Hörgársveit
Ungmennaráð fundur nr. 2
= Ungmennaráð fundur nr. 2 =
**Ungmennaráð Hörgársveitar** **2. fundur** **Fundargerð**
Fimmtudaginn 11. maí 2023 kl. 16:00 kom Ungmennaráð Hörgársveitar saman til fundar í fundarsal Íþróttamiðstöðvarinnar á Þelamörk.
Fundarmenn voru, Ævar Ottó Arnarsson, Jónatan Smári Guðmundsson, Juliane Liv Sörensen, Lilja Lind Torfadóttir, Arnsteinn Ýmir Hjaltason. Hrafnhildur Guðjónsdóttir starfsmaður nefndarinnar ritaði fundargerð.
**Þetta gerðist:** **1. Menningarstefna Hörgársveitar 2023/2030**
Kolbrún Lind Malmquist verkefnastjóri atvinnu-, menningar- og upplýsinga hjá Hörgársveit kynnti nýja menningarstefnu Hörgársveitar.
**2. Aðgangseyrir í sundlaug fyrir ungmenni yngri en 18 ára.**
Ungmennaráð hvetur sveitarstjórn Hörgársveitar til að endurskoða gjaldskrá sundlaugarinnar fyrir ungmenni yngri en 18 ára. Í dag greiða grunnskólabörn 6-16 ára 300 krónur en 17 ára ungmenni greiða 1.100 krónur. Þegar litið er til annarra sveitarfélaga miðast gjaldið við sjálfræðisaldurinn þ.e. 18 ára.
**3. Vinnutími vinnuskólans.**
Ungmennaráð hvetur sveitarstjórn Hörgársveitar til að endurskoða vinnutíma hjá 16 ára ungmennum í vinnuskólanum. Í dag fá þau fjögurra klukkutíma vinnudag en óska eftir því að vinnutíminn verði aukinn í átta tíma.
**4. Ungmennaráð haustið 2023.**
Núverandi stjórn ungmennaráðs stefnir að því að sitja út tveggja ára tímabil.
Fundi slitið kl. 17:30.