**1. 2401044 - Fjárhagsáætlun 2024 - Viðauki I** |Til máls tók: Björn Bjarki| Samþykkt samhljóða. [Viðauki_1.pdf]( displaydocument.aspx? itemid=rFut3TEVA0CTPH5v0BkGQ&meetingid=p4SKuoACcEOq2x7pqQlFFg1) **2. 2401021 - Varúðarniðurfærsla skatt- og viðskiptakrafna og afskriftir v/2023** |Til máls tók: Björn Bjarki| Samþykkt samhljóða. **3. 2301066 - Viðmiðunarreglur um snjómokstur og hálkuvarnir** |Til máls tók: Eyjólfur.| Lagt til að fela sveitarstjóra að setja af stað endurskoðun á viðmiðunarreglum varðandi snjómokstur í Dalabyggð. Samþykkt samhljóða. [Viðmiðunarreglur um sjóðmokstur, feb. 2015.pdf]( displaydocument.aspx? itemid=VB0CM4Ted0Ojys86TqtFnA&meetingid=p4SKuoACcEOq2x7pqQlFFg1) **4. 2110034 - Drög að reglugerð um sjálfbæra landnýtingu** |Til máls tók: Eyjólfur.| Lagt til að fela sveitarstjóra að senda inn umsögn vegna málsins. Samþykkt samhljóða. [20240108 Reglugerð um sjálfbæra landnýtingu drög.pdf]( displaydocument.aspx? itemid=xhWspFK0HEeAc6p50bYqYA&meetingid=p4SKuoACcEOq2x7pqQlFFg1) [Umsögn sveitarfélagsins Dalabyggðar um drög að reglugerð um sjálfbæra landnýtingu.pdf]( displaydocument.aspx? itemid=cbQoduGrHkeiB4NaCvqbTA&meetingid=p4SKuoACcEOq2x7pqQlFFg1) **5. 2205016 - Kosning í stjórnir og samstarfsnefndir skv. B-hluta 48. gr. samþykkta Dalabyggðar** |Lagt til að Ingibjörg Þóranna Steinudóttir verði aðalfulltrúi Dalabyggðar og Skúli Hreinn Guðbjörnsson verði varafulltrúi.| Samþykkt samhljóða. **6. 2301030 - Menntastefna Dalabyggðar 2024-2029** |Til máls tók: Ingibjörg| Menntastefna Dalabyggðar lögð fram til afgreiðslu. Samþykkt samhljóða. Ingibjörg lagði fram eftirfarandi tillögu: Sveitarstjórn Dalabyggðar samþykkir að fela sveitarstjóra að gera tillögu að erindisbréfi fyrir starfshóp sem hafi það hlutverk að koma fram með tillögu að skipulagi þess hver og hvernig aðkoma Dalabyggðar verði að íþrótta-, æskulýðs- og tómstundastarfi í sveitarfélaginu í framtíðinni. Tillaga að erindisbréfi verði kynnt fræðslunefnd og í kjölfarið lögð fram til staðfestingar í sveitarstjórn. Í tillögu að erindisbréfi verði það m.a. tilgreint hver tilgangur með starfshópnum sé, hvernig hópurinn skuli skipaður, fjöldi fulltrúa í starfshópnum og annað það sem máli skiptir í vinnu sem þessari. Einnig verði tilgreint hvaða starfstíma hópnum er ætlað að starfa, fjöldi funda og við hverja skuli haft samráð. Samþykkt samhljóða. [Menntastefna Dalabyggðar 2024-2029 (stefna og innleiðing)_glærur.pdf]( displaydocument.aspx? itemid=xe2r_jBS0zJMxa2GsTQ&meetingid=p4SKuoACcEOq2x7pqQlFFg1) [Lokaskjal_Menntastefna Dalabyggðar 2024-2029.pdf]( displaydocument.aspx? itemid=gky8mKK_B0irxv5wh2MzA&meetingid=p4SKuoACcEOq2x7pqQlFFg1) **7. 2312002F - Byggðarráð Dalabyggðar - 318** |Samþykkt samhljóða.| **7.1. 2308002 - Deiliskipulag í Búðardal 2023** Byggðarráð samþykkir framlagða kostnaðaráætlun vegna vinnu við deiliskipulag í Hvömmum. **7.2. 2401044 - Fjárhagsáætlun 2024 - Viðauki I** Hækka kostnað v.Barnaverndar kr. 27.000.000 Tekjur v.mótframlags ríkisins allt að kr. 5.400.000 Hækkun kostnaðar v.Lengdrar viðveru kr. 1.967.000 Hækkun kostnaðar v.Deiluskipulags kr. 2.000.000 Hækkun á húsaleigutekjum kr. 11.900.000 Samtals breytingar á A-sjóði kr. 13.667.000 og til lækkunar á handbæru fé **7.3. 