= Fjallskilanefnd fundur nr. 35 = Þriðjudaginn 1. ágúst 2023 kl. 20:00 kom fjallskilanefnd Hörgársveitar saman til fundar á skrifstofu sveitarfélagsins í Þelamerkurskóla. Fundarmenn: Arnar Ingi Tryggvason formaður, Jónas Þór Jónasson varaformaður, Agnar Þór Magnússon, Davíð Jónsson og Egill Már Þórsson nefndarmenn og Snorri Finnlaugsson, sveitarstjóri sem ritaði fundargerð. Þetta gerðist: **1. Álagning gangnadagsverka** Lögð fram drög að álagningu fjallskila haustið 2023. Nefndin fór yfir drögin og gerði á þeim breytingar. Heildarfjöldi gangnadagsverka er 382. Samkvæmt síðustu forðagæsluskýrslu er alls um að ræða 6.655 kindur, sem er fækkun um 247 frá fyrra ári. Meðaltalsfjöldi kinda í dagsverki er því 17,4. *Fjallskilanefnd samþykkti framlögð drög að álagningu fjallskila haustið 2023, með þeim breytingum sem gerðar voru á þeim á fundinum.* **2. Tímasetning gangna og rétta haustið 2023, frávik** Rætt um tímasetningu gangna. Tímasetning gangna var samþykkt á fundi nefndarinnar þann 21. mars 2023. Frávik frá þeim dagsetningum koma fram á gangnaseðlum. **3. Fundur með Skagfirðingum** Fulltrúar Hörgársveitar og Skagafjarðar hittust á fundi í Þelamerkurskóla þann 24. júlí 2023 til að fara yfir sameiginleg mál varðandi fjallskil og gangnamál og fleira. Ákveðið var á þeim fundi hvernig staðið yrði að sameiginlegri smölun haustið 2023. **4. Viðhald fjárrétta** Rætt um stöðu mála varðandi ásigkomulag og viðhald fjárrétta. **5. Ágangur búfjár** Umræður um ágang búfjár, lausagöngu ofl. Fleira gerðist ekki – fundi slitið kl. 22:30