= Bæjarráð #941 = Fundur haldinn í Svörtuloftum, fundarsal í ráðhúsi Vesturbyggðar, 15. júní 2022 og hófst hann kl. 12:00 ====== Nefndarmenn ====== - Anna Vilborg Rúnarsdóttir (AVR) aðalmaður - Jón Árnason (JÁ) aðalmaður - Þórkatla Soffía Ólafsdóttir (ÞSÓ) formaður ====== Starfsmenn ====== - Gerður Björk Sveinsdóttir (GBS) sviðsstjóri fjármála- og stjórnsýslusviðs ====== Fundargerð ritaði ====== - Gerður Björk Sveinsdóttir sviðsstjóri fjármála- og stjórnsýslusviðs == Almenn erindi == === 1. Stjórnskipan Vesturbyggðar - skipan í ráð og nefndir 2022 === Skipað í ráð og nefndir skv. Samþykktum um stjórn Vesturbyggðar og bókun bæjarstjórnar Vesturbyggðar frá 372. bæjarstjórnar þar sem bæjarráði var falin fullnaðarafgreiðsla skv. 32. gr. samþykkta um stjórn Vesturbyggðar nr. 558/2022 til að skipa í ráð og nefndir Vesturbyggðar. Skipulags - og umhverfisráð: Barði Sæmundsson Jón Garðar Jörundsson Jóhann Pétur Ágústsson Friðbjörg Matthíasdóttir Jóhanna Gísladóttir Til vara: Kristján Finnbogason Véný Guðmundsdóttir María Ósk Óskarsdóttir Gunnar Sean Eggertsson Ásdís Snót Guðmundsdóttir Samþykkt samhljóða. Menningar- og ferðamálaráð Ramon Flaviá Piera Hjörtur Sigurðsson Gunnþórunn Bender María Ósk Óskarsdóttir Anna Vilborg Rúnarsdóttir Til vara: Óskar Leifur Arnarson Silja Björg Ísafoldardóttir Iða Marsibil Jónsdóttir Jón Árnason Ásgeir Sveinsson Hafna- og atvinnumálaráð Guðrún Anna Finnbogadóttir Jörundur Garðarsson Valgerður Ingvadóttir Gísli Ægir Ágústsson Magnús Jónsson Til vara: Þórkatla Soffía Ólafsdóttir Iða Marsibil Jónsdóttir Marteinn Þór Ásgeirsson Valdimar Bernódus Ottósson Petrína Sigrún Helgadóttir Samþykkt samhljóða Samráðsnefnd Vesturbyggðar og Tálknafjarðarhrepps Skipað fulltrúm bæjarráðs Vesturbyggðar Samþykkt samhljóða Fasteignir Vesturbyggðar: Skipað fulltrúum bæjarráðs Vesturbyggðar Samþykkt samhljóða Almannavarnanefnd: Bæjarstjóri Samþykkt samhljóða. === 2. Hjúkrunarrými á Heilbrigðisstofnun Vestfjarða Patreksfirði === Fulltrúar Vesturbyggðar skipaðir í starfshóp um fjölgun hjúkrunarrýma og viðbótarrými fyrir starf eldri borgara við heilbrigðisstofnun Vestfjarða á Patrekfirði. Í starfshópinn eru skipuð fyrir hönd Vesturbyggðar, Jón Árnason, Þórkatla Soffía Ólafsdóttir og Friðbjörg Matthíasdóttir. === 3. Fjárhagsáætlun 2023 - 2026 === Lagðar fram reglur um fjárhagsáætlunarferlið 2022 vegna áætlunar 2023 - 2026 ásamt drögum að dagsetningum við vinnu fjárhagáætlunar. Bæjarráð staðfestir reglurnar í umboði bæjarstjórnar Vesturbyggðar. === 4. Rekstur og fjárhagsstaða 2022. === Lagðar fram rekstrartölur fyrir fyrstu fjóra mánuði ársins. Útsvarstekjur eru yfir áætlun eða um 14% og rekstrartekjur í heild um 11,4% yfir áætlun. Rekstrargjöld eru á áætlun. Fjármunatekjur og gjöld eru 18% yfir áætlun. Til samanburðar er áætlunartölum skipt niður á mánuði í hlutfalli við raunbókanir ársins 2021. Gert var ráð fyrir því að reksturinn fyrir árið 2022 myndi skila 44 milljónum í hagnað fyrir árið. Skv. niðurstöðum fyrir fyrstu fjóra mánuði ársins er rekstrarniðurstaðan fyrir það tímabil 46,5 milljónir. === 5. Fjárhagsáætlun 2022 - viðaukar === Lagður fyrir viðauki 2 við fjárhagsáætlun 2022. Viðaukinn er lagður fyrir vegna kaupa á lyftara fyrir áhaldahús og Patreksfirði. Tækið kostar 10 milljónir og er mætt með lækkun á handbæru fé. Kaupin hafa ekki áhrif á rekstrarniðurstöðu í A og B hluta en handbært fé í A hluta lækkar um 10 milljónir og verður 36,2 milljónir. Handbært fé í A og B hluta lækkar um 10 milljónir og verður 49,9 milljónir. Bæjarráð staðfestir viðaukann í umboði bæjarstjórnar Vesturbyggðar. === 6. Ofanflóðavarnir á Bíldudal === Lögð fyrir ákvörðun Skipulagsstofnunar dags. 27. maí vegna matsskyldu við