjun** |Til máls tók: Björn Bjarki.| Drög að fyrirspurn lögð fram til afgreiðslu. Samþykkt samhljóða. [Bréf dags.9.11.2023.pdf]( displaydocument.aspx? itemid=1MBX0QxCjEGY5nUTLt8KQ&meetingid=yrzrlyYLVE62jpIOekRiPQ1) **9. 2210019 - Breyting á deiliskipulagi vegna frístundabyggðar** |Deiliskipulag Áarlands var sent Skipulagsstofnun til yfirferðar 9. október 2023 og afgreiddi stofnunin erindið 7. nóvember 2023 og gerði athugasemd við auglýsingu um samþykkt deiliskipulagsins í B-deild Stjórnartíðinda.| Hér verður farið yfir athugsemdirnar lið fyrir lið og gerð grein fyrir afstöðu umhverfis- og skipulagsnefndar Dalabyggðar í kjölfar þessarar afgreiðslu Skipulagsstofnunar. Afgreiðsla Skipulagsstofnunar Skipulagsstofnun hefur yfirfarið framlögð gögn og gerir athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þar sem deiliskipulagsáform eru ekki í samræmi við gildandi aðalskipulag. Aðalskipulag Dalabyggðar 2020-2023 var auglýst 15. júlí 2022 og birt í B-deild Stjórnartíðinda þann 23. júní 2023. Auglýsing deiliskipulagstillögu er því í ósamræmi við 2. mgr. 41. gr. Skipulagslaga. Flokka þarf landbúnaðarland í deiliskipulagsvinnu sbr. ákvæði fyrir landbúnaðarland í gr. 17.13 í aðalskipulagi og 4. kafla skýrslu um flokkun landbúnaðarlands í viðauka aðalskipulags. Skipulagsstofnun bendir einnig á að sveitastjórn þarf að taka afstöðu til 5. gr. jarðalaga nr. 81/2004 og m.a. rökstyðja hvort aðrir valkostir séu fyrir staðsetningu mannvirkja á jörðinni með tilliti til ræktunarmöguleika. Ný gistihús eru ekki í samræmi við ákvæði í kafla 17.13 í aðalskipulagi. Gert er ráð fyrir að minniháttar ferðaþjónusta í tengslum við búrekstur krefjist ekki nýrra mannvirkja og skerði ekki möguleika til hefðbundinna landbúnaðarnota. Á landbúnaðarlandi utan landbúnaðarlands í flokki I er heimilt að reisa allt að þrjú frístundahús. Í deiliskipulagsbreytingunni eru sýnd fjögur frístundarhús á landbúnaðarlandi, það eru frístundahús nr. 30, 40 og 50 og einnig stærsti hluti byggingarreits frístundarhúss nr. 60. Byggingarreitir uppfylla ekki fjarlægðartakmörk vega sbr. 5.3.2.5. gr. skipulagsreglugerðar nr. 90/2013 og kafla 17.8, töflu 17.2 í aðalskipulagi. Auk þess þarf að sýna veghelgunarsvæði Klofningsvegar. Gera þarf grein fyrir þegar byggðum mannvirki og sýna á uppdrætti sbr. 7.1 gr. skipulagsreglugerðar. Sýna þarf byggingarreiti þar sem gert er ráð fyrir endurbyggingu núverandi húsa. Grunnkort skal ná nægilega út fyrir mörk skipulagssvæðis til að sýna afstöðu og samhengi við aðliggjandi svæði. Leita þarf umsagnar Minjastofnunar Íslands. Viðbrögð umhverfis- og skipulagsnefndar Dalabyggðar eru eftirfarandi: Umhverfis- og skipulagsnefnd Dalabyggðar telur að ekki hafi verið gætt meðalhófs í afgreiðslu Skipulagsstofnunar. Deiliskipulagstillagan sem er heildarendurskoðun á gildandi deiliskipulagi frá 1992 var unnin á árinu 2022 með hliðsjón af þágildandi aðalskipulagi og gildandi deiliskipulagi svæðisins. Deiliskipulagstillagan var samþykkt til auglýsingar 11. apríl 2023 í skipulagsnefnd og 13. apríl 2023 í sveitarstjórn. Tillagan var auglýst frá 25. apríl með athugasemdarfresti til 6. júní 2023 og send til umsagnaraðila. Þann 