= Samráðsnefnd Vesturbyggðar og Tálknafjarðarhrepps #64 = Fundur haldinn í Svörtuloftum, fundarsal í ráðhúsi Vesturbyggðar, 3. maí 2022 og hófst hann kl. 16:30 ====== Nefndarmenn ====== - Ásgeir Sveinsson (ÁS) aðalmaður - Bjarnveig Guðbrandsdóttir (BG) aðalmaður - Iða Marsibil Jónsdóttir (IMJ) formaður - Lilja Magnúsdóttir (LM) aðalmaður - Þórkatla Soffía Ólafsdóttir (ÞSÓ) aðalmaður ====== Starfsmenn ====== - Ólafur Þór Ólafsson (ÓÞÓ) sveitarstjóri - Rebekka Hilmarsdóttir (RH) bæjarstjóri ====== Fundargerð ritaði ====== - Iða Marsibil Jónsdóttir formaður == Almenn mál == === 1. Samgöngu- og vegakerfi á sunnanverðum Vestfjörðum === Rætt um samgöngu- og vegakerfi á sunnanverðum Vestfjörðum og bókun sveitarfélaganna 12. apríl sl. vegna umfjöllunar um ferjuna Baldur. Í kjölfarið óskuðu fulltrúar sveitarfélaganna eftir fundi með Vegagerðinni, Samgöngustofu, innviðaráðherra og formanni umhverfis- og samgöngunefndar Alþingis. Sá fundur fór fram 25. apríl 2022 og voru umræður þar um samgöngu- og vegakerfi á sunnanverðum Vestfjörðum gagnlegar en betur má en duga skal. Vegir á sunnanverðum Vestfjörðum koma illa undan vetri og segja má að þeir séu meira og minna ónýtir. Nauðsynlegt er að brugðist verði við alvarlegri stöðu vega á sunnanverðum Vestfjörðum hið fyrsta. Sveitarfélögin reikna með aðgerðum að hálfu Vegagerðarinnar þó verkefnið virðist vaxa stofnuninni í augum. Sveitarfélögin óska eftir að fá aðgerðaráætlun Vegagerðarinnar um hvernig brugðist verði við þessu alvarlegu ástandi á sunnanverðum Vestfjörðum. === 2. Brunavarnir í Vesturbyggð og á Tálknafirði === Sveitarstjóri Tálknafjarðahrepps fór yfir stöðuna við undirbúning mögulegrar stofnunar byggðasamlags fyrir brunavarnir á sunnanverðum Vestfjörðum. === 3. Almenningssamgöngur á sunnanverðum Vestfjörðum === Rætt var um næstu skref í undirbúningi áframhaldandi reksturs almenningssamgangna á sunnanverðum Vestfjörðum. === 4. Framhaldsskólanám á sunnanverðum Vestfjörðum === Rætt um stöðu framhaldsskólanáms á sunnanverðum Vestfjörðum. Farið yfir fund framkvæmdastjóra sveitarfélaganna með mennta- og barnamálaráðherra 31. mars 2022 um framtíðarsýn framhaldsskólanáms á sunnanverðum Vestfjörðum. === 5. Strandsvæðaskipulag Vestfjarða === === 6. Ársreikningur Minjasafns Egils Ólafssonar 2021 === Ársreikningur Minjasafns Egils Ólafssonar 2021 lagður fram. Inga Hlín Valdimarsdóttir, forstöðumaður safnsins og Margrét Magnúsdóttir, skoðunarmaður sátu fundinn undir þessum lið og fóru yfir ársreikninginn. Tap safnsins á árinu 2021 nam 1.044.537 kr. sem skýrist af því að styrkir voru ekki greiddir út fyrr en á árinu 2022. Samkvæmt efnahagsreikningi nema eignir félagsins 22.682.755 kr. og bókfært eigið fé í árslok er 22.339.263 kr. Nefndin staðfestir ársreikninginn samhljóða. **Fleira ekki gert. Fundi slitið kl. 18:20**