Ofanflóðavarnir við Stekkjargil og milligil á Bíldudal. Er það niðurstaða Skipulagsstofnunar að fyrirhuguð framkvæmd sé ekki líkleg til að hafa í för með sér umtalsverð umhverfisáhrif, sbr. þau viðmið sem tilgreind eru í 2. viðauka laga um umhverfismat framkvæmda og áætlana. Því skal framkvæmdin ekki háð mati á umhverfisáhrifum. Með vísan til ákvörðunar Skipulagsstofnunar 27. maí 2022 að fyrirhuguð framkvæmd við ofanflóðavarnir á Bíldudal sé ekki líkleg til að hafa í för með sér umtalsverð umhverfisáhrif skv. 2 viðauka laga um umhverfismat framkvæmda og áætlana nr. 111/2021 og sé því ekki háð mati á umhverfisáhrifum sem og frumathugun ofanflóðavarna í Stekkagili/Gilsbakkagili og Milligili á Bíldudal - annar áfangi frá október 2020. Óskar sveitarfélagið Vesturbyggð hér með eftir því við ofanflóðanefnd að hafin verði vinna við hönnun ofanflóðavarna á Bíldudal sem allra fyrst. Þá verði framkvæmdinni tryggt nægt fjármagn sem fyrst til að flýta megi framkvæmdum til að tryggja fullnægjandi öryggi fyrir íbúa á Bíldudal gegn ofanflóðum í samræmi við fjármálaáætlun ríkisins sem gerir ráð fyrir að uppbyggingu varnarmannvirkja verði lokið árið 2030. === 7. Skólamötuneyti á Bíldudal === Engin tilboð bárust í skólamötuneyti á Bíldudal og hefur verið auglýst eftir matráð, umsóknarfrestur rennur út 17. júní nk. === 8. Endurskoðun á samningi um styrk til björgunarsveitarinnar Blakks === Lagt fyrir erindi stjórnar björgunarsveitarinnar Blakks á Patreksfirði þar sem óskað er eftir auknu framlagi Vesturbyggðar til sveitarinnar. Bæjarráð vísar erindinu áfram til vinnu við fjárhagsáætlun 2023 - 2026. === 9. Endurskoðun á samningi um rekstur upplýsingamiðstöðvar í Vesturbyggð === Jón Árnason vék af fundi. Lagt fyrir erindi Westfjords Adventures dags. 11.maí sl. þar sem óskað er eftir auknu framlagi til rekstur upplýsingamiðstöðvar. Westfjords Adventures hefur rekið upplýsingamiðstöð með styrk frá Vesturbyggð sl. fjögur ár og hefur framlagið til rekstursins verið óbreytt 900 þúsund. Óskað er eftir því að styrkurinn verði 1.250 þúsund eða horft verði til hækkunar á vísitölu frá árinu 2018. Bæjarráð samþykkir að hækka styrkinn sem nemur hækkun á vísitölu. Jón Árnason kom aftur inná fundinn. === 10. Umsagnarbeiðni rekstrarleyfi - Pálshús === Lagt fram bréf ásamt fylgiskjölum dags. 17. maí 2022 frá Sýslumanninum á Vestfjörðum með beiðni um umsögn vegna umsóknar um gististað í flokk 2 í Pálshúsi Aðalstræti 3, Patreksfirði. Bæjarráð gerir ekki athugasemd við veitingu leyfisins. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Kubb ehf. eða aðra sambærilega aðila um förgun á sorpi sem fellur til við starfsemi gististaðarins og gert sé ráð fyrir viðeigandi fjölda bílastæða. === 11. Beiðni um að reisa gróðurhús við kamb === Lögð fyrir beiðni Rósu Hrannar Hrafnsdóttur dags. 9. maí sl. um að fá að reisa lítið gróðurhús á lóð að Kambi, Aðalstræti 4 sem er í eigu Vesturbyggðar. Bæjarráð samþykkir að að reist verði lítið gróðurhús á lóðinni. Gróðurhúsið er á ábyrgð og reist á kostnað umsækjanda. Gerð er krafa um að frágangur og ásýnd sé góð. == Til kynningar == === 13. Brotthvarf úr framhaldsskólum === Lagt fram til kynningar bréf dags. 4. maí 2022, frá Sambandi íslenskra sveitarfélaga vegna skýrslu velferðavaktarinnar um brotthvarfs úr framhaldsskólum. === 14. Orlof húsmæðra 2022 === Lagt fram til kynningar erindi dags. 5. maí 2022 frá sambandi íslenskra sveitarfélaga þar sem vakin er athygli á lögbundnu framlagi sveitarfélaga til orlofsnefndar húsmnæðra á viðkomandi orlofssvæði. === 15. Áskorun til sveitarfélaga vegna fasteignaskatts === Lagt fram til kynningar ályktun stjórnar FA, dags. 31. maí 2022, vegna fasteignaskatta á atvinnuhúsnæði. === 16. 