6. júní kom í ljós að auglýsing hafði ekki verið birt í Lögbirtingablaði og var bætt úr því formsatriði og athugasemdarfrestur framlengdur um sex vikur til 18. júlí 2023. Þann 23. Júní 2023 staðfesti Skipulagsstofnun nýtt aðalskipulag Dalabyggðar 2020-2032. Landnotkun í landi Ár er lítið breytt, áfram gert ráð fyrir frístundabyggð F30 fyrir allt að 20 frístundahús en afmörkun F30 færð til samræmis við núverandi frístundalóðir sbr. deiliskipulagið frá 1992. Einnig er gert ráð fyrir tjaldsvæði og þjónustuhúsum í landi Ár í bæði eldra aðalskipulagi og nýju. Samkvæmt Aðalskipulagi Dalabyggðar 2004-2016 var heimilt að byggja upp sérhæfð hús ferðaþjónstu á lögbýlum sbr.: „Heimilt verður, þar sem aðstæður leyfa á hverju lögbýli, að hafa sérhæfðar byggingar fyrir ferðaþjónustu, þ.e. hótel, gistiheimili og byggingar fyrir veitingarekstri, svo fremi sem heildarstærð þeirra fari ekki yfir 1.500 m².“ Umfang ferðaþjónustuhúsa á landbúnaðarsvæði í endurskoðuðu deiliskipulagi eru undir því viðmiði, átta smáhýsi til útleigu eru samtals 320 fm og í samræmi við þágildandi aðalskipulag. Smáhýsin samræmast einnig gildandi aðalskipulags um 20 hús á svæði F30. Ákvæði um flokkun landbúnaðarlands var ekki í Aðalskipulagi Dalabyggðar 2004-2016. Í samþykktu deiliskipulagi er ekki gert ráð fyrir byggingarreitum á ræktuðum túnum heldur eru fyrirhuguð hús öll utan landbúnaðarlands eða í tengslum við núverandi bæjarhús. Á grunni eldra deiliskipulags frá 1992 voru stofnaðar frístundahúsalóðir sem margar eru þegar byggðar og liggja allar innan marka skilgreindrar frístundabyggðar F30 í Aðalskipulagi Dalabyggðar 2020-2032. Við afgreiðslu sveitarstjórnar 17. ágúst 2023 var deiliskipulagið samþykkt ásamt viðbrögðum skipulagsnefndar við framkomnum umsögnum og athugasemdum. Ekki var talið forsvaranlegt að byrja deiliskipulagsvinnu að nýju vegna gildistöku nýs Aðalskipulags Dalabyggðar 2020-2032 þar sem landnotkun á jörðinni er lítið breytt, allar frístundahúsalóðir deiliskipulags liggja innan marka frístundabyggðar F30. Leitað var umsagnar Minjastofnunar Íslands. Í ljósi ofangreinds leggur umhverfis- og skipulagsnefnd til við sveitarstjórn Dalabyggðar að auglýsa samþykkt deiliskipulag í B-deild Stjórnartíðinda. Til máls tók: Björn Bjarki. Lagt til að staðfesta bókun umhverfis- og skipulagsnefndar Dalabyggðar. Samþykkt samhljóða. **10. 2310002F - Byggðarráð Dalabyggðar - 315** |Samþykkt samhljóða.| **10.1. 2307001 - Fjárhagsáætlun 2024-2027** Gjaldskrár hækka alla jafna um 8%. Sorphirðugjöld hækka þó um 30% í þeirri viðleitni að minnka meðgjöf með málaflokknum. Greiðsludreifing fasteignagjalda og tengdra gjalda sem innheimt eru með þeim verði 8 mánuðir í stað 6 mánaða. Jafnframt er unnið að uppfærðum reglum varðandi afslátt eldri borgara og öryrkja af fasteignagjöldum til að þær séu í samræmi við verðlagsþróun. **10.2. 