[Íbúar](/is/ibuar) [Börn og ungmenni](/is/ibuar/daggaesla-og-skolar) [Dagforeldrar](/is/ibuar/daggaesla-og-skolar/dagforeldrar) [Farsæld barna](/is/ibuar/daggaesla-og-skolar/farsaeld-barna) [Frístundir](/is/ibuar/daggaesla-og-skolar/fristundir) [Grunnskólar](/is/ibuar/daggaesla-og-skolar/grunnskolar-kopavogs) [Gæsluvellir](/is/ibuar/daggaesla-og-skolar/gaesluvellir) [Leikskólar](/is/ibuar/daggaesla-og-skolar/leikskolar) [Sumarnámskeið í Kópavogi](/is/ibuar/daggaesla-og-skolar/sumarnamskeid-i-kopavogi) [Samfella í leik- og grunnskólum](/is/ibuar/daggaesla-og-skolar/samfella_i_leik-_og_grunnskolum) [Tónlistarskólar](/is/ibuar/daggaesla-og-skolar/tonlistarskolar) [Vinnuskóli](/is/ibuar/daggaesla-og-skolar/vinnuskoli) [Íþróttir & útivist](/is/ibuar/ithrottir-utivist) [Velferð](/is/ibuar/velferd) [Eldri borgarar](/is/ibuar/velferd/aldradir) [Félagsleg úrræði](/is/ibuar/velferd/felagslegur-studningur) [Fólk með fötlun](/is/ibuar/velferd/fatlad-folk) [Börn og fjölskyldur](/is/ibuar/velferd/born-og-fjolskyldur) [Þjónusta](/is/ibuar/thonusta) [Skipulagsmál](/is/ibuar/skipulagsmal) [Byggingarmál](/is/ibuar/byggingarmal) [Samgöngur](/is/ibuar/samgongur) [Umhverfi](/is/ibuar/umhverfi) [Menning](/is/ibuar/menning) [Íbúaverkefni](/is/ibuar/ibuaverkefni) [Stjórnsýsla](/is/stjornsysla) [Bæjarstjórn](/is/stjornsysla/baejarstjorn) [Nefndir og ráð](/is/stjornsysla/rad-og-nefndir) [Fundargerðir](/is/stjornsysla/fundargerdir) [Stefnur, samþykktir og erindisbréf](/is/stjornsysla/stefnur-samthykktir-og-erindisbref) [Lög og reglugerðir](/is/stjornsysla/log-og-reglugerdir-1) [Útgáfa og tölfræði](/is/stjornsysla/utgafa-og-tolfraedi) [Stjórnkerfið](/is/stjornsysla/stjornkerfid) [Fyrir fjölmiðla](/is/stjornsysla/fyrir-fjolmidla) [Fyrir starfsfólk](/is/stjornsysla/fyrir-starfsfolk) [Mannlíf](/is/mannlif) [þjónustugátt](https://thjonustugatt.kopavogur.is/login.aspx?ReturnUrl=%2f) [Ábendingar](/is/abendingar-form) "Bæjarstjórn samþykkir að hefja undirbúning að rammahluta aðalskipulags fyrir miðbæ Kópavogs. Svæðið afmarkast af Borgarholti til vesturs, Vallartröð til austurs, Digranesvegi og Borgarholtsbraut til suðurs og Hamraborg til norðurs. Markmiðið er að festa heildarsýn og tengingar fyrir miðbæjarsvæði Kópavogs í sessi í samráði við íbúa og aðra hagaðila." Fundarhlé hófst kl. 18:40, fundi fram haldið kl. 19:30. Bókun: "Meirihlutinn telur mikilvægt að mótuð verði áætlun og heildstæð stefna um þróun miðbæjarins. Þær áherslur birtast m.a. í fjárhagsáætlun bæjarins sem var samþykkt á síðasta ári en þar er gert ráð fyrir að skipulagsvinnan hefjist á næsta ári. Nokkrar leiðir eru færar að því markmiði. Sú umræða þarf að fara fram í skipulagsráði áður en hún kemur til afgreiðslu bæjarstjórnar. Leggur því meirihlutinn til að tillögunni verði vísað