= Félagsmála- og tómstundanefnd = Dagskrá === 1.Jólamót Molduxa 2023 === 2311002 Íþróttafélagið Molduxar óskar eftir endurgjaldslausum aðgangi að íþróttahúsinu á Sauðárkróki vegna jólamóts félagsins þann 26. desember nk. Nefndin samþykkir erindið. === 2.Styrkbeiðni Sönghóps félags eldri borgara í Skagafirði === 2311096 Sönghópur félags eldri borgara í Skagafirði sækir um styrk til starfsemi sinnar sem áður kom árlega frá Akrahreppi. Mikill kostnaður er vegna ráðningu söngstjóra og vegna rútukostnaðar þegar farið er í söngferðir utan héraðs. Nefndin samþykkir að fresta afgreiðslu málsins til næsta fundar. Nefndin samþykkir að fresta afgreiðslu málsins til næsta fundar. === 3.Reglur Skagafjarðar um akstursþjónustu við fatlað fólk === 2307143 Drög að Reglum Skagafjarðar um akstursþjónustu við fatlað fólk lagðar fram til kynningar. Reglunar eru settar skv. 29.gr. laga um félagsþjónustu sveitarfélaga nr. 40/1991, með síðari breytingum og lögum um þjónustu við fatlað fólk með langvarandi stuðningsþarfir nr. 38/2018. Einnig er stuðst við leiðbeiningar félagsmálaráðuneytisins fyrir sveitarfélög um akstursþjónustu fyrir fatlað fólk. Félagsmála - og tómstundanefnd felur starfsmönnum að vinna áfram með drögin út frá því sem fram kom á fundinum og leggja fyrir næsta fund nefndarinnar. === 4.Samráð; Áform um breytingar á lögum um réttindagæslu fyrir fatlað fólk === 2311055 Lagður fram tölvupóstur dagsettur 7. nóvember 2023 þar sem Félags- og vinnumarkaðsráðuneytið kynnir til samráðs mál nr. 226/2023, "Áform um breytingar á lögum um réttindagæslu fyrir fatlað fólk". Til skoðunar er að bæta úr ýmsum atriðum laganna í ljósi fenginnar reynslu af framkvæmd þeirra. Meðal þess sem kemur til skoðunar er að skýra ákvæði um hlutverk og heimildir persónulegra talsmanna. Þá er talin þörf á að skoða ákvæði V. kafla laganna um ráðstafanir til að draga úr nauðung í þjónustu við fatlað fólk, m.t.t. þess hvernig betur megi tryggja réttarvernd þeirra einstaklinga sem þar eiga í hlut. Umsagnarfrestur var til og með 15. nóvember 2023. === 5.Samráð; Frumvarp til laga um breytingu á barnaverndarlögum nr. 80 2002(endurgreiðslur) === 2311016 Lagður fram tölvupóstur dagsettur 1. nóvember 2023 þar sem Mennta- og barnamálaráðuneytið kynnir til samráðs mál nr. 215/2023, "Frumvarp til laga um breytingu á barnaverndarlögum nr. 80/2002 (endurgreiðslur)". Frumvarpið felur í sér afmarkaðar breytingar á 15. gr. barnaverndarlaga í því skyni að skýra nánar þær reglur sem gilda um endurgreiðslur ríkissjóðs vegna barnaverndarþjónustu sem er veitt samkvæmt lögunum til barna sem ekki hafa fasta búsetu á Íslandi eða barna sem eru án forsjáraðila sinna og hafa hlotið alþjóðlega vernd eða dvalarleyfi hér á landi. Umsagnarfrestur var til og með 15. nóvember 2023. Umsagnarfrestur var til og með 15. nóvember 2023. === 6.Útboðs akstursþjónustu === 2311026 Í ferli er að bjóða út annars vegar akstur á heimsendum mat innan Sauðárkróks og hins vegar akstur í Dagdvöl aldraðra. Samið hefur verið við Consensa ehf um að annast útboðið fyrir hönd Skagafjarðar. Nefndin samþykkir að starfsmenn vinni áfram að gerð útboðsins. Nefndin samþykkir að starfsmenn vinni áfram að gerð útboðsins. === 7.Fjárhagsáætlun 2024 - málaflokkur 02 === 2309256 Starfsmenn fóru yfir stöðu á vinnu við gerð fjárhagsáætlunar fyrir árið 2024 í málaflokki 02 - Félagsþjónusta. === 8.Fjárhagsáætlun 2024 - málaflokkur 06 === 2309257 Starfsmenn fóru yfir stöðu á vinnu við gerð fjárhagsáætlunar fyrir árið 2024 í málaflokki 06 - Æskulýðs- og íþróttamál. === 9.Trúnaðarbók félagsmála- og tómstundanefndar 2023 === 2301145 Lögð fram tvö mál. Fært í trúnaðarbók. Fundi slitið - kl. 17:30.