2310016 - Fjárhagsáætlun 2023-Viðauki V** - Áætlun um Staðgreiðslu og útsvar hækkar um 8.058.000,- - Jöfnunasjóður - tekjur hækka um 7.368.000 (mismunur á lækkun á tekjujöfnunarframlagi og hækkun á Útgjaldaframlagi) - Tilfærsla milli deilda 5.055.000,- innan Félagsþjónustunnar - Viðbótarkostnaður v. sérstakra húsaleigubóta kr. 1.120.000 - Aukin kostnaður v. barnaverndar og þjónustu við fatlaða 55.397.000 - Hækkun launakostnaðar 23.513.000 - Lækkun á öðrum rekstrarkostnaði 1.234.000 - Hækkun á vaxtakostnaði 12.553.000 - Hækkun á afskriftarkostnaði 2.188.000 - Lækkun á öðrum kostnaði v. eignarsölu 1.087.000 - Lækkun á söluhagnaði 11.419.000 - Hækkun á daggjöldm í grunnskóla 1.100.000 - Hækkun á framlagi til grunnskóla 7.564.000 - Lækkun á leigutekjum v. eignasölu 1.282.000 - Hækkun á eignfærslu v.byggingu íþróttamannvirkja 15.000.000 Breyting í A-sjóði er kr. 59.495.000 til hækkunar Breyting í B-sjóði er kr. 21.566.000 til hækkunar Samtals er Viðaukahækkun á rekstri kr. 81.061.000 og er því lokaniðurstaða A og B hluta því jákvæð um kr. 7,0 millj kr. **10.3. 2302009 - Safnamál Dalabyggðar 2023** Í ljósi framkominnar greinagerðar starfshóps um safnamál sem var að störfum í vor, tekur byggðarráð undir framkomin gögn og hefur falið sveitarstjóra að vinna áfram að málinu í samræmi við það. **10.4. 2308002 - Deiliskipulag í Búðardal 2023** Sveitarstjóri í samstarfi við skipulagafulltrúa vinni málið áfram, með það í huga að útvíkka verkefnið í samræmi við umræður á fundinum. **10.5. 2310017 - Lausaganga hrossa 2023** Rætt um stöðu mála. **10.6. 2310004 - Umsókn um styrk til greiðslu fasteignaskatts/gjalda** Sveitarstjóra falið að afgreiða málið m.t.t. gildandi reglna Dalabyggðar. **10.7. 2310008 - Afskriftarbeiðni** Samþykkt að fella niður kröfur. **10.8. 2310014 - Umsókn um lóð Vesturbraut** Sveitarstjóra falið að eiga samtal við Olís um málið og mögulega frekari uppbyggingu/þjónustu á svæðinu. **10.9. 2310005 - Leiktæki á skólalóð** Sveitarstjóra falið að eiga samtal við Foreldrafélag Auðarskóla varðandi mögulega útfærslu verkefnisins. **10.10. 2305015 - Hitaveita Rarik í Dölum - fyrispurn um viðhald og endurnýjun** Rætt um stöðu mála. **10.11. 2310019 - Fjárhagsstaða bænda 2023** Byggðarráð Dalabyggðar tekur undir ályktur Samtaka ungra bænda sem lögð var fram á baráttufundi þeirra í Salnum í Kópavogi 26. 10.2023 og hún er svo hljóðandi: Engum sem vill sjá getur dulist að rekstrarumhverfi landbúnaðar á Íslandi er komið að fótum fram. Ungir bændur standa frammi fyrir fjárhagslegum ómöguleika og ungt fólk sem vill hefja hefðbundinn búskap á enga möguleika. Alls enga. Mikil ógn steðjar því að nauðsynlegri nýliðun í stétt bænda. Um leið er fæðuöryggi þjóðarinnar sett í uppnám. Við höfum nýlega séð skýr merki þess að þegar harðnar á dalnum er hver þjóð sjálfri sér næst hvað nauðþurftir varðar. Þess vegna þurfum við að slá skjaldborg um íslenskan landbúnað. Ekki eingöngu af öryggisástæðum heldur líka vegna menningarhlutverks búvöruframleiðslunnar sem samofið er þjóðinni frá því land var numið. Á sama tíma og núverandi rekstrarskilyrði eru í raun ókleifur hamar fyrir ungt fólk stendur íslenskur landbúnaður frammi fyrir stórkostlegum nýjum tækifærum á heimsmarkaði. Þau felast í aukinni umhverfisvitund jarðarbúa í öllum heimshornum, nýjum kröfum um heilnæmi matvæla, vistvæna orkugjafa í framleiðslunni og heilbrigða búskaparhætti. Í þessum efnum erum við í allra fremstu röð. Þegar grannt er