[s. 433 1000](tel:4331000) [Vefir Akraneskaupstaðar](#) = Skipulags- og umhverfisráð = Dagskrá === 1.Garðyrkjustjóri 2024 === 2401301 Yfirlit og samantekt frá Garðyrkjustjóra Skipulags- og umhverfisráð þakkar Jóni fyrir góða yfirferð yfir fyrirhuguð verkefni ársins og síðastliðins árs. === 2.Íþr. húsið Vesturgötu viðgerð (Vesturgata 120) === 2310299 Útboðsgögn vegna endurgerðar klæðninga á veggum og í lofti íþróttahússins að Vesturgötu. Lagt fram og kynnt fyrir skipulags- og umhverfisráði. Verkefnisstjóra falið að koma verkefninu í útboð sem fyrst. Endanleg gögn verði kynnt fyrir ráðinu. === 3.Leikskólamál - Valkostagreining === 2402297 Málið var tekið fyrir í bæjarráði 29. febrúar 2024 sem vísaði málinu áfram til skipulags- og umhverfisráðs. Bæjarráð samþykkti að ráðist verði í útboð vegna kaupa á tveimur lausum kennslustofum og felur sviðsstjóra skipulags- og umhverfissviðs úrvinnslu málsins. Gert er ráð fyrir að kostnaði verði mætt innan gildandi fjárfestingaráætlunar vegna ársins 2024. Málið komi að nýju til ákvörðunar bæjarráðs til ákvörðunar er endanleg gögn, áætlaður kostnaður og tillaga um tilfærslur verkefna í fjárfestingaáætlun liggja fyrir. Bæjarráð samþykkti að ráðist verði í útboð vegna kaupa á tveimur lausum kennslustofum og felur sviðsstjóra skipulags- og umhverfissviðs úrvinnslu málsins. Gert er ráð fyrir að kostnaði verði mætt innan gildandi fjárfestingaráætlunar vegna ársins 2024. Málið komi að nýju til ákvörðunar bæjarráðs til ákvörðunar er endanleg gögn, áætlaður kostnaður og tillaga um tilfærslur verkefna í fjárfestingaáætlun liggja fyrir. Skipulags- og umhverfisráð felur skipulagsfulltrúa að hefja skipulagsferil fyrir byggingu tveggja leikskólastofa á lóð Teigasels. === 4.Beykiskógar 17 - starfsmannaaðstaða === 2101248 Tillaga um að staðsetja laust hús fyrir starfsmenn á bílastæði við Beykiskóga 17. Skipulags- og umhverfisráð felur byggingarfulltrúa að útbúa og kynna fyrirkomulag um timburklædda skrifstofueiningu á lóð vestan við starfsmannaaðstöðuna sem fengi tímabundið stöðuleyfi. === 5.Álfalundur 31 - umsókn um byggingarleyfi ÚTHLUTAÐ === 2209043 Sótt er um að fækka íbúðum í raðhúsinu Álfalundur 31-43 úr 7 íbúðum í 6 íbúðir. Skipulags- og umhverfisráð samþykkir erindið, en umsækjandi þarf að útbúa skipulagsbreytingu eftir 4. mgr. 44. gr. skipulagslaga nr. 123/2010 sem verður kynnt fyrir Veitum. Allur kostnaður sem hlýst af breytingunni greiðist af lóðarhafa. === 6.Reynigrund 24 breyting á húsnæði -umsókn til skipulagsfulltrúa === 2403026 Sótt er um breytingu á einbýlihúsi við Reynigrund 24. Breytingin felst í að fjölga og breyta gluggum og að breyta þaki. Bílskúrshurðargati verður lokað og bílskúr breytt í herbergi. Framkvæmdir eru þegar hafnar og hefur byggingarfulltrúi stöðvað framkvæmdir formlega. Skipulags- og umhverfisráð hafnar erindinu vegna breytinga á gluggum og gluggasetningu. Byggingar- og