= Hafnarráð = Dagskrá === 1.Fiskmarkaður Suðurnesja - samstarf === 2311045 Einar Guðmundsson framkvæmdastjóri Fiskmarkaðs Suðurnesja sat fundinn undir þessum dagskrárlið, fram fór umræða um samstarf aðila og starfsemi fiskmarkaðarins. Hafnarráð þakkaði Einari Guðmundssyni fyrir þátttökuna á fundinum. Hann benti á nokkur atriði til bóta, þar á meðal að það kæmi sér vel fyrir alla aðila ef höfnin fjárfestir í pallavog sem myndi hafa í för með sér mikla hagræðingu í starfsemi allra aðila. Aðilar lýstu ánægju með samstarf hafnarinnar og fiskmarkaðarins. === 2.Fjárhagsáætlun 2024-2027 === 2303087 Drög að rekstraráætlun Sandgerðishafnar 2024. Rekstraráætlun Sandgerðishafnar 2024 samþykkt samhljóða. === 3.Sandgerðishöfn gjaldskrá 2024 === 2211052 Drög að gjaldskrá Sandgerðishafnar 2024. Gjaldskrá Sandgerðishafnar 2024 samþykkt samhljóða. === 4.Sandgerðishöfn - rekstur og starfsemi === 2206131 Hafnarstjóri og verkefnastjóri fóru yfir rekstur og starfsemi hafnarinnar það sem af er ári 2023. Mb Þristur er farinn úr höfninni, eftir bruna fyrr á árinu. Nokkrir bátar frá Grindavík hafa landað afla í höfninni, 12 smábátar frá Grindavik eru við legu í höfninni. Hafnarráð býður fiskiskip frá Grindavík velkomin í Sandgerðishöfn. Landaður afli fyrstu 10 mánuði ársins er 8.350 tn, var 10.800 tn á sama tíma á síðasta ári. === 5.Sandgerðishöfn - Suðurgarður === 1806557 Samskipti hafnarstjóra og Vegagerðarinnar (VG) varðandi endurbætur á syðri grjótvarnagarði og minnisblað VG um ástand garðsins og mögulegar aðgerðir. Vegagerðin hefur áform um að hefja framkvæmdir við endurbætur á syðri grjótvarnagarði fljótlega og leggur hafnarráð áherslu á að framkvæmdin hefjist sem allra fyrst. === 6.Sandgerðishöfn - flotbryggja === 2311047 Yfirferð um ástand flotbryggja, á annan tug smábáta frá Grindavík eru komnir í Sandgerðishöfn og þarf að tryggja viðlegu og öryggi þeirra. Endurbætur á flotbryggju eru hafnar, enda nauðsynlegt til að tryggja öryggi og viðlegu smábáta. Leitað verður eftir framlagi frá ríkinu vegna kostnaðar. Fundi slitið - kl. 17:00.