skoðað blasir það líka við að fjölmörg tækifæri felast í framsækinni nýsköpun í krafti þekkingar og nýrrar tækni. Til þess að nýta þessi sóknarfæri þurfa stjórnvöld að ryðja brautina og opna ungu fólki ný og spennandi tækifæri jafnt til búskapar sem rannsóknar-, vísinda- og þróunarstarfa á sviði landbúnaðarins. Það eru beinlínis falsfréttir að landbúnaður í nágrannalöndum okkar beggja vegna Atlantsála þrífist án opinbers stuðnings. Og það getur í besta falli kallast upplýsingaóreiða þegar búið er að læða því inn hjá íslenskri þjóð með mætti endurtekningarinnar að stuðningur hérlendis við landbúnað sé meiri en annars staðar. Staðreyndin er einfaldlega sú að hvar sem er í heiminum er ræktun og framleiðsla landbúnaðarafurða svo kostnaðarsöm að stjórnvöld á hverjum stað kjósa að styðja starfsemina. Bæði til þess að varðveita atvinnugreinina og halda verði til neytenda hóflegu. Ísland er þar engin undantekning. En það er bull að stuðningur hérlendis við landbúnaðinn sé úr takti við það sem tíðkast í vestrænum heimi. Baráttufundur Samtaka ungra bænda skorar á stjórnvöld að opna augun og leggja við hlustir. Þau verða að þekkja og skilja raunveruleika búreksturs í landinu. Í fyrsta lagi vandann. Í öðru lagi tækifærin. Í þriðja lagi alþjóðlega samkeppnisstöðu íslenska landbúnaðarins. Þar reynir á þekkingu á raunverulegum ríkisstyrkjum til matvælaframleiðslu um allan heim? bæði þá sem eru uppi á borðum og líka hina sem klæddir eru í alls kyns feluliti. Það er glapræði að leggja íslenskan landbúnað af. Þess vegna þarf að bregðast við án tafar. Seinna er of seint. **10.12. 2208001 - Matarsmiðja í Tjarnarlundi** Byggðarráð tekur jákvætt í framlögð drög að gjaldskrá og beinir henni til sveitarstjórnar til afgreiðslu. **11. 2310001F - Fræðslunefnd Dalabyggðar - 125** |Til máls tók: Ingibjörg um dagskrárlið 5.| Samþykkt samhljóða. **11.1. 2308003 - Auðarskóli málefni grunnskóla 2023-2024** Skólastjóri fór yfir starfið og upplifun starfsmanna á stöðunni eftir fyrstu spönn starfsins, ánægjulegt er að sjá jákvæða upplifun starfsmanna á breyttum starfsháttum í skólanum. Skólastjóri kynnti uppfært skipurit Auðarskóla m.t.t. þeirra breytinga sem urðu á skipulagi skólans sl. sumar. Ekki verður um neinn kostnaðarauka að ræða við þessar breytingar. Fræðslunefnd samþykkir breytingarnar á skipuriti. Skólastjóri kynnti fyrstu drög að skóladagatali fyrir skólaárið 2024-2025 og hvaða forsendur liggi þar að baki.Skólastjóri mun kynna drögin fyrir starfsmönnum og skólaráði á næstunni. Rætt um lengda viðveru sem boðið hefur verið upp á í Auðarskóla. Skólastjóra falið að skoða fyrirkomulag þjónustunnar. **11.2. 2311004 - Erindi til fræðslunefndar og byggðarráðs** Fræðslunefnd þakkar fyrir erindið en sér ekki forsendur til að breyta því fyrirkomulagi sem nú er, þ.e.að Dalabyggð taki þátt í 50% af þeim kostnaði sem um ræðir. Fræðslunefnd vill benda á að ef foreldrar sjá sér ekki fært að taka þátt í þeim kostnaði sem um ræðir að þá er mögulegt að sækja um fjárhagsstuðning til félagsmálanefndar Dalabyggðar. **11.3. 