= Skipulags og umhverfisráð #95 = Fundur haldinn í Svörtuloftum, fundarsal í ráðhúsi Vesturbyggðar, 9. maí 2022 og hófst hann kl. 16:00 ====== Nefndarmenn ====== - Barði Sæmundsson (BS) aðalmaður - Friðbjörg Matthíasdóttir (FM) aðalmaður - Jóhann Pétur Ágústsson (JPÁ) aðalmaður - Jóhanna Gísladóttir (JG) aðalmaður - Kristján Finnbogason (KF) varamaður ====== Starfsmenn ====== - Elfar Steinn Karlsson (ESK) byggingafulltrúi - Óskar Örn Gunnarsson (ÓÖG) skipulagsfulltrúi ====== Fundargerð ritaði ====== - Elfar Steinn Karlsson byggingarfulltrúi == Almenn erindi == === 1. Móra ehf. Umsókn um stöðuleyfi. === Erindi frá Móru ehf. ódags. Í erindinu er sótt um stöðuleyfi fyrir þremur gámum við Krossholt-Móru, landnr. 221595. Umsókninni fylgir teikning sem sýnir staðsetningu og uppröðun gámanna. Skipulags- og umhverfisráð óskar eftir frekari upplýsingum frá umsækjenda um nýtingu gámanna og áform á lóðinni. === 2. Balar 2, umsókn um byggingaráform. === Tekin fyrir eftir grenndarkynningu byggingaráform vegna Bala 2 á Patreksfirði. Áformin voru grenndarkynnt með auglýsingu frá 22. mars til 22. apríl 2022. Alls bárust sex athugasemdir við auglýsingu grenndarkynningar sem beindust aðallega að miklu byggingarmagni á reitnum. Í ljósi framkominna athugasemda og umfangs verkefnisins fer skipulags- og umhverfisráð fram á að framkvæmdaraðili ráðist í gerð deiliskipulags fyrir reitinn þar sem umfang verði minnkað og íbúðum fækkað frá grenndarkynningu. === 3. Krosseyri. Deiliskipulag fyrir Heilsusetur === Tekin fyrir tillaga að deiliskipulagi fyrir heilsusetur á Krosseyri í Geirþjófsfirði, dagsett apríl 2022. Í deiliskipulaginu er gert ráð fyrir uppbyggingu heilsuseturs þar sem skilgreindir eru átta byggingarreitir en skipulagssvæðið er 4,2 ha að stærð. Lögð er áhersla á vistvæna hönnun. Skipulags- og umhverfisráð samþykkir fyrirliggjandi tillögu og felur skipulagsfulltrúa að auglýsa tillöguna skv. 41. gr. skipulagslaga nr. 123/2010. === 4. Dalbraut 1 - umsókn um byggingarleyfi === Friðbjörg Matthíasdóttir vék af fundi. Erindi frá M11 arkitektum f.h. Búbíl ehf, dags. 05.05.2022. Í erindinu er sótt um samþykki fyrir byggingaráformum vegna viðbyggingar við Dalbraut 1 á Bíldudal ásamt breyttu innra skipulagi og útlitsbreytingum. Erindinu fylgja aðaluppdrættir unnir af M11 arkitektum dags. 05.05.2022. Skipulags- og umhverfisráð samþykkir að grenndarkynna áformin. Grenndarkynna skal áformin fyrir Tjarnarbraut 2, Dalbraut 4 og 7, Hafnarbraut 6 og 8 og Smiðjustíg 1. Friðbjörg Matthíasdóttir kom aftur inn á fundinn. === 5. Ofanflóðavarnir á Bíldudal === Lagt fram erindi frá Skipulagsstofnun, dags. 24. mars 2022. Í erindinu er óskað umsagnar um könnun á matsskyldu vegna ofanflóðavarna ofan Bíldudals, Stekkjargil/Gilsbakki og Milligil. Skipulags- og umhverfisráð telur að á fullnægjandi hátt sé gerð grein fyrir fyrirhugaðri framkvæmd og umhverfi hennar, umhverfisáhrifum og mati framkvæmdaaðila á þeim, og gerir ekki athugasemdir við fyrirhugaðar mótsvægisaðgerðir og vöktun að svo komnu máli. **Fleira ekki gert. Fundi slitið kl. 17:35** Óskar Örn Gunnarsson, skipulagsfulltrúi var viðstaddur fundinn í gegnum fjarfundarbúnað.