2403003 Tekið fyrir 4. mál af dagskrá 397. fundar bæjarráðs frá 3. apríl 2024: Viðaukar 2024 Lögð fram tillaga að viðauka nr. 2 við fjárhagsáætlun 2024 Beiðni um aukið stöðuhlutfall í Frístund Mál nr. 2401012 Á 392. fundi bæjarráðs var samþykkt beiðni skólastjóra um viðbótar stöðugildi í frístund. Áætlaður kostnaðarauki vegna launa og launatengdra gjalda á árinu 2024 nemur 3,65 m.kr. Lagt er til að kostnaðarauka sé mætt með lækkun á handbæru fé. Rekstur leikskóla 2024 og opnun nýrrar deildar Mál nr. 2403002 Í minnisblaði leikskólastjóra sem lagt var fram á 395 bæjarráðs kemur fram áætluð mönnunarþörf vegna nýrrar deildar. Áætlaður kostnaður við laun og launatengd gjöld nema samtals 23 m.kr. á árinu 2024. Lagt er til að kostnaðarauka verði mætt með lækkun á handbæru fé. Á 395. fundi bæjarráðs var samþykkt verkefnis- og kostnaðaráætlun vegna mats á húsnæðisþörf í skóla- og frístundaumhverfi Voga til næstu framtíðar. Heildar kostnaður vegna verkefnsins er áætlaður 2,5 m.kr. og er lagt til að kostnaðarauka verði mætt með lækkun á handbæru fé. Afgreiðsla bæjarráðs: Bæjarráð samþykkir framlagða tillögu að viðauka við fjárhagsáætlun og vísar málinu til staðfestingar í bæjarstjórn. Bæjarstjórn Sveitarfélagsins Voga samþykkir hér með á bæjarstjórnarfundi að taka lán hjá Lánasjóði sveitarfélaga að höfuðstól allt að kr. 80.000.000,- , með lokagjalddaga þann 20. febrúar 2039, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér. Bæjarstjórnin samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga. Er lánið tekið til endurfjármögnunar afborgana lána frá Lánasjóði sveitarfélaga og fellur ekki að kröfum reglugerðar 2021/2139 um umhverfisvænar fjárfestingar sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Gunnari Axel Axelsyni kt. 030475-2919, bæjarstjóra, veitt fullt og ótakmarkað umboð til þess f.h. Sveitarfélagsins Voga að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns. Enn fremur samþykkir bæjarstjórn Sveitarfélagsins Voga hér með á bæjarstjórnarfundi að taka lán hjá Lánasjóði sveitarfélaga að höfuðstól allt að kr. 20.000.000,- , með lokagjalddaga þann 20. febrúar 2039, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér. Bæjarstjórnin samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga. Er lánið tekið til framkvæmdir við færanlegar kennslustofur sem fellur undir skilgreiningu 7.2. skv. reglugerð ESB nr. 2139/2021 en uppfyllir ekki öll skilyrði með jákvæðum hætti sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Gunnari Axel Axelsyni kt. 030475-2919, bæjarstjóra, veitt fullt og ótakmarkað umboð til þess f.h. Sveitarfélagsins Voga að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns. Afgreiðsla bæjarstjórnar: Samþykkt samhljóða með 7 atkvæðum