2308004 - Auðarskóli, málefni leikskóla 2023-2024** Skólastjóri kynnti fyrstu drög að skóladagatali fyrir skólaárið 2024-2025 og hvaða forsendur liggi þar að baki.Skólastjóri mun kynna drögin fyrir starfsmönnum og skólaráði á næstunni. Kynnt tillaga að fyrirkomulagi á vinnutímastyttingu og hvaða áhrif sú aðgerð hefur á starfsemi leikskólans og opnunartíma. Fræðslunefnd felur skólastjóra að kynna breytt fyrirkomulag fyrir starfsfólki leikskólans, skólaráði og í kjölfarið foreldrum og forráðamönnum leikskólabarna. **11.4. 2311002 - Íslenska æskulýðsrannsóknin** **11.5. 2110050 - Samþætting þjónustu í þágu farsældar barna** Fræðslunefnd lýsir ánægju með þá góðu þátttöku sem varð á fundinum með Heimili og skóla sem haldinn var í Auðarskóla 18. október sl. þar sem m.a. var undirritaður Farsældarsáttmáli í Dalabyggð. **11.6. 2308011 - Ungmennaráð 2023-2024** Samþykkt að fela tómstundafulltrúa að boða til fundar Ungmennaráðs með formanni fræðslunefndar og sveitarstjóra sem fyrst. **12. 2309006F - Umhverfis- og skipulagsnefnd Dalabyggðar - 141** |Til máls tók: Guðlaug um dagskrárlið 8.| Samþykkt samhljóða. **12.1. 1802017 - Deiliskipulag við Borgarbraut** Samþykkt samhljóða, skipulagsfulltrúa falið að auglýsa tillöguna. **12.2. 2207022 - Umsókn um framkvæmdaleyfi vegna skógræktar - Ljárskógar** Nefndin samþykkir umsögnina samhljóða. **12.3. 2311006 - Umsókn um lögbýli á jörðinni Hömrum í Laxárdal.** Nefndin leggst ekki gegn stofnun lögbýlis, en bendir á 18. grein Jarðalaga 81/2004 um að stofnun lögbýlis raski ekki búrekstraraðstöðu nálægra jarða og að landnotkun samræmist aðalskipulagi. **12.4. 2311005 - Vesturbraut 22 - bygging starfsmannaaðstöðu** Samþykkt samhljóða. **12.5. 2310015 - Umsókn um byggingarleyfi að Búðarbraut 12b** Samþykkt samhljóða. Grendarkynning hefur þegar farið fram. **12.6. 2309005 - Umsókn um byggingarleyfi að Miðbraut 1** Nefndin felur byggingarfullrúa að ganga frá byggingarleyfi þegar fullnægjandi gögn berast. **12.7. 2311008 - Umsókn um byggingarleyfi fyrir viðbyggingu að Lækjarhvammi 8** Nefndin bendir á að grenndarkynning hefur ekki farið fram. Nefndin felur jafnframt byggingarfulltrúa að ganga frá byggingarleyfi þegar fullnægjandi gögn berast. **12.8. 2311007 - Hundagerði í Búðardal** Kynntar og ræddar hugmyndir að hugsanlegri staðsetningu. Sveitarstjóra falið að vinna málið áfram í takt við umræður á fundinum. **12.9. 2311010 - Uppsetning á Olíutank fyrir varaflstöð** Samþykkt samhljóða. **12.10. 2210019 - Breyting á deiliskipulagi vegna frístundabyggðar** Hér verður farið yfir athugsemdirnar lið fyrir lið og gerð grein fyrir afstöðu umhverfis- og skipulagsnefndar Dalabyggðar í kjölfar þessarar afgreiðslu Skipulagsstofnunar. Afgreiðsla Skipulagsstofnunar Skipulagsstofnun hefur yfirfarið framlögð gögn og gerir athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þar sem deiliskipulagsáform eru ekki í samræmi við gildandi aðalskipulag. Aðalskipulag Dalabyggðar 2020-2023 var auglýst 15. júlí 2022 og birt í B-deild Stjórnartíðinda þann 23. júní 2023. Auglýsing deiliskipulagstillögu er því í ósamræmi við 2. mgr. 41. gr. Skipulagslaga. Flokka þarf landbúnaðarland í deiliskipulagsvinnu sbr. ákvæði fyrir landbúnaðarland í gr. 17.13 í aðalskipulagi og 4. kafla skýrslu