2312008 - Ábyrgð á ráðstöfun aukaafurða dýra (dýraleifa)** Byggðarráð þakkar fyrir minnisblaðið og hvetur til þess að málinu sé komið í réttan farveg eins og lýst er í framlögðu minnisblaði. **7.4. 2110010 - Sjúkraþjálfun í Dalabyggð** Byggðarráð þakkar fyrir erindið og felur sveitarstjóra að eiga samskipti við Sjúkratryggingar Íslands og heilbrigðisráðherra í samræmi við erindið og umræður á fundinum. **7.5. 2401017 - Heilsuefling** Byggðarráð þakkar fyrir erindið. Þá bendir ráðið á nýgerðan samning sveitarfélagsins við Umf. Óla pá um gjaldfrjáls afnot elli- og örorkulífeyrisþega af líkamsræktinni að Vesturbraut 8 og því góða starfi sem Íþróttafélagið Undri hefur haldið úti fyrir eldri borgara í aðstöðunni. Sveitarfélagið leitar reglulega leiða til að stuðla að heilsueflingu íbúa og verður erindið tekið með til frekari skoðunar í þeim málum. **7.6. 2401021 - Varúðarniðurfærsla skattkrafna 2023** Samþykkt samhljóða. **7.7. 2401022 - Skólavist utan lögheimilissveitarfélags** Samþykkt samhljóða. **7.8. 2311019 - Umhverfis-, orku- og loftslagsráðherra, starfshópur í Dalabyggð** Mánudaginn 29. janúar var haldinn opinn fundur með starfshópi ráðuneytisins. Verið er að taka saman punkta frá fundinum sem verða birtir á næstu dögum. **7.9. 2401037 - Umsagnarb. tækifærisleyfi Þorrablót Suður-Dala** Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, þ.e. fædd 2006 eða 18 ára á árinu. Sveitarstjórn gerir ekki athugasemdir við veitingu tækifærisleyfis vegna þorrablóts í Árbliki 10. febrúar 2024. **7.10. 2401042 - Umsagnarbeiðni Rekstrarleyfi Sælukotið Árblik** Byggðarráð gerir ekki athugasemdir við rekstrarleyfi með þeim fyrirvara að rekstraraðili hafi gert samning vegna sorphirðu. Samþykkt samhljóða. **7.11. 2204013 - Íþróttamannvirki í Búðardal** Sveitarstjóra falið að vinna áfram að málinu í samræmi við umræður á fundinum. **7.12. 2305019 - Dalaveitur/ljósleiðarahluti** Sveitarstjóri mun eiga fund með Mílu um miðjan mánuðinn. **8. 2401003F - Menningarmálanefnd Dalabyggðar - 36** |Til máls tók: Einar um fundargerðina í heild.| Samþykkt samhljóða. **8.1. 2401008 - Menningarmálaverkefnasjóður 2024** Farið yfir innsendar umsóknir í Menningarmálaverkefnasjóð Dalabyggðar. Opið var fyrir umsóknir frá 6. desember 2023 til og með 15. janúar 2024. Í sjóðinn bárust 7 umsóknir að upphæð 4.294.517 kr.- til úthlutunar voru 1.000.000 kr.- 7 verkefni hljóta styrk að þessu sinni: Sælukotið Árblik - jólatrésskemmtun = 80.000kr.- Sönghópurinn Hljómbrot - tónlistarverkefni = 200.000kr.- Héraðsskjalasafn Dalasýslu - námskeið, sögustund = 70.000kr.- History up close ehf. - námskeið í fornu handverki = 200.000kr.- Skátafélagið Stígandi - fjölskylduútilega = 200.000kr.- Alexandra Rut Jónsdóttir - jólatónleikar, menningaviðburður = 200.000kr.- Hallrún Ásgrímsdóttir - málverkasýning = 50.000kr.- Menningarmálanefnd Dalabyggðar þakkar fyrir innsendar umsóknir. **8.2. 2310001 - Bæjarhátíð 2024** Ákveðið að halda sig við 5.-7. júlí fyrir Heim í Búðardal. Dalabyggð mun leggja áherslu á dagskrá fyrir börnin á hátíðinni yfir daginn en menningarmálanefnd hvetur íbúa og rekstraraðila til að huga að öðrum dagskrárliðum sem og kvölddagskrá. Ekki er gert ráð fyrir dansleik á hátíðinni í ár. Eldhátíð verður haldin á Eiríksstöðum sömu helgi. **9. 