= Bæjarráð #980 = Fundur haldinn í fjarfundi, 26. mars 2024 og hófst hann kl. 12:00 ====== Nefndarmenn ====== - Anna Vilborg Rúnarsdóttir (AVR) aðalmaður - Jón Árnason (JÁ) aðalmaður - Þórkatla Soffía Ólafsdóttir (ÞSÓ) formaður ====== Starfsmenn ====== - Gerður Björk Sveinsdóttir (GBS) sviðsstjóri fjármála- og stjórnsýslusviðs - Þórdís Sif Sigurðardóttir (ÞSS) bæjarstjóri ====== Fundargerð ritaði ====== - Gerður Björk Sveinsdóttir sviðsstjóri fjármála- og stjórnsýslusviðs == Almenn erindi == === 1. Sameiginleg bakvakt í barnavernd á Vestfjörðum === Á fundi framkvæmdaráðs velferðarþjónustu Vestfjarða sem haldinn var 19. mars s.l. voru lagðar fram tillögur sviðs- og félagsmálastjóra á Vestfjörðum um sameiginlega bakvakt barnaverndarþjónustu með eftirfarandi bókun: "Framkvæmdaráð leggur til við aðildarsveitarstjórnir samningsins að þær samþykki tillöguna." Vísað er til 11. gr. samnings um sérhæfða velferðarþjónustu á Vestfjörðum þar sem segir m.a. að framkvæmdaráð sé rekstrarráð velferðarþjónustu Vestfjarða og hafi umsagnar- og tillögurétt er varðar rekstur og fjárhag málaflokka sem undir samninginn heyra. Lagt er til að bæjarráð taki vel í beiðnina og feli sviðsstjóra stjórnsýslu- og fjármálasviðs að útbúa viðauka við fjárhagsáætlun 2024 vegna bakvaktanna. Bæjarráð tekur vel í tillöguna og felur sviðsstjóra stjórnsýslu- og fjármálasviðs að útbúa viðauka við fjárhagsáætlun 2024 og leggja fyrir á næsta fundi bæjarráðs. === 2. Styktarsjóður EBÍ 2024 === Lagt fram bréf Eignarhaldsfélags Brunabótafélags Íslands, dags. 21. mars 2024, þar sem vakin er athygli á styrktarsjóði EBÍ 2024. Tilgangur sjóðsins er að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálaum í aðildarsveitarfélögum. Bæjarstjóra falið að undirbúa umsókn um styrk. === 3. Vesturbyggð - Örútboð á raforku === Lagðar fyrir niðurstöður örútboðs á raforku. Samþykkt að taka tilboði lægstbjóðandi í raforkuútboði með fyrirvara um að hæfisskilyrði séu uppfyllt. === 4. Umsagnarbeiðni - Breyting á rekstrarleyfi - Flak - verbúðunum við Eyrargötu === Lögð fyrir beiðni Sýslumannsins á Vestfjörðum dags. 18.mars sl. um umsögn SogS veitingar um breytingu á rekstrarleyfi. Bæjarráð gerir ekki athugasemd við breytingu á rekstrarleyfinu. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Kubb ehf. eða aðra sambærilega aðila um förgun á sorpi sem fellur til við starfsemina og gert sé ráð fyrir viðeigandi fjölda bílastæða. == Til kynningar == === 5. Fundargerðir stjórnar Sambands íslenskra sveitarfélaga 2024 === Lagðar fram til kynningar 945. og 946. fundargerðir stjórnar Sambands Íslenskra sveitarfélaga. === 6. 69. fjórðungsþing Vestfirðinga að vori, 10. apríl 2024 === Lagt fram til kynningar fundarboð Fjórðungssambands Vestfirðinga, dags. 11. mars 2024, vegna 69. fjórðungsþings Vestfirðinga að vori, sem haldið verður 10. apríl 2024 á Ísafirði. === 7. Til samráðs -Drög að þingsályktunartillögu um framkvæmdaáætlun í kynjajafnréttismálum fyrir árin 2024-2027 === Lagður fram tölvupóstur frá forsætisráðuneytinu dags. 11. mars sl. með ósk um umsögn um drög að þingsályktunartillögu um framkvæmdaáætlun í kynjajafnréttismálum fyrir árin 2024 - 2027 === 8. Til samráðs - drög að frumvarpi um breytingu á lögum um opinber innkaup === Lagður fram tölvupóstur frá fjármála- og efnahagsráðuneytinu dags. 11. mars sl. með ósk um umsögn um drög að frumvarpi um breytingu á lögum um opinber innkaup. === 9. Til samráðs -kosningar, kostnaðarskipting ríkis og sveitarfélaga === Lagður fram tölvupóstur frá dómsmálaráðuneytinu dags. 13. mars sl. með ósk um umsögn um kosningar-kostnaðarskipting ríkis og sveitarfélaga. === 10. Mál nr. 125 um hagkvæmniathugun á uppbyggingu Skógarstrandarvegar === Lagður fram tölvupóstur frá umhverfis- og samgöngunefnd Alþingis dags. 15. mars sl. með ósk um umsögn um hagkvæmniathugun á uppbyggingu Skógarstrandarvegar. === 11. Ákall eftir sjónarmiðum vegna endurskoðunar laga um verndar- og orkunýtingaráætlun. === Lagður fram tölvupóstur frá starfshópi á vegum umhverfis-, orku- og loftlagsráðuneytinu dags. 20. mars sl. með ákalli eftir sjónarmiðum vegna endurskoðunar laga um verndar- og orkunýtingaráætlun. === 12. Sveitarstjórnarkosningar 2024 === Sveitarstjórnarkosningarnar hafa verið auglýstar og þar með boðaðar 4. maí n.k. með auglýsingu í Stjórnartíðindum 21. mars sl. Framboðsfrestur er til 12 á hádegi föstudaginn 29. mars n.k. Enn fremur hefur Þjóðskrá Íslands verið upplýst um boðaða íbúakosningu fyrir heimastjórnir sem haldnar verða sama dag, 4. maí n.k. Reglur um um heimastjórnarkosningar í Sameinuðu sveitarfélagi Tálknafjarðarhrepps og Vesturbyggðar hafa verið birtar í B deild Stjórnartíðinda. **Fleira ekki gert. Fundi slitið kl. 00:00**