um flokkun landbúnaðarlands í viðauka aðalskipulags. Skipulagsstofnun bendir einnig á að sveitastjórn þarf að taka afstöðu til 5. gr. jarðalaga nr. 81/2004 og m.a. rökstyðja hvort aðrir valkostir séu fyrir staðsetningu mannvirkja á jörðinni með tilliti til ræktunarmöguleika. Ný gistihús eru ekki í samræmi við ákvæði í kafla 17.13 í aðalskipulagi. Gert er ráð fyrir að minniháttar ferðaþjónusta í tengslum við búrekstur krefjist ekki nýrra mannvirkja og skerði ekki möguleika til hefðbundinna landbúnaðarnota. Á landbúnaðarlandi utan landbúnaðarlands í flokki I er heimilt að reisa allt að þrjú frístundahús. Í deiliskipulagsbreytingunni eru sýnd fjögur frístundarhús á landbúnaðarlandi, það eru frístundahús nr. 30, 40 og 50 og einnig stærsti hluti byggingarreits frístundarhúss nr. 60. Byggingarreitir uppfylla ekki fjarlægðartakmörk vega sbr. 5.3.2.5. gr. skipulagsreglugerðar nr. 90/2013 og kafla 17.8, töflu 17.2 í aðalskipulagi. Auk þess þarf að sýna veghelgunarsvæði Klofningsvegar. Gera þarf grein fyrir þegar byggðum mannvirki og sýna á uppdrætti sbr. 7.1 gr. skipulagsreglugerðar. Sýna þarf byggingarreiti þar sem gert er ráð fyrir endurbyggingu núverandi húsa. Grunnkort skal ná nægilega út fyrir mörk skipulagssvæðis til að sýna afstöðu og samhengi við aðliggjandi svæði. Leita þarf umsagnar Minjastofnunar Íslands. Viðbrögð umhverfis- og skipulagsnefndar Dalabyggðar eru eftirfarandi: Umhverfis- og skipulagsnefnd Dalabyggðar telur að ekki hafi verið gætt meðalhófs í afgreiðslu Skipulagsstofnunar. Deiliskipulagstillagan sem er heildarendurskoðun á gildandi deiliskipulagi frá 1992 var unnin á árinu 2022 með hliðsjón af þágildandi aðalskipulagi og gildandi deiliskipulagi svæðisins. Deiliskipulagstillagan var samþykkt til auglýsingar 11. apríl 2023 í skipulagsnefnd og 13. apríl 2023 í sveitarstjórn. Tillagan var auglýst frá 25. apríl með athugasemdarfresti til 6. júní 2023 og send til umsagnaraðila. Þann 6. júní kom í ljós að auglýsing hafði ekki verið birt í Lögbirtingablaði og var bætt úr því formsatriði og athugasemdarfrestur framlengdur um sex vikur til 18. júlí 2023. Þann 23. Júní 2023 staðfesti Skipulagsstofnun nýtt aðalskipulag Dalabyggðar 2020-2032. Landnotkun í landi Ár er lítið breytt, áfram gert ráð fyrir frístundabyggð F30 fyrir allt að 20 frístundahús en afmörkun F30 færð til samræmis við núverandi frístundalóðir sbr. deiliskipulagið frá 1992. Einnig er gert ráð fyrir tjaldsvæði og þjónustuhúsum í landi Ár í bæði eldra aðalskipulagi og nýju. Samkvæmt Aðalskipulagi Dalabyggðar 2004-2016 var heimilt að byggja upp sérhæfð hús ferðaþjónstu á lögbýlum sbr.: „Heimilt verður, þar sem aðstæður leyfa á hverju lögbýli, að hafa sérhæfðar byggingar fyrir ferðaþjónustu, þ.e. hótel, gistiheimili og byggingar fyrir veitingarekstri, svo fremi sem heildarstærð þeirra fari ekki yfir 1.500 m².“ Umfang ferðaþjónustuhúsa á landbúnaðarsvæði í endurskoðuðu deiliskipulagi eru undir því viðmiði, átta smáhýsi til útleigu eru samtals 320 fm og í samræmi við þágildandi aðalskipulag. Smáhýsin samræmast einnig gildandi aðalskipulags um 20 hús á svæði F30. Ákvæði um flokkun landbúnaðarlands var ekki í Aðalskipulagi Dalabyggðar 2004-2016. Í samþykktu deiliskipulagi er ekki gert ráð fyrir byggingarreitum á ræktuðum túnum heldur eru fyrirhuguð hús öll utan landbúnaðarlands eða í tengslum við núverandi bæjarhús. Á grunni eldra deiliskipulags frá 1992 voru stofnaðar frístundahúsalóðir sem margar eru þegar byggðar og liggja allar innan marka skilgreindrar frístundabyggðar F30 í Aðalskipulagi Dalabyggðar 2020-2032. Við afgreiðslu sveitarstjórnar 17. ágúst 2023 var deiliskipulagið samþykkt ásamt viðbrögðum skipulagsnefndar við framkomnum umsögnum og athugasemdum. Ekki var talið forsvaranlegt að byrja deiliskipulagsvinnu að nýju vegna gildistöku nýs Aðalskipulags Dalabyggðar 2020-2032 þar sem landnotkun á jörðinni er lítið breytt, allar frístundahúsalóðir deiliskipulags liggja innan marka frístundabyggðar F30. Leitað var umsagnar Minjastofnunar Íslands. Í ljósi ofangreinds leggur umhverfis- og skipulagsnefnd til við sveitarstjórn Dalabyggðar að auglýsa samþykkt deiliskipulag í B-deild Stjórnartíðinda. **13. 2310003F - Atvinnumálanefnd Dalabyggðar - 42** |Til máls tók: Garðar um dagskrárlið 1, 3 og 5.| Samþykkt samhljóða. **13.1. 2302014 - Atvinnurekstur í Dalabyggð 2023** Nefndin þakkar Nick og Jana fyrir komuna. Virkilega áhugavert að heyra af uppbyggingu þeirra á þrifafyrirtæki sínu. Eins og fleiri atvinnurekendur hafa talað um nefndu þau að skortur á íbúðar- og atvinnuhúsnæði væri vandamál þegar kemur að því að stækka fyrirtæki og/eða ráða inn starfsfólk. Einnig nefndu þau að tungumálaörðugleikar væru nokkur þröskuldur þegar kemur að því opinbera, líkt og kringum bókhald og skattamál, þ.e. að efnið væri mikið til á íslensku. **13.2. 2210026 - Uppbygging innviða** Farið yfir stöðuna á undirbúningi uppbyggingingar atvinnuhúsnæðis í Búðardal. **13.3. 2310011 - Landbúnaður í Dalabyggð 2023** Atvinnumálanefnd Dalabyggðar tekur undir ályktun Samtaka ungra bænda er lögð var fram og samþykkt á baráttufundi þeirra í Salnum í Kópavogi 26. október sl. Nefndin hvetur Samtök ungra bænda til dáða í áframhaldandi baráttu fyrir bættum kjörum. **13.4. 2301014 - Fréttir frá verkefnastjóra 2023** Farið yfir drög að áætlun markaðs- og kynningarmála 2024. **13.5. 2208001 - Matarsmiðja í Tjarnarlundi** **13.6. 2301021 - Nýsköpunarsetur Dalabyggðar 2023** Stefnt er að kaffispjalli atvinnumálanefndar miðvikudaginn 15. nóvember nk. kl.20:00 í Nýsköpunarsetri Dalabyggðar. Öll velkomin. **13.7. 2301054 - Upplýsingar um atvinnuleysi 2023** Lagt fram til kynningar. **15. 2301009 - Fundir Heilbrigðiseftirlits Vesturlands 2023** |Lagt fram til kynningar.| [186_2023_1106_Samþykkt fundargerð.pdf]( displaydocument.aspx? itemid=9VFQbmoItEeIyAlUn5cS6w&meetingid=yrzrlyYLVE62jpIOekRiPQ1) **16. 2308020 - Aðalfundur fulltrúaráðs Eignahaldsfélagsins Brunabótafélag Íslands** |Lagt fram til kynningar.| [Fundargerð-fulltruaradsfundar-06102023.pdf]( displaydocument.aspx? itemid=Ggbh2sU5RUW3JwhlSuvvQw&meetingid=yrzrlyYLVE62jpIOekRiPQ1) **17. 2301020 - Skýrsla sveitarstjóra 2023** |Til máls tók: Björn Bjarki, Garðar.| [Skýrsla sveitarstjóra á fundi 239.pdf]( displaydocument.aspx? itemid=nV21KPxaoEGNybll0bYxZg&meetingid=yrzrlyYLVE62jpIOekRiPQ1)