= Atvinnu- og menningarnefnd fundur nr. 25 = **Atvinnu- og menningarnefnd Hörgársveitar** **25. fundur** **** **Fundargerð** **** ____ Mánudaginn 20. febrúar 2023 kl.16:15 kom atvinnu- og menningarnefnd Hörgársveitar saman til fundar á skrifstofu sveitarfélagsins. Fundarmenn voru, Eva Hilmarsdóttir formaður, Ásta Júlía Aðalsteinsdóttir varaformaður, Jóhanna María Oddsdóttir, Vignir Sigurðsson, og Jónas Þór Jónasson fulltrúar í nefndinni, Snorri Finnlaugsson sveitarstjóri og Kolbrún Lind Malmquist starfsmaður nefndarinnar sem ritaði fundargerð. Þetta gerðist: **1. Erindi frá foreldrafélagi Þelamerkurskóla** Foreldrafélagið óskar eftir að fá veittan styrk fyrir nemendur í 7.-10. bekk ásamt þremur fylgdaraðilum til þess að fara á menningarviðburðinn Footloose sem Menntaskólinn á Akureyri frumsýnir þann 3. mars. Áætlaður kostnaður er 128.000kr. *Atvinnu- og menningarnefnd samþykkti að leggja til við sveitarstjórn að veittur verði fullur styrkur fyrir miðakaupum af liðnum styrkir til menningarmála.* **2. Sæludagur í sveitinni** Sæludagur í sveitinni hefur verið haldinn reglulega í sveitarfélaginu um verslunarmannahelgina, endurskoðun á dagsetningu og fyrirkomulagi. *Atvinnu- og menningarnefnd samþykkir að funda með Hollvinafélagi Hjalteyrar áður en ákvörðun verður tekin um dagsetningu. * **3. Menningarstefna Hörgársveitar** Lögð fram drög að Menningarstefnu Hörgársveitar 2023-2033. *Stefnt að því að ljúka afgreiðslu stefnunnar fyrir vorið.* **4. Áfangastaðaáætlun** Kynntir þeir staðir í Hörgársveit sem fóru inná Áfangastaðaáætlun Norðurlands haustið 2022. **5. Atvinnumál í sveitarfélaginu** Lagt fram yfirlit yfir vinnuafl og skráningu atvinnulausra í sveitarfélaginu *.* *10 einstaklingar voru á atvinnuleysisskrá í sveitarfélaginu í desember 2022. Vinnuafl er 412 einstaklingar og hefur þeim fjölgað um 50 frá desember 2021. Atvinnuleysi er því 2,4% í desember samanborið við 3,2% í sama mánuði 2021.* **6. Önnur mál** *Umræður um hvernig er hægt að auka aðsókn í íþróttamiðstöðina á Þelamörk, bæði sundlaug og sali.* Fleira gerðist ekki – fundi slitið kl. 17:27.