2312003F - Fræðslunefnd Dalabyggðar - 127** |Samþykkt samhljóða.| **9.1. 2308003 - Auðarskóli, málefni grunnskóla 2023-2024** Skólastjóri kynnti framvinduskýrslu ytra mats 2020 sem uppfærð var í nóvember sl. Jákvætt er að sjá þá þróun sem orðið hefur frá því að síðasta uppfærsla átti sér stað í október 2022. Skólastjóri fór yfir það sem framundan er í starfi grunnskólans og nefndi þar verkefnið Nordplus sem er samstarfsverkefni með finnskum skóla og snýr að elsta stigi grunnskólans og eitt af grunnstefum þessa samstarfs snýr að sjálfbærni og þýðingu þess fyrir viðkomandi samfélög. Skólaráð fundaði fyrir stuttu og er fundargerð þess fundar komin inn á heimasíðu Auðarskóla. Skíðaferð er fyrirhuguð í síðustu viku febrúar og er stefnan sú að elsta stigið fari fyrst og svo í kjölfarið miðstig. Yngsta stigið er fyrirhugað að fara með á gönguskíðanámskeið til nágranna okkar á Ströndum í fyrstu viku mars ef veður leyfir. Skólastjóri fór yfir gögn úr Skólapúlsi. **9.2. 2308004 - Auðarskóli, málefni leikskóla 2023-2024** Innleiðing Námsvísa er í fullum gangi og unnið er að þróun samsvarandi námslota líkt og í grunnskólanum og fer sú vinna vel af stað. Skólastjóri kynnti útkomu úr könnun sem gerð var meðal foreldra leikskólabarna og sjá má að fréttabréf mælist vel fyrir meðal foreldra leikskólabarna. Varðandi framkomið erindi frá meistaranema þá gerir fræðslunefnd ekki athugasemd við að viðkomandi framkvæmi þá rannsókn sem um ræðir. **9.3. 2301030 - Skólastefna Dalabyggðar** Formaður fræðslunefndar fór yfir stöðu vinnunnar. Opið var fyrir umsagnir um drög að skólastefnu fram í yfirstandandi viku í kjölfar íbúafundar sem haldinn var þann 17. janúar sl. Næstu skref eru að fara yfir fram komnar athugasemdir og stefnan er að tillaga að nýrri menntastefnu Dalabyggðar verði lögð fram til afgreiðslu á fundi sveitarstjórnar þann 8. febrúar n.k. Fyrir þann fund verði tillaga að menntastefnu kynnt fyrir nemendum grunnskólans. **9.4. 2301027 - Skólaakstur ** **9.5. 2304010 - Félagsmiðstöðin Hreysið** Auglýsing um það starf sem um ræðir er í loftinu á heimasíðu Dalabyggðar. **9.6. 2208010 - Tómstundir í Dalabyggð** Formaður íþróttafélagsins Undra fór yfir það að hafinn er undirbúningur fyrir komandi sumar varðandi tómstunda/leikjanámskeið á vegum íþróttafélagsins. Fræðslunefnd lýsir ánægju með þetta frumkvæði íþróttafélagsins Undra og felur íþrótta- og tómstundafulltrúa, verkefnastjóra fjölskyldumála ásamt sveitarstjóra að halda utan um verkefnið af hálfu Dalabyggðar til þess að létta undir með þeim þáttum sem snúa að sveitarfélaginu. Einnig var rætt um tómstundastarfið núna í vetur og ánægjulegt að það hefur orðið alger sprenging í badmintoniðkun ungmenna en hvað starfið núna og skipulag, eins og oft áður, þá vantar starfsmenn/þjálfara oft á tíðum. **9.7. 2401041 - Ungmennaráð 2024** Fræðslunefnd hvetur til þess að ungmennaráð verði kallað saman sem fyrst til þess að fara yfir erindisbréf ráðsins og möguleg verkefni ásamt því að skipta með sér verkum. Íþrótta- og tómstundafulltrúi boðar til fundar með ungmennaráði. **10. 2401001F - Atvinnumálanefnd Dalabyggðar - 44** |Til máls tók: Garðar um dagskrárlið 3.| Samþykkt samhljóða. **10.1. 