== == [Íbúaráð Kjalarness - Fundur nr. 48 ](/fundargerdir/ibuarad-kjalarness-fundur-nr-48) **Íbúaráð Kjalarness** Ár 2024, miðvikudaginn, 8. maí, var haldinn 48. fundur íbúaráðs Kjalarness. Fundurinn var haldinn í Klébergsskóla og hófst kl. 16.35. Eftirtaldir fulltrúar voru viðstaddir: Ellen J. Calmon, Guðfinna Ármannsdóttir, Sigrún Jóhannsdóttir, Olga Ellen Þorsteinsdóttir og Þorkell Sigurlaugsson. Fundinn sat einnig Ragnar Harðarson. Sigurlaug Anna Jóhannsdóttir ritaði fundargerð. **Þetta gerðist:** Lögð fram tilkynning umhverfis- og skipulagsviðs ódags. um auglýsingu á tillögu að breytingu á deiliskipulagi Klettastíg í Esju. USK23110296. Íbúaráð Kjalarness leggur fram eftirfarandi bókun: Íbúaráðið fagnar bættu aðgengi fyrir göngufólk. Fylgigögn Lagt fram bréf mannréttinda- og lýðræðisskrifstofu dags. 23. apríl 2024, ásamt fylgiskjölum um aðkomu íbúaráða að fjárfestinga- og viðhaldáætlun 2024 – 2028. MSS24040187. Samþykkt að fela formanni íbúaráðs í samráði við fulltrúa ráðsins að vinna tillögur íbúaráðs Kjalarness að fjárfestingar- og viðhaldsverkefnum fyrir 31. maí nk. Fylgigögn Fram fer umræða um svifferju upp Esjuhlíðar. MSS24050009. Íbúaráð Kjalarness leggur fram eftirfarandi bókun: Íbúaráð Kjarness vill koma á framfæri við Framkvæmdasýsluna ríkiseignir vilja íbúa til þess að koma að samtali um Esjuferju á sem flestum stigum málsins. Fylgigögn Lagðar fram umsóknir styrkja úr Hverfissjóð Reykjavíkurborgar. MSS24030095. Samþykkt að veita verkefninu Kaffihlaðborð í félagsheimilinu Fólkvangi, styrk að upphæð kr. 100.000,- Samþykkt að veita verkefninu Leikhópurinn Lotta á Vorhátíð leikskólans Bergs, styrk að upphæð kr. 100.000,- Samþykkt að veita verkefninu Sumarblóm við Klébergslaug, styrk að upphæð kr.25.000,- Samþykkt að veita verkefninu BMX Brós sýning í Klébergsskóla, styrk að upphæð kr. 100.000,- Öðrum styrkumsóknum er hafnað. Þessi liður fundarins er lokaður með vísan til 7. gr. samþykktar fyrir íbúaráð Reykjavíkurborgar. **Fundi slitið kl. 17.36** Ellen Jacqueline Calmon Guðfinna Ármannsdóttir Sigrún Jóhannsdóttir Olga Ellen Þorsteinsdóttir Þorkell Sigurlaugsson **PDF útgáfa fundargerðar Fundargerð íbúaráðs Kjalarness frá 8. maí 2024**