til skipulagsráðs eins og hún er orðuð í breytingartillögu. Það er rétt að geta þess að það deiliskipulag sem er í gildi fyrir hluta svæðisins hefur enn ekki komið til framkvæmda. Bæjaryfirvöld hafa lagt áherslu á það við framkvæmdaaðila að gerð verði raunhæf framkvæmdaáætlun fyrir Fannborgarreitinn, m.a. um hvernig aðgengi íbúa að eignum sínum verði tryggt á framkvæmdatíma. Ljóst er að uppbyggingarinnar er víða beðið með eftirvæntingu. Tillaga um undirbúning að rammahluta aðalskipulags felur í sér breytta forgangsröðun verkefna sem þegar eru í vinnslu. Slíkar ákvarðanir eru teknar við fjárhagsáætlunargerð og hefði umræða um aðra forgangsröðun átt heima í þeirri umræðu. Verkefni skipulagsdeildar eru mörg og ærin og hluti þeirra verkefna sem nú eru á borðum tengjast þeirri vinnu sem hér er til umræðu, svo sem þau atriði sem taka til almenningssamgangna með tilkomu Fossvogsbrúar og tengingu leiðakerfis við Hamraborg og miðbæjarsvæði Kópavogs." Ásdís Kristjánsdóttir Elísabet B. Sveinsdóttir Hjördís Ýr Johnson Andri S. Hilmarsson Björg Baldursdóttir Sigrún H. Jónsdóttir Bókun: "Heildarsýn fyrir miðbæjarsvæði Kópavogs hefur lengi verið á dagskrá bæjarstjórnar. Bæjarstjórn samþykkti samhljóða 25. maí 2021 að hefja skipulagsvinnu á miðbæjarsvæðinu að Borgarholti til vesturs. Sérfræðingar frá Alta voru fengnir til að vinna forsendugreiningu að heildarsýn fyrir svæðið. Vönduð forsendugreining sérfræðinganna var til umfjöllunar á vinnufundi bæjarstjórnar í ágúst 2022 og dagsetning lokaskýrslu er 4. október 2022. Síðan hefur ekkert gerst. Hlutar miðbæjarsvæðisins eru í mikilli niðurníðslu og deiliskipulag sem samþykkt var fyrir hluta svæðisins hefur reynst óframkvæmanlegt. Á meðan sitja íbúar svæðisins í algjörri óvissu um framtíðarþróun mála. Í uppbyggingarsamningi Kópavogsbæjar við lóðarhafa er stefnt að því að ljúka framkvæmdum á árinu 2025. Fyrir liggur að ekki er unnt að efna samninginn samkvæmt efni sínu og því er nauðsynlegt að láta reyna á réttarstöðu bæjarins samkvæmt þessum samningi. Það eru hagsmunir íbúa og bæjarins að eyða óvissu í málinu." Helga Jónsdóttir Thelma B. Árnadóttir Sigurbjörg Erla Egilsdóttir Theódóra Þorsteinsdóttir Bergljót Kristinsdóttir Breytingartillaga fulltrúa Sjálfstæðisflokks og Framsóknarflokks: "Bæjarstjórn samþykkir að vísa til skipulagsráðs að hafinn verði undirbúningur að gerð áætlunar og heildstæðrar stefnu um þróun miðbæjar Kópavogs. Kostir og gallar ólíkra leiða verði skoðaðar. Svæðið afmarkast af Borgarholti til vesturs, Vallartröð til austurs, Digranesvegi og Borgarholtsbraut til suðurs og Hamraborg til norðurs. Markmiðið er að festa heildarsýn og tengingar fyrir miðbæjarsvæði Kópavogs í sessi í samráði við íbúa og aðra hagaðila." Bæjarstjórn samþykkir breytingartillöguna samhljóða.