Vesturbyggð
Bæjarráð - 940
= Bæjarráð #940 =
Fundur haldinn í Svörtuloftum, fundarsal í ráðhúsi Vesturbyggðar, 3. maí 2022 og hófst hann kl. 14:00
====== Nefndarmenn ======
- Ásgeir Sveinsson (ÁS) aðalmaður
- Iða Marsibil Jónsdóttir (IMJ) aðalmaður
- Þórkatla Soffía Ólafsdóttir (ÞSÓ) formaður
====== Starfsmenn ======
- Gerður Björk Sveinsdóttir (GBS) skrifstofustjóri
- Rebekka Hilmarsdóttir (RH) bæjarstjóri
====== Fundargerð ritaði ======
- Gerður Björk Sveinsdóttir sviðsstjóri fjármála- og stjórnsýslusviðs
== Almenn erindi ==
=== 1. Heilsueflandi samfélag ===
Íþrótta- og tómstundarfulltrúi kom inná fundinn og fór yfir stöðuna á verkefninu heilsueflandi samfélag sem bæjarstjórn Vesturbyggð samþykkti að taka þátti í á 347. fundi bæjarstjórnar. Unnið er að umsókn til Landlæknis um að taka þátt í verkefninu.
Íþrótta- og tómstundarfulltrúi fór jafnframt yfir stöðu verkefnis um heilsustíga í Vesturbyggð. Tæki sem fara eiga upp á Patreksfirði eru komin og verða sett upp á næstu vikum. Pöntun á tækjum fyrir Bíldudal er í vinnslu, gert er ráð fyrir að þau tæki fari upp fyrir sumarið 2023.
=== 2. Ársreikningur Vesturbyggðar 2021 ===
Lagður fram til seinni umræðu ársreikningur Vesturbyggðar og stofnana hans fyrir árið 2021.
Bæjarráð vísar ársreikningi 2021 til seinni umræðu í bæjarstjórn.
=== 3. Lyftari fyrir áhaldahús Patreksfirði ===
Lagt fyrir minnisblað frá sviðsstjóra umhverfis- og framkvæmdasviðs þar sem farið er yfir stöðu lyftara áhaldahússins á Patreksfirði sem er bilaður og áætlaðan kostnað ef gera á við tækið. Sviðstjóri metur ástand lyftarans þannig að ekki borgi sig að gera við hann og mælir með því að keypt verði nýtt tæki.
Bæjarráð felur sviðsstjóra umhverfis- og framkvæmdasviðs ásamt sviðsstjóra fjármála- og stjórnsýslusviðs að vinna að gerð viðauka og leggja fyrir til samþykktar.
=== 4. Stefnumótun í ferðaþjónustu ===
Lögð fram uppfærð drög að ferðamálastefnu Vesturbyggðar, uppfærðar hafa verið helstu tölur, hún tengd við aðalskipulag Vesturbyggðar 2018-2035 og heimsmarkmið Sameinuðu þjóðanna um sjálfbæra þróun.
Bæjarráð vísar ferðamálastefnu Vesturbyggðar til staðfestingar bæjarstjórnar.
=== 5. Sláttur og hirðing 2022-2024 Útboð ===
Rætt um niðurstöðu útboðs á slætti í Vesturbyggð, Patreksfirði og Bíldudal. Eitt tilboð barst í verkið frá Guðmundi Birni Þórssyni f.h. óstofnaðs fyrirtækis, tilboðið hljóðaði upp á 12.511.154 kr.
Þar sem einungis einn aðili bauð í verkið eru komnar forsendur til þess að semja við tilboðsgjafa, því hafnar bæjarráð tilboðinu og felur sviðsstjóra umhverfis- og framkvæmdasviðs að óska eftir samtali við tilboðsgjafa um mögulegan samning um verkið.
=== 6. Skólamötuneyti á Bíldudal ===
Lögð fram drög að útboðs- og verklýsingu fyrir mötuneyti á Bíldudal. Bæjarráð leggur til við bæjarstjórn að rekstur mötuneytisins verði boðin út og samþykkir drögin fyrir sitt leyti. Málinu vísað til umfjöllunar bæjarstjórnar.
=== 7. Samráðshópur um forsendugreiningu fyrir verndun Breiðafjarðar ===
Lagt fram erindi frá Sigríði Finsen dags. 14. apríl 2022, þar sem óskað er tilnefninga í samráðshóp skipaðann fulltrúum sveitarfélaga við Breiðafjörð sem verði stýrihópi umhverfis, orku og loftlasráðherra til ráðgjafar og samráðs í vinnu við forsendugreiningu fyrir verndun Breiðafjarðar og tengsl við byggðaþróun.
Bæjarráð tilnefnir bæjarstjóra Vesturbyggðar í samráðshópinn.
=== 8. Umsagnarbeiðni gistileyfi - Mórunes Patreksfirði ===
Lögð fram beiðni frá sýslumanni Vestfjarða dags. 19. apríl 2022 um umsögn um leyfi til reksturs gisitistaðs í Flokki II-G íbúðir að Mórunesi á Barðaströnd. Bæjarráð gerir ekki athugasemd við veitingu rekstrarleyfis. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við rekstraraðila um förgun á sorpi sem fellur til við starfsemi gististaðarins.
=== 9. Varðandi gildistíma klippikorta ===
Lagt fram erindi frá Rögnvaldi Birgi Johnsen, dags. 28. apríl 2022, þar sem gerðar eru athugasemdir við breytingar sem gerðar hafa verið varðandi notkun klippikorta við förgun á úrgangi á gámavöllum í Vesturbyggð.
Breytingar á fyrirkomulagi varðandi meðhöndlun úrgangs í Vesturbyggð urðu í kjölfar útboðs á árinu 2020. Útboðið tók mið að auknum kröfum um meðhöndlun úrgangs og kostnaðar í samræmi við breytingar á lögum um meðhöndlun úrgangs nr. 55/2003.
Sviðsstjóra umhverfis- og framkvæmdasviðs falið að svara bréfritara.
=== 10. Fjöruhreinsun Rauðasandur 2022 ===
Lagt fram erindi frá Umhverfisstofnun dags. 25. apríl 2022 vegna fjöruhreinsunar á Rauðasandi í júlí í samvinnu við landeigendur. Hreinsunin fer fram í tengslum við OSPAR samninginn en samningurinn gengur út á verndun hafrýmis Norðaustur-Atlandshafsins, meðal annars með því að draga úr mengun frá landi og uppsprettum í hafi og er Rauðisandur ein af þeim fjörum á Íslandi sem vöktuð er árlega. Í erindinu er óskað eftir áframhaldandi samstarfi við Vesturbyggð um framlag m.a. í formi greiðslu fyrir gám og veitingar fyrir sjálfboðaliða.
Bæjarráð samþykkir erindið og hvetur íbúa og aðra áhugasama til að taka þátt í hreinsuninni.
== Til kynningar ==
=== 11. Menntastefna Vestfjarða ===
Lagt fram til kynningar erindi frá Vestfjarðastofu dags. 8. apríl 2022 um gerð Menntastefnu Vestfjarða.
=== 12. Mál nr 582 um niðurgreiðslu húshitunarkostnaðar (umhverfivæn orkuöflun) ósk um umsögn. ===
Lögð fram til kynningar beiðni atvinnuveganefndar Alþingis dags. 29. apríl 2022 um umsögn um frumvarp til laga um niðurgreiðslu húshitunarkostnaðar (umhverfivæn orkuöflun), 582. mál.
=== 13. Mál nr 590 um aðbúnað, hollustuþætti og öryggi á vinnustöðum ( vinnutími starfsmanna sem veita notendastýrða persónulega aðstoð) ósk um umsögn ===
Lögð fram til kynningar beiðni velferðarnefnd Alþingis dags. 11. apríl 2022 um umsögn um frumvarp til laga um aðbúnað, hollustuhætti og öryggi á vinnustöðum (vinnutími starfsmanna sem veita notendastýrða persónulega aðstoð), 590. mál.
=== 14. Styrktarsjóður EBÍ 2022 ===
Lögð fram til kynningar umsókn um styrk vegna verkefnisins Vatneyrarbúð - uppsetning fræðslu- og sögusýningar, dags. 7. apríl 2022.
=== 15. Uppgröftur á Asbests lögn í Bíldudal ===
Lagt fram til kynningar svarbréf Vesturbyggðar vegna kröfu um uppgröft á vatnsleiðslu í landi Litlu-Eyrar dags. 11. apríl 2022.
=== 16. Fundargerðir stjórnar Fjórðungssambands Vestfirðinga ===
Lögð fram til kynningar fundargerð stjórnarfundar Fjórðungssambands Vestfirðinga, 30. mars 2022.
=== 17. Fundargerðir stjórnar Vestfjarðastofu 2022 ===
Lögð fram til kynningar fundargerð 44. fundar stjórnar Vestfjarðastofu dags. 23. febrúar 2022.
=== 18. Fundargerðir Breiðafjarðarnefndar 2022 ===
Lagðar fram til kynningar fundargerðir Breiðafjarðarnefndar af 200 og 201. fundi nefndarinnar, 15. febrúar 2022 og 5. apríl 2022.
**Fleira ekki gert. Fundi slitið kl. 16:13**