= Hafna- og atvinnumálaráð #57 = Fundur haldinn í Svörtuloftum, fundarsal í ráðhúsi Vesturbyggðar, 15. febrúar 2024 og hófst hann kl. 16:00 ====== Nefndarmenn ====== - Einar Helgason (EH) aðalmaður - Guðrún A. Finnbogadóttir (GAF) formaður - Jónína Helga Sigurðard. Berg (JB) aðalmaður - Tryggvi Baldur Bjarnason (TBB) aðalmaður - Valdimar Bernódus Ottósson (VBO) aðalmaður ====== Starfsmenn ====== - Elfar Steinn Karlsson (ESK) hafnarstjóri ====== Fundargerð ritaði ====== - Elfar Steinn Karlsson hafnarstjóri == Almenn mál == === 1. Hafnarbakki 12, Patreksfirði - umsóknir um lóð. === Erindi vísað til hafna- og atvinnumálaráðs frá 115. fundi skipulags- og umhverfisráðs. Teknar fyrir umsóknir um byggingarlóðina að Hafnarbakka 12, Patreksfirði. Alls hafa borist 5 umsóknir um lóðina frá eftirfarandi aðilum: Hlemmavideo ehf. Oddur Þór Rúnarsson Guðbjartur Gísli Egilsson Eskiberg ehf. Héðinn Hákonarson. Um er að ræða 600m2 iðnaðar- og athafnalóð á hafnarsvæði Patrekshafnar, nýtingarhlutfall lóðar er 1. Á hafnarsvæðinu er gert ráð fyrir hefðbundnum iðnaði, fiskverkun, fullvinnslu fiskafurða og annarri matvælaframleiðslu ásamt annarri þjónustu sem tengd er útgerð, fiskvinnslu, sölu og þjónustu og rekstri hafnar. Á 54. fundi hafna- og atvinnumálaráðs bókaði ráðið að lóðin væru ætluð undir hafnsækna starfsemi. Samkvæmt 5. gr reglna Vesturbyggðar um úthlutun lóða skal dregið um hver umsækjenda fái lóð úthlutað, sæki fleiri en einn um lóð. Þá segir í 3. gr. hafnarreglugerðar fyrir hafnir Vesturbyggðar að hafnarstjórn hafi ákvörðunarvald um rekstur hafnanna, svo sem ráðstöfun á aðstöðu, þ.m.t. leigu á húsnæði í eigu hafnanna og landi í eigu þeirra. Skipulags- og umhverfisráð vísaði málinu til hafna- og atvinnumálaráðs og óskaði eftir að ráðið myndi meta hvernig áform umsækjenda falli að skipulagi svæðisins áður en dregið er úr hópi umsækjenda. Þá lagði skipulags- og umhverfisráð til að dregið yrði um á næsta reglulega fundi bæjarráðs Vesturbyggðar hvaða umsækjandi fengi lóðina úthlutaða.Einar Helgason og Jónína Helga Sigurðardóttir Berg véku af fundi við afgreiðslu málsins. Hafna- og atvinnumálaráð metur sem svo að umsóknir og áform allra umsækjenda um lóðina samræmist þeim skipulagsskilmálum sem tilgreindir eru í gildandi deiliskipulagi svæðisins. Hafna- og atvinnumálaráð tekur undir með skipulags- og umhverfisráði og leggur til að dregið verði um á næsta reglulega fundi bæjarráðs Vesturbyggðar hvaða umsækjandi fái lóðina úthlutaða. Einar Helgason og Jónína Helga Sigurðardóttir Berg komu aftur inn á fundinn. === 2. Deiliskipulag Bíldudalshöfn - Breyting, sameining lóða og byggingarreita. === Erindi vísað til hafna- og atvinnumálaráðs frá 115. fundi skipulags- og umhverfisráðs. Þann 9. nóvember 2023 samþykkti hafna- og atvinnumálaráð að leggja til við bæjarstjórn að tillagan yrði afgreidd skv. 1. mgr. 41. gr. skipulagslaga nr. 123/2010. Vegna tafa á umsögnum við breytingartillöguna var beðið með afgreiðslu. Fyrir liggja núna umsagnir frá Minjastofnun Íslands, Vegagerðinni og Heilbrigðiseftirliti Vestfjarða sem gerðu ekki athugsemdir við tillöguna. Skipulags- og umhverfisráð lagði til við hafna- og atvinnumálaráð að tillagan yrði samþykkt og afgreidd skv. 1. mgr. 42. gr. skipulagslaga nr. 123/2010.Valdimar B. Ottósson vék af fundi við afgreiðslu málsins. Hafna- og atvinnumálaráð samþykkir tillöguna leggur til við bæjarstjórn að tillagan verði samþykkt og afgreidd skv. 1. mgr. 42. gr. skipulagslaga nr. 123/2010. Valdimar B. Ottósson kom aftur inn á fundinn. === 3. Patrekshöfn í grunnnet hafna hjá Vegagerðinni === Hafnarstjóri tilkynnti að s.l. 4 ár hafi vöruflutningar í gegnum Patrekshöfn verið yfir 10 þúsund tonn að meðaltali á ári og í undirbúningi sé að koma höfninni aftur í grunnnet hafna. Vegagerðin tilkynnti Vesturbyggð um niðurfellingu Barðastrandarvegar (62-07) af vegaskrá árið 2018, með því afhenti Vegagerðin sveitarfélaginu veghald á veginum. Með endurkomu Patrekshafnar í grunnnet hafna mun veghald aftur færast yfir til Vegagerðarinnar. Á Vestfjörðum eru Bíldudalshöfn, Brjánslækjarhöfn, Bolungarvíkurhöfn og Ísafjarðarhöfn nú þegar skráðar í grunnnet hafna. == Fundargerðir til kynningar == **Fleira ekki gert. Fundi slitið kl. 17:10**