67. Fjórðungsþing Vestfirðinga að sumri, 14. júní 2022 === Lagt fram til kynningar boðun á 67. Fjórðungsþings Vestfirðinga sem haldið var 14. júní sl. === 17. Mál nr. 563 um stefnumótandi byggðaáætlun fyrir árin 2022-2036. Ósk um umsögn === Lögð fram til kynningar beiðni Umhverfis- og samgöngunefndar Alþingis dags. 18. maí 2022 um umsögn um frumvarp til laga um stefnumótandi byggðaáætlun fyrir árin 2022-2036, 563. mál. === 18. Fundargerð nr 909 stjórnar Sambands íslenskra sveitarfélaga === Lögð fram til kynningar fundargerð stjórnar Sambands íslenskra sveitarfélaga frá 909. fundi stjórnar. === 19. Mál nr 482 um atvinnuréttindi útlendinga ( einstaklingar sem flytjast til innan viðskiptafyrirtækis) ósk um umsögn === Lögð fram til kynningar beiðni Velferðanefndar Alþingis dags. 2. maí 2022 um umsögn um frumvarp til laga um atvinnuréttindi útlendinga (einstaklingar sem flytjast til innan viðskiptafyrirtækis), 482. mál. === 20. Mál nr. 593 um sorgarleyfi. Ósk um umsögn === Lögð fram til kynningar beiðni Velferðanefndar Alþingis dags. 2. maí 2022 um umsögn um frumvarp til laga um sorgarleyfi, 593. mál. === 21. Reikningsskil sveitarfélaga - breyting á reglugerð 1212-2015 === Lagt fram til kynningar bréf reikningsskila- og upplýsinganefndar dags. 5. maí 2022 þar sem minnst er á að með breyting á 20. gr. reglugerðar nr. 1212/2015 var kveðið á um að byggasamlög sameignarfélög, sameiningarfyrirtæki og önnur félagaform sem eru með ótakmarkaðri ábyrgð sveitarfélags, skuli færð inn í samantekin reikningsskil sveitarfélags miðað við hlutafallslega ábyrgð sveitarfélags. === 22. Bréf til sveitarfélaga frá mennta- barnamálaráðherra vegna móttöku barna á flótta frá Úkraníu === Lagt fram til kynningar bréf til sveitarfélaga dags. 1. júní sl. frá mennta og barnamálaráðherra vegna móttöku barna á flótta frá Úkraínu. === 23. Sorhirða Verkfundargerðir Verktaka og Verkkaupa === Lögð fram til kynningar fundargerð 2. verkfundur milli Kubbs, Vesturbyggðar og Tálknafjarðarhrepps sem haldinn var 5. maí 2022 lögð. Til aðgreiningar frá fundargerð 1 er viðbótartexti í nýjustu fundargerð bláletrað. === 24. Fundargerð 138 fundar Heilbrigðisnefndar 11. maí 2022 ásamt bréfi heilbrigðisnefndar til Fjórðungssambandsins === Fundargerð 138. fundar heilbrigðisnefndar Vestfjarða frá 11. maí sl. ásamt bréfi heilbrigðisnefndar til Fjórðungssambandsins lagt fram til kynningar. === 25. Mál nr. 595 um útlendinga (alþjóðleg vernd). Ósk um umsögn === Lögð fram til kynningar beiðni Allsherjar- og menntamálanefndar Alþingis dags. 17. maí 2022 um umsögn um frumvarp til laga um útlendinga (alþjóðleg vernd), 595. mál. === 26. Mál nr. 592 um framkvæmdaáætlun í málefnum innflytenda. Ósk um umsögn === Lögð fram til kynningar beiðni Velferðarnefndar Alþingis dags. 18. maí 2022 um umsögn um tillögu til þingsályktunar um framkvæmdaáætlun í málefnum innflytjenda, 592. mál. === 27. Mál nr. 573 um skipulagsmál ( uppbygging innviða). Ósk um umsögn === Lögð fram til kynningar beiðni Umhverfis- og samgöngunefndar Alþingis dags. 23. maí 2022 um umsögn um frumvarp til laga um skipulagslög (uppbygging innviða), 573. mál. === 28. Mál nr. 571 um sveitarstjórnarlög (íbúakostningar á vegnum sveitarfélaga). Ósk um umsögn === Lögð fram til kynningar beiðni Umhverfis- og samgöngunefndar Alþingis dags. 23. maí 2022 um umsögn um frumvarp til laga um sveitarstjórnarlög (íbúakosningar á vegum sveitarfélaga), 571. mál. === 29. Rofavörn frá hafnarsvæði að Yxnahamrar === Lögð fram til kynningar umsókn Vesturbyggðar dags. 27. maí sl. til Vegagerðarinnar um að unnin verði hönnun og í framhaldi framkvæmdir á sjóvörnum við Yxnahamar Patreksfirði. **Fleira ekki gert. Fundi slitið kl. 13:52**