= Fræðslu- og æskulýðsráð #91 = Fundur haldinn í Svörtuloftum, fundarsal í ráðhúsi Vesturbyggðar, 5. febrúar 2024 og hófst hann kl. 13:00 ====== Nefndarmenn ====== ====== Starfsmenn ====== - Ásdís Snót Guðmundsdóttir (ÁSG) embættismaður - Bergdís Þrastardóttir (BÞ) embættismaður - Hafdís Helga Bjarnadóttir () embættismaður - Kristín Mjöll Jakobsdóttir (KMJ) embættismaður - Lilja Rut Rúnarsdóttir (LRR) embættismaður ====== Fundargerð ritaði ====== - Hafdís Helga Bjarnadóttir Tómstundafulltrúi == Almenn erindi == === 1. Araklettur viðbygging === Leikskólastjóri Arakletts kynnir helstu breytingar sem verða á innra starfi leikskólans með tilkomu viðbyggingarinnar nýju. Leikskólastjóri Arakletts kynnti fyrir Fræðslu- og æskulýðsráði skipulagsbreytingar sem gerðar hafa verið á innra starfi skólans við það að nýtt húsnæði er tekið í notkun. Það verður opið hús á leikskólanum Arakletti á degi leikskólans 6.febrúar kl. 16.30 - 18.00. === 2. Íþróttaskólinn === Lagt var fram minnisblað frá sviðsstjóra fjölskyldusviðs þar sem gert er grein fyrir breytingu á fyrirkomulagi og starfsmannahaldi í íþróttaskólanum á Patreksfirði og Bíldudal. Í minnisblaðinu er einnig óskað eftir samþykki fyrir því að gjald fyrir íþróttaskólann sé innifalið í gjaldi Frístundar fyrir þau börn sem eru þar. Fræðslu- og æskulýðsráð samþykkir þá tillögu sem lögð er fram í minnisblaðinu. === 3. Innleiðing nýrrar aðferðarfræði í grunn og leikskóla Vesturbyggðar === Skólastjóri Patreksskóla kynnir aðferðarfræði Nurture og innleiðingu hennar. Sviðstjóra og skólastjóra Patreksskóla var boðið að taka þátt í námsferð til Glasgow til að kynna sér aðferðarfræði Nurture. Í framhaldi er skólum í Vesturbyggð boðið að taka þátt í verkefninu og vera með fyrstu skólum á Íslandi til að tileinka sér aðferðarfræðina. Leitast verður við að fá styrki til að standa undir þeim kostnaði sem hlýst af því að innleiða aðferðarfræðina. == Til kynningar == === 4. Ákvarðanir Persónuverndar um notkun Google Workspace for Education í grunnskólastarfi === Formaður kynnir ákvörðun Persónuverndar um notkun Google Workspace for Education í grunnskólastarfi. Skólastjórnendur fóru yfir hvaða áhrif þessi niðurstaða hefði á skólastarfið. Skólastjórnendur eru í samstarfi við persónuverndarfulltrúa Vesturbyggðar varðandi framhaldið. **Fleira ekki gert. Fundi slitið kl. 00:00**