= Menningar-, atvinnu- og markaðsnefnd = Dagskrá Sandra Sigurðardóttir, formaður, setti fund og stjórnaði. Leitaði hún eftir athugasemdum við fundarboð en engar komu fram. === 1.Starfsáætlun Menningar-atvinnu og markaðsnefndar === 2311248 Fundadagatal og starfsáætlun menningar-, atvinnu- og markaðsnefndar lagt fram til samþykktar. Rætt um starfsáætlun nefndarinnar fyrir 2024. Áætlunin uppfærð og samþykkt. === 2.Umsóknir um dvöl í Varmahlíðarhúsinu 2024 === 2311345 Alls bárust 34 umsóknir um dvöl í listamannahúsinu Varmahlíð fyrir árið 2024. Tillaga að úthlutun lögð fram. Úthlutun rædd og menningar-, atvinnu- og markaðsfulltrúa falið að ganga frá úthlutuninni miðað við tillögur nefndarinnar. === 3.Íþróttamaður Hveragerðis 2023 === 2311250 Alls bárust sex tilnefningar til Íþróttamanns Hveragerðis árið 2023. Nefndin fór yfir tilnefningarnar og valdi íþróttamann Hveragerðis 2023. Afhending mun fara fram í Listasafni Árnesinga fimmtudaginn 28. desember kl. 16. Einar Alexander vék af fundi undir þessum lið kl. 18.10. === 4.Styrkbeiðni v. Jólastundar í Reykjadalsskála === 2311253 Rætt um styrkbeiðni út frá umsókn og kostnaðaráætlun frá tónleikahöldurum. Nefndin óskar tónleikahöldurum til hamingju með vel heppnaða tónleika og sitt framlag til menningar og lista á aðventunni. Því miður er ekki unnt að verða við styrkbeiðninni að svo stöddu en óskar eftir frekara samtali og samstarfi á nýju ári. Einar Alexander kom inn á fundinn kl. 18.23. Fundargerðin upplesin og samþykkt. Fundi slitið - kl. 18:30. Getum við bætt efni síðunnar?