skipulagsfulltrúum falið að vinna málið áfram. === 7.Deiliskipulag breyting á Sementsreit - Suðurgata 124 === 2312105 Breyting á deiliskipulagi Sementsreits vegna lóðarinnar Suðurgata 124. Heimilt verður að byggja íbúðarhúsnæði á tveimur hæðum með allt að tveimur íbúðum ásamt bílskúrum. Deiliskipulagsbreytingin var grenndarkynnt í samræmi við 2. mgr. 43. gr. skipulagslaga nr. 123/2010 frá 30. janúar til 29. febrúar 2024 fyrir húseigendum við Suðurgötu 121, 122, 123 og 126 og Skagabraut 15, 17, 19 og 21. Engar athugasemdir bárust. Deiliskipulagsbreytingin var grenndarkynnt í samræmi við 2. mgr. 43. gr. skipulagslaga nr. 123/2010 frá 30. janúar til 29. febrúar 2024 fyrir húseigendum við Suðurgötu 121, 122, 123 og 126 og Skagabraut 15, 17, 19 og 21. Engar athugasemdir bárust. Skipulags- og umhverfisráð leggur til við bæjarstjórn að deiliskipulagsbreytingin verði samþykkt, send til Skipulagsstofnunar og auglýst í B-deild Stjórnartíðinda. === 8.Deiliskipulag Jaðarsbakkar og frumhönnun === 2304154 Vinnufundur íbúa vegna skipulags á Jaðarsbökkum var haldinn 22. febrúar á Garðavöllum, fundargerð lögð fram. Skipulags- og umhverfisráðs þakkar íbúum fyrir þátttöku í góðum vinnufundi. Markmið fundarins var að fá fram sjónarmið íbúa á frumhönnun Basalts arkitekta fyrir deiliskipulagi Jaðarsbakka, en vinna á áfram með þá hönnun í skipulagsvinnunni sem er framundan fyrir svæðið. Markmið fundarins var að fá fram sjónarmið íbúa á frumhönnun Basalts arkitekta fyrir deiliskipulagi Jaðarsbakka, en vinna á áfram með þá hönnun í skipulagsvinnunni sem er framundan fyrir svæðið. === 9.Endurbætur stíga og lýsing á safnasvæði (Byggðasafn) === 2310103 Erindi frá mennta- og menningarnefnd um framkvæmdir á lóð Byggðasafns ásamt áætlun um kostnað. Skipulags- og umhverfisnefnd þakkar fyrir erindið og vísar verkefnunum til vinnu við næstu fjárhagsáætlun. === 10.Heiðargerði - Merkigerði gatnamót - fyrirspurn til skipulagsfulltrúa === 2402057 Lokun Heiðargerðis við Merkigerði. Skipulags- og umhverfisráð felur skipulagsfulltrúa að skoða þessa breytingu þegar farið verður í heildarendurskoðun Akratorgsreits. === 11.Sorphirða á Akranesi - framlenging á samningi === 2206209 Drög að framlengingu samnings við Terra til 31.8.2024, þegar nýr samningur og tunnur verða tilbúin. Skipulags- og umhverfisráð samþykkir framlengingu á þjónustusamningi við Terra til 31.8.2024. === 12.Elínarvegur gatnagerð- umsókn um framkvæmdaleyfi === 2403023 Umsókn Festi h. um framkvæmdarleyfi um gatnagerð og gerð reiðvegar á hluta Elínarvegi, ásamt yfirborðsmótun við suðurenda Elínarvegi frá Hausthúsatorgi og afrein frá Akranesvegi. Á framkvæmdartíma verður opið fyrir umferð norður Elínarveg. Skipulags- og umhverfisráð leggur til við bæjarstjórn að samþykkja framkvæmdaleyfi vegna gatnagerð á Elínarvegi, skv. 10 gr. reglugerðar um framkvæmdaleyfi nr. 772/2012. Fundi slitið - kl. 21:00.