= Fjölskyldu- og menningarnefnd = Dagskrá === 1.Ísland atvinnuhættir og menning 2030. === 2310032 Zaga útgáfufélag, býður Kjósarheppi að kaupa ritverkið Ísland atvinnuhættir og menning 2020 og að taka þátt í næsta verki sem verðu Ísland atvinnuhættir og menning 2030 sem mun koma út í rafrænni útgáfu. Nefndin leggur til að Kjósarhreppur kaupi eitt eintak af Ísland atvinnuhættir og menning 2020 og gefi bókasafninu. Nefndin telur sig ekki hafa nægar upplýsingar til að taka afstöðu til þátttöku í Ísland atvinnuhættir og menning 2030. === 2.Jólamarkaður í Kjós. === 2309034 Formaður fer yfir vinnu nefndarinnar við undirbúning jólamarkaðarins. Búið er að panta 16 borð og undirbúningur hefur gengið vel. Lagt fram til kynningar === 3.Félagsstarf eldri borgara á aðventu. === 2311010 Nefndin leggur til að eldri borgurum Kjósarhrepps verði boðið til hangikjötsveislu á aðventunni. Nefndin leggur til að leitað verði til kvenfélagsins um að sjá um framkvæmdina. Nefndin leggur áherslu á að haft verði samband við heldri Kjósverja og þeim boðið til veislu. Nefndin leggur til að þeim sem þess þurfa verði boðinn akstur. Samþykkt samhljóða. === 4.Þrettándagleði í Kjósinni. === 2311011 Formaður fór yfir undirbúning. Lagt er til að haft verði samband við jólasvein og bjóða honum að koma á skemmtunina. Einnig er lagt til að boðið verði uppá heitt kakó og stjörnuljós. Kveikt verðu í brennu við Félagsgarð klukkan 19:00 laugardaginn 6. janúar nk. Kynnt nánar á kjos.is og facebook síðum. Lagt fram til kynningar. === 5.Barnabókaupplestur á aðventu. === 2311012 Lagt er til að fengnir verði barnabókahöfundarnir Gunnar Helgason, Björk Jakobsdóttir og Yrsa Þöll Gylfadóttir til að lesa uppúr bókum sínum 5. desember nk. í Ásgarði. Boðið verður uppá piparkökur og kakó. Samþykkt samhljóða. Fundi slitið - kl. 17:30.