2301015 - Eiríksstaðir 2023** Nefndin þakkar Bjarnheiði fyrir yfirferðina á starfsárinu 2023 og áætlanir fyrir 2024. **10.2. 2401016 - Almennt um vinnu verktaka 2024** Nefndin þakkar þeim sem sáu sér fært að mæta á fundinn og góðar spurningar og umræður. Nefndin tekur fram að samræma þarf hvort skila eigi inn taxta með eða án vsk, þ.e. ekki er samræmi milli leiðbeininga og eyðublaðs. Umræður um hvort birta eigi niðurstöður minni verðkannana líkt og þegar um niðurstöður útboða er að ræða, þ.e. að þeir sem senda inn verð fái upplýsingar um niðurstöðu. Umræður hvernig Dalabyggð tekur á "frávikstilboðum" þegar gerðar eru verðkannanir. Umræður um nýtingu Ríkiskaupa-samninga fyrir stærri verkefni á vegum Dalabyggðar t.d. innkaup og flutning. Nefndin vonar að í framhaldi af kynningu á framkvæmdaáætlun verði hægt að undirbúa verkefni ársins þannig að aðföng og undirbúningur sé tilbúið þegar að viðeigandi/ákveðnum verktíma kemur. **10.3. 2212003 - Mælingar á farsímasamböndum í Dalabyggð** Lagt til að fá Þorstein Gunnlaugsson á fund nefndarinnar til að fara yfir þá þætti er snúa sérstakleg að Dalabyggð. **10.4. 2401027 - Nýsköpunarsetur Dalabyggðar 2024** Gjaldskrá lögð fram til afgreiðslu. Lagt til að gjaldskráin sé samþykkt. Rætt um dagskránna í Nýsköpunarsetrinu fram á vor. Viðburðir eru skipulagðir ca. aðra hverja viku og verða auglýstir með fyrirvara á miðlum Dalabyggðar. **10.5. 2301014 - Fréttir frá verkefnastjóra 2023** Umræður um að endurskoða áherslur á ferðablöð og taka frekar inn samfélagsmiðla og kostaðar auglýsingar. **10.6. 2208004 - Vegamál** Lagt fram til kynningar. **10.7. 2401029 - Upplýsingar um atvinnuleysi 2024** Lagt fram til kynningar. **11. 2312007F - Umhverfis- og skipulagsnefnd Dalabyggðar - 143** |Til máls tók: Guðlaug um dagskrárlið 5.| Samþykkt samhljóða. **11.1. 2204014 - Afnot af svæði fyrir Brekkuskóg** Nefndin felur Jóni Agli og sveitarstjóra að vinna málið áfram með hagsmuni sveitarfélagssins að leiðarljósi og gætt verði að aðgengi fyrir alla. **11.2. 2301065 - Ljárskógarbyggð** Nefndin samþykkir að auglýsa vinnslutillöguna, með því skilyrði að lóðir sem þegar hafa verið skipulagðar séu óbreyttar. Skipulagsfulltrúa falið að afla gagna. **11.3. 2312007 - Ólafsdalur breyting á gildandi deiluskipulagi** Nefndin frestar erindinu með vísan í síðustu málsgrein erindisins, þar sem Minjavernd ehf.lýsir því yfir að hún sé reiðubúin að funda með nefndinni. Sveitarstjóra falið að kalla til fundar. **11.4. 2402002 - Skógrækt í landi Hamra** Nefndin samþykkir að grenndarkynna verkefnið. **11.5. 2308002 - Deiliskipulag í Búðardal 2023** Nefndin fór yfir drögin og mun í framhaldi halda vinnufund með Arkís um frekari vinnslu tillagnanna. Sveitarstjóra falið að kalla til fundar. **11.6. 2006017 - Umhverfisdagar/umhverfisviðurkenningar í Dalabyggð** Sveitarstjóra falið að útfæra tillögu fyrir næsta fund umhverfis- og skipulagsnefndar. **11.7. 2110034 - Drög að reglugerð um sjálfbæra landnýtingu** Nefndin vísar því til sveitarstjóra ítreka áður gerðar athugasemdir. **13. 2401014 - Skýrsla sveitarstjóra 2024** |Til máls tók: Björn Bjarki.| Lagt fram til kynningar. [Skýrsla sveitarstjóra á fundi 243.pdf]( displaydocument.aspx? itemid=QyqJbOyzrkyrr4Gn88hQUA1&meetingid=p4SKuoACcEOq2x7pqQlFFg1)