**549. fundur bæjarstjórnar Grindavíkur haldinn í ráðhúsi Reykjavíkurborgar, föstudaginn 29. desember 2023 og hófst hann kl. 10:00.** Fundinn sátu: Ásrún Helga Kristinsdóttir, forseti, Birgitta H. Ramsay Káradóttir, aðalmaður, Hjálmar Hallgrímsson, aðalmaður, Helga Dís Jakobsdóttir, aðalmaður, Hallfríður G Hólmgrímsdóttir, aðalmaður, Birgitta Rán Friðfinnsdóttir, aðalmaður og Gunnar Már Gunnarsson, aðalmaður. Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. Fundargerð ritaði: Jón Þórisson, sviðsstjóri fjármála- og stjórnsýslusviðs. Í upphafi fundar leggur forseti til að mál fundarins verði rædd fyrir luktum dyrum. Samþykkt samhljóða. Forseti óskar eftir heimild til að taka inn mál með afbrigðum sem 2. mál: 2312036 Leikskólamál Samþykkt samhljóða Dagskrá: **1. Tjón á mannvirkjum vegna jarðskjálfta og landriss í Grindavik 2023 - 2312003** Til máls tóku: Ásrún, Helga Dís, Gunnar Már, Hjálmar, Hallfríður, Birgitta Hrund, bæjarstjóri og Birgitta Rán. Gestir fundarins í gegnum Teams: Sviðsstjóri skipulags- og umhverfissviðs, byggingafulltrúi, Guðjón Bragason frá almannavörnum og Jón Haukur Steingrímsson frá Eflu. Einnig sat Bryndís Ísfold frá upplýsingateymi fundinn. Á fundi bæjarstjórnar sem haldinn var 27. desember sl. var rætt um lista frá Náttúruhamfaratryggingu Íslands (NTÍ) vegna altjóna á húseignum í Grindavík. NTÍ hefur sent Grindavíkurbæ erindi þar sem óskað eftir formlegri afstöðu sveitarstjórnar til þess hvort viðgerð og endurbygging húseignanna sé heimil, sbr. 2. mgr. 15. gr. laga nr. 55/1992 um NTÍ. Sá listi hefur nú verið uppfærður og kynnti Atli Geir Júlíusson sviðsstjóri skipulags- og umhverfissviðs þær breytingar sem gerðar hafa verið á listanum. Jafnframt gerði hann grein fyrir því að listinn geti ekki skoðast sem endanlegur, NTÍ muni áfram taka við tilkynningum um tjón vegna jarðhræringa og frekari skemmdir á fasteignum geti enn átt eftir að koma í ljós. Í framhaldi af erindi NTÍ er eftirfarandi tillaga lögð fram: Bæjarstjórn Grindavíkurbæjar heimilar ekki endurbyggingu á eftirtöldum íbúðahúsalóðum fyrr en hættumat og endurskoðaðir skipulagsskilmálar fyrir umræddar lóðir liggur fyrir. Um er að ræða eftirtaldar íbúðarhúsalóðir með eignum sem Náttúruhamfaratrygging Íslands (NTÍ) hefur metið sem altjón á einum eða fleiri matshlutum. Austurvegur 20 Víkurbraut 30 Víkurbraut 32 Víkurbraut 34 Víkurbraut 36 Víkurbraut 38 Víkurbraut 40 Víkurbraut 42 Víkurbraut 48 Víkurbraut 50 Garður Víkurhóp 8 Túngata 25 Bæjarstjórn leggur áherslu á að fundin verði viðunandi lausn varðandi eignir sem ekki eru altjón en standa á ofangreindum lóðum. Samþykkt með 6 atkvæðum. Birgitta Hrund situr hjá. Guðjón Bragason og sviðsstjóri fjármála- og stjórnsýslusviðs greindu frá fundi með lögmannsstofu, sem fram fór í gær, varðandi mögulega aðkomu Grindavíkurbæjar að lögfræðiþjónustu til handa tjónþolum í Grindavík. Bæjarstjórn felur þeim að vinna málið áfram. **2. Leikskólamál - 2312036** Til máls tóku: Ásrún, Hallfríður, Birgitta Rán, sviðsstjóri fjármála- og stjórnsýslusviðs, Helga Dís, Birgitta Hrund, Gunnar Már og Hjálmar. Sviðsstjóri félagsþjónustu- og fræðslusviðs yfirlsálfræðingur skólaþjónustu sátu fundinn undir þessum dagskrárlið og kynntu þau málið og svöruðu fyrirspurnum. Einnig sat Bryndís Ísfold fundinn. Bókun Bæjarstjórn Grindavíkurbæjar samþykkir samhljóða að auglýsa eftir starfsfólki til að starfa í leikskólaúrræði á höfuðborgarsvæðinu með það að markmiði að tryggja öllum leikskólabörnum úr Grindavík aðgang að leikskóla sem fyrst á nýju ári. Bæjarstjórn hvetur alla með reynslu af leikskólastarfi í Grindavík sérstaklega til að sækja um. Bæjarstjórn Grindavíkur ítrekar það sem fram kom í bókun bæjarráðs á fundi 1661 þann 19. desember sl. "Í ljósi þess að engir samningar hafa tekist við Skóla ehf um leikskólastarf meðan á óvissuástandi stendur samþykkir bæjarráð, með hagsmuni leikskólabarna í Grindavík að leiðarljósi, að Grindavíkurbær muni sjá um vistun barna sem áður voru á leikskólanum Króki. Skólum ehf verður tilkynnt um þessa ákvörðun." **Fleira ekki gert. Fundi slitið kl. 13:20.** Ásrún Helga Kristinsdóttir Birgitta H. Ramsay Káradóttir Hjálmar Hallgrímsson Helga Dís Jakobsdóttir Hallfríður G Hólmgrímsdóttir Birgitta Rán Friðfinnsdóttir Gunnar Már Gunnarsson Jón Þórisson Fannar Jónasson Bæjarstjórn / 29. desember 2023 [Fundur bæjarstjórnar nr. 549](/v/26890) Bæjarstjórn / 27. desember 2023 [Fundur bæjarstjórnar nr. 548](/v/26885) Bæjarráð / 5. desember 2023 [Fundur 1659](/v/26833) Bæjarstjórn / 28. nóvember 2023 [Fundur 547](/v/26831) Bæjarráð / 7. nóvember 2023 [Fundur 1658](/v/26747) Bæjarstjórn / 31. október 2023 [Fundur 544](/v/26721) Skipulagsnefnd / 16. október 2023 [Fundur 127](/v/26714) Fræðslunefnd / 12. október 2023 [Fundur 136](/v/26713) Fræðslunefnd / 21. september 2023 [Fundur 135](/v/26712) Fræðslunefnd / 7. september 2023 [Fundur 134](/v/26711) Fræðslunefnd / 29. júní 2023 [Fundur 133](/v/26710) Fræðslunefnd / 7. júní 2023 [Fundur 132](/v/26709) Bæjarráð / 17. október 2023 [Fundur 1656](/v/26705) Bæjarráð / 24. október 2023 [Fundur 1657](/v/26704) Skipulagsnefnd / 2. október 2023 [Fundur 126](/v/26683) Bæjarráð / 10. október 2023 [Fundur 1655](/v/26681) Bæjarráð / 3. október 2023 [Fundur 1654](/v/26669) Bæjarstjórn / 26. september 2023 [Fundur 543](/v/26654) Frístunda- og menningarnefnd / 20. september 2023 [Fundur 128](/v/26638) Frístunda- og menningarnefnd / 6. september 2023 [Fundur 127](/v/26637) Skipulagsnefnd / 18. september 2023 [Fundur 125](/v/26632) Bæjarráð / 12. september 2023 [Fundur 1653](/v/26619) Skipulagsnefnd / 4. september 2023 [Fundur 124](/v/26616) Bæjarráð / 5. september 2023 [Fundur 1652](/v/26607) Bæjarstjórn / 29. ágúst 2023 [Fundur 542](/v/26599) Skipulagsnefnd / 21. ágúst 2023 [Fundur 123](/v/26596)