= Fræðslunefnd = Dagskrá Þórdís Þórisdóttir boðaði forföll. === 1.Aukin stuðningsþörf í Heiðarskóla árið 2024. === 2405026 Erindi frá skólastjóra Heiðarskóla. Fræðslunefnd samþykkir aukna stöðugildaþörf og vísar afgreiðslu til sveitarstjórnar með fyrirvara um að umbeðin gögn berist eigi síðar en 7. júní 2024. === 2.Stöðugildi í leikskólanum 2024-2025 haust. === 2405027 Erindi frá leikskólastjóra Skýjaborgar. Fræðslunefnd samþykkir stöðugildaþörf í leikskólanum Skýjaborg skólaárið 2024-2025. Stöðugildaþörf rúmast innan fjárheimildar ársins 2024. === 3.Farsældardagurinn á Vesturlandi 2024. === 2404085 Erindi frá Samtökum sveitarfélaga á Vesturlandi. Fimmtudaginn 16. maí var Farsældardagur Vesturlands haldinn. Markmið með viðburðinum var að framlínufólk farsældarmála á Vesturlandi kæmi saman, bæri saman bækur sínar og mótuðu innleiðingu farsældarlaganna í landshlutanum. Um 120 manns komu saman í Hjálmakletti í Borganesi og hlýddu á „fyrirmyndarsögur“ frá sveitarfélögnum, þ.e. hvað hefur tekist vel og hvernig mætti læra enn meira af reynslunni. Eyrún Jóna Reynisdóttir leikskólastjóri Skýjaborgar sagði frá fyrirmyndarverkefniu, snemmtæk íhlutun í máli og læsi og skólasamstarfi úr Hvalfjarðarsveit. Mikil ánægja var með daginn. === 4.Frístund-eftir skóla. === 2306014 Farið yfir Frístundastarfið veturinn 2023-2024. Skólastjóri fór yfir frístundastarf vetrarins. === 5.Barnamenningarhátíð 2024. === 2405029 Barnamenningarhátíð verður haldin á Akranesi dagana 23. - 31. maí 2024. Þema hátíðarinnar er SKRÍMSLI. Barnamenningarhátíð er áhersluverkefni Sóknaráætlunnar Vesturlands og hefur hátíðin farið á milli þriggja sveitarfélaga á Vesturlandi undanfarin ár og tók Akranes við keflinu af Borgarbyggð. Leikskólinn Skýjaborg fékk í heimsókn til sín líkt og leikskólarnir á Akranesi Birte og Immu sem sungu og trölluðu með börnunum í skrímslaþema.Krístrún Sigurbjörnsdóttir og Helena Guttormsdóttir heimsóttu einnig leikskólann og voru með fjörufróðleik og sögðu sögu um Katanesdýrið. === 6.Málefni Grindavíkur. === 2405030 Erindi frá Sambandi íslenskra sveitarfélaga um leik og grunnskóla og frístundastarf Grindavíkur. Lagt fram til kynningar. Fundi